Category: कवितेचा उत्सव 2

श्री अशोक श्रीपाद भांबुरे

अशोक भांबुरे जी यांची कविता अभिव्यक्ती # 180

☆ जन्मदर… ☆

रावणांचा जन्मदर हा वाढलेला

भ्रूण स्त्रीचा उकिरड्यावर फेकलेला

लग्नसंस्थेचाच मुद्दा ऐरणीवर

अन् तरीही माणसा तू झोपलेला

साधु संताचे अता संस्कार नाही

वासनेचा डोंब आहे पेटलेला

पायवाटा नष्ट केल्या डांबराने

कृत्य काळे आणि रस्ता तापलेला

कोणताही पक्ष येथे राज्य करुदे

अन्नदाता दिसत आहे त्रासलेला

पाय मातीवर म्हणे आहेत त्याचे

गालिच्यावर तो फुलांच्या चाललेला

छान संस्कारात सारे वाढलेले

का तरीही एक आंबा नासलेला ?

© अशोक श्रीपाद भांबुरे

महंत कवी राज शास्त्री

  हे शब्द अंतरीचे # 122  

☆ अनामिक तू… ☆

तुला काय बोलावे, मला कळत नव्हते

तुझ्याशिवाय दुसरे, पहावत सुद्धा नव्हते.!!

अशी कशी आलीस, हवे सारखी तू

अर्धवट एक, रात्रीचे स्वप्न माझे तू.!!

तुला पाहण्यात, माझा वेळ खर्ची झाला

लोभस मोहक सोज्वळ, भुरळ माझ्या मनाला.!!

अबोल स्तब्ध अन्, अचेतन मी क्षणभर झालो

पाहुनी तुझ्या सौंदर्याला, मलाच मी विसरलो.!!

पुन्हा कधी भेटशील, शक्यता नाहीच आता

कधी भेटू वळणार, तर ती वेळ कुठे आता.!!

अनामिक ललना तुला, नामना सांग काय देऊ

असेच कधी भेटू पुन्हा, मनाला दिलासा देऊ.!!

© कवी म.मुकुंदराज शास्त्री उपाख्य कवी राज शास्त्री

श्री पंचकृष्ण आश्रम चिंचभुवन, वर्धा रोड नागपूर – 440005

मोबाईल ~9405403117, ~8390345500

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ.गौरी गाडेकर≈

  चित्रकाव्य  

  मी घर बांधतो घरासारखं… कवि- अज्ञात ☆ प्रस्तुती सुश्री मीनल केळकर ☆

मी घर बांधतो घरासारखं

आणि

हा पक्षी माझ्याच घरात घर बांधतोय त्याच्या मनासारखं

मी विचारलं त्याला , “बाबारे, ना तुझ्या नावाचा सातबारा,

ना तुझ्या नावाचं मुखत्यारपत्र!”

तर म्हणतो कसा,

“अरे सोपं असतं का कुणाच्या घरात जागा करणं 

आणि कुणाच्या मनात घर करणं”

माझं घर तर काड्यांचं आहे.

तुझं घर माडीचं आहे!

नात्यांची घट्ट वीण, विणत गेली नाही, तर

माडीचं घर सुद्धा काडीमोलाचं असतं!

मला नेहमी वाटायचं माझ्यामुळेच त्या पक्ष्यांचं घर झालं.

आता वाटतंय.

त्याच्यामुळेच माझं विचारांचं प्लास्टर पक्क झालं.

आता त्याचा चिवचिवाट माझ्यासाठी पसायदान असते.

तो डोळे झाकून घरट्यात बसला, की समाधिस्त आणि समृद्ध वाटतो.

त्या पक्षाने शिकवलं मला…

एका घराची दोन घरं होण्यापेक्षा घरात घर करुन राहाणं

आणि

दुसऱ्याच्या मनात घर करुन राहणं कधीही चांगलं….. 

कवि – अज्ञात 

प्रस्तुती – सुश्री मीनल केळकर

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्रीमती रंजना मधुकरराव लसणे 

 कवितेचा उत्सव 

☆ रंजना जी यांचे साहित्य # 144 – नामाचा जयघोष ☆

☆

वारीचा जल्लोष नामाचा जयघोष।

गर्जती दश दिशा चाले भावोत्कर्ष।।।धृ।।

☆

भक्ता अधिष्ठान विठाई भूषण ।

चालू आहेनित्य नाम संकीर्तन।

मनोमनी आज दाटलासे हर्ष।।१।।

☆

टाळ चिपळ्यांचा नाद हा मंजूळ ।

मृदुंग खजिरी जमले सकळ।

अभंग गायान सुस्वरे विशेष ।।२।।

☆

दीनांचा हा नाथ भक्तांचा कैवारी।

युगे अठ्ठावीस असे भिमा तिरी।

उभा विठेवरी सोडोनिया शेष।।३।।

☆

गोरा तुका चोखा नामा नि जनाई ।

एकनाथ म्हणे भेट गे विठाई।

आळवी विशेष करोनी जयघोष ।।४।

☆

©  रंजना मधुकर लसणे

आखाडा बाळापूर, जिल्हा हिंगोली

9960128105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

कविराज विजय यशवंत सातपुते

कवितेचा उत्सव # 166 – विजय साहित्य

☆ ✒ क्रांतीज्योतीची गौरवगाथा…! ✒ ☆ कविराज विजय यशवंत सातपुते ☆

झटली माता साऊ रे .

क्रांतीज्योतीची गौरवगाथा

खुल्या दिलाने गाऊ रे . . . !✒

सक्षम व्हावी,  अबला नारी

म्हणून झिजली साऊ रे

ज्योतिबाची समता यात्रा

पैलतीराला नेऊ रे . . . . !✒

कर्मठतेचे बंधन तोडून

शिकली माता साऊ रे

शिक्षण, समता,  आणि बंधुता

मोल तयाचे जाणू रे. . . . !✒

कधी  आंदोलन, कधी प्रबोधन

काव्यफुलांची गाथा रे

गृहिणी मधली तिची लेखणी

वसा क्रांतीचा घेऊ रे. . . . !✒

दीन दलितांसाठी जगली

यशवंतांची आऊ रे

दुष्काळात धावून गेली

हाती घेऊन खाऊ रे . . . . !✒

© कविराज विजय यशवंत सातपुते