मराठी साहित्य – चित्रकाव्य ☆ गुलमोहर… ☆ सुश्री नीलांबरी शिर्के ☆

सुश्री नीलांबरी शिर्के

?️?  चित्रकाव्य  ?️?

☆ ? गुलमोहर ?   सुश्री नीलांबरी शिर्के ☆ 

झळा उन्हाच्या झेलून मुरवत

गुलमोहोर  अंगोपांगी फुलतो

कष्टकऱ्यांची दु:खे जणू  तो

देहावरती फुलवीत रहातो

ज्वालेसम ही फुले भासती

झाडाखाली शांत सावली

थकल्या भागल्या जीवांसाठी

छाया याची माय माऊली

🌳 दिवसभराच्या शुभेच्छा 🥦

चित्र साभार – सुश्री नीलांबरी शिर्के 

©  सुश्री नीलांबरी शिर्के

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – चित्रकाव्य ☆ स्वामी विवेकानंद ☆ सुश्री उषा जनार्दन ढगे

सुश्री उषा जनार्दन ढगे

?️?  चित्रकाव्य  ?️?

☆ ? स्वामी विवेकानंद  ? ☆ सुश्री उषा जनार्दन ढगे ☆ 

१२-०१-२०२२

पश्चिम बंगालभूमीचा रहिवासी

शिष्य रामकृष्ण परमहंसांचा

नरेंद्र दत्त हा तेजस्वी तत्वज्ञानी

महान सन्यासी भारतवर्षाचा..

ओढ लागली आत्मिक अनुभूतीची

‘आहे का देव ?’ प्रश्न यासी ग्रासिला

आरंभ झाला आध्यात्मिक साधनेला

गुरुंकडूनी मग अद्भूत साक्षात्कार जाहला..

परिचय करूनी दिधला स्वामीने

पाश्च्यात जगतास हिंदु धर्माचा

शिकविला पाठ अध्यात्मतत्वांचा

योग आणि भारतीय वेदांताचा..

बांधूनी डोईवरती केसरीया फेटा

तनी भगवेच वस्र केले परिधान

वदनी भाव सात्विक नजरेत विश्वास

वक्तव्यातूनी वाढविला हिंदूविचारांचा सन्मान..

प्रसारार्थ धर्मपरिषद भरली शिकागोत

प्रतिनिधी स्वामी विवेकानंद राहिले उपस्थित

“अमेरीकेतील माझ्या बंधू-भगिनींनो” म्हणता

टाळ्यांच्या कडकडाटात झाले स्वामींचे स्वागत..

साहित्यप्रेमी संगीत-कलेची आस

फिरला विश्वात हा महातत्वज्ञानी

संदेश पसरविण्यासी नच थांबला

धर्मप्रसारक श्रेष्ठ बुध्दीमान सनातनी..!

चित्र साभार – सुश्री उषा जनार्दन ढगे 

© सुश्री उषा जनार्दन ढगे

≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – चित्रकाव्य ☆ निसर्गाचा उपहार ☆ श्री प्रमोद वामन वर्तक

श्री प्रमोद वामन वर्तक

?️?  चित्रकाव्य  ?️?

☆ ? निसर्गाचा उपहार  ? ☆ श्री प्रमोद वामन वर्तक ☆ 

 

सडा पडे सोनेरी किरणांचा धरेवर

न्हाउन निघाली सारी सृष्टी चराचर

वाकून जलात नमन करीतसे तरुवर

दिसे नयन रम्य नदी काठचा परिसर

उभा ध्यानस्थ तळ्याकाठी मुनीवर

झेलीत किरणे सोनसळी अंगावर

शांतजळी तरंग लहरी चंदेरी सुंदर

नयनात साठवा निसर्गाचा उपहार

चित्र साभार : श्री सुभाष पराडकर

© श्री प्रमोद वामन वर्तक

(सिंगापूर) +6594708959

मो – 9892561086

ई-मेल – [email protected]

≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – चित्रकाव्य ☆ फुलपाखरे ☆ सुश्री उषा जनार्दन ढगे

सुश्री उषा जनार्दन ढगे

?️?  चित्रकाव्य  ?️?

☆ ? फुलपाखरे ? ☆ सुश्री उषा जनार्दन ढगे ☆ 

फुलपाखरे अशी आम्हीं

    रंग आमुचे नवे नवे..

मुक्तपणाने भिरभिरणारे

    हेच जीवन आम्हांसी हवे..

 

कोमल आमुच्या पंखांवरती

    मायेचे हळूवार हात हवे..

फुलांपरीच या आम्हांसी,

    तुमचे केवळ स्पर्श हवे..!

 

स्पर्शाने आम्हीं थरथरतो..

    आघाताने आम्हीं मरतो..

स्वैर चोहींकडे भिरभिरतो..

    सुखविण्यास जगासी रंग उधळीतो..!

 

© सुश्री उषा जनार्दन ढगे

≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – चित्रकाव्य ☆ सूर्याय नमः ☆ सुश्री उषा जनार्दन ढगे 

सुश्री उषा जनार्दन ढगे

परिचय  

प्रथितयश साहित्यिक थिओसाॅफीस्ट तीर्थरुप कै. ज.ना.ढगे यांची कनिष्ठ कन्या..

बालपणापासून साहित्यिक वातावरणात जडणघडण..

चित्रकलेची संगीताची विशेष आवड

कलाशिक्षण— सर जे.जे.स्कूल ऑफ़ आर्ट

GD in Fine Art (1979)

GD in Metal craft ( Enamelling-1981) राज्यात सर्वप्रथम..

३५ वर्षे सौंदर्यतज्ञ व मार्गदर्शिका व्यवसाय

पोटनाळ हा पहिला प्रकाशित कवितासंग्रह

९१ व्या अखिल भारतीय मराठी साहित्य सम्मेलनात (बडोदे) कवितेची निवड व सहभाग

छंद— लेखन, काव्यलेखन, रेखाचित्रे व व्यक्तिचित्रांचे रेखाटन..

?️?  चित्रकाव्य  ?️?

☆ सूर्याय नमः ?? सुश्री उषा जनार्दन ढगे ☆ 

☀️ सूर्याय नमः ☀️

तूच अरुण तूच रवि

   तूच श्रेष्ठ भास्कर..

विनाशूनी अज्ञान

   नाशितोस अंधःकार..

तूच भानू सूर्य तूची

   आदित्य दिवाकर

तूच समयसूचक

   सुख-समस्त दीपांकर..!

 

भ्रमत नित्य पूर्वपंथे

   पश्चिमेस तुझा अस्त..

सुवर्णचर्या पाहता

   क्लेश दरिद नाशवंत..

दिपवूनी किरणप्रकाशे

   तेजाळत सहस्रहस्त..

दिशादिशांस उजळत

   तूच एक सत-सुनृत..!

 

© सुश्री उषा जनार्दन ढगे

२२-०४-२०२०

≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares
image_print