Tag: #मराठी-कविता

सुश्री सुनीला वैशंपायन 

 मनमंजुषेतून 

☆ काय काय विसरलो… कवी – अज्ञात ☆ सुश्री सुनीला वैशंपायन ☆

☆

पार्टीमध्ये सुरवातीस चिअर्स, चिअर्स म्हणून 

ग्लासावर ग्लास आदळायला शिकलो,

पण जेवणापूर्वी ‘वदनी कवळ’ आणि 

श्रीरामाचे नाव घ्यायला विसरलो ll१ll

*

वॉर्मिंग अप साठी सॉफ्ट ड्रिंक,

फ्रुटपंच प्यायला शिकलो,

पण आपोष्णी घ्यायला विसरलो,

सार-सुधारस विसरलो ll२ll

*

चायनीज नुडल्स काट्याने गुंडाळून,

तोंड वेडेवाकडे करून गिळायला शिकलो,

पण शेवयाची खीर 

आवडीने खायला विसरलो ll३ll

*

हाताने वरण भात, ताक भात 

कालवून खायची लाज वाटू लागली,

आणि काट्या चमच्याने पुलाव्याची शिते गोळा करून 

तोंडात घालायला शिकलो ll ४ll

*

पाव भाजीवर अमूलचा 

जाड लगदा घालायला शिकलो,

पण गरम वरण भातावरची 

तुपाची धार विसरलो ll५ll 

*

पुलाव, बिर्याणी, फ़्राईड राइस,

जिरा राइस खायला शिकलो,

पण मसाले भात, वांगी भात म्हणजे काय.. ?? 

ह्या नातवंडांच्या प्रश्नाना उत्तर देताना पार अडखळलो ll६ll

*

पुरणपोळी, श्रीखंड, लाडू, जिलबीवर 

ताव मारायला कधीच विसरलो

आणि जेवणानंतर फक्त दोन गुलाबजाम,

टीचभर आईस्क्रीम खायला शिकलो ll७ll

*

दोन्ही हाताने ब्रेड, पावाचे 

तुकडे करून खायला शिकलो,

पण आईने शिकवलेले,

एकाच हाताने जेवण करण्याचे संस्कार मात्र विसरलो ll८ll

*

सँलड या भपकेदार नावाने 

झाडपाला खायला शिकलो,

पण कोशिंबीर, चटणी,

रायते आणि पंचामृत खायचे विसरलो ll९ll

*

इटालिअन पिझ्झा, पास्ताची अन 

तेलात लोळणाऱ्या पंजाबी भाज्यांची चटक लागली,

आणि आळूचे फतफते पातळ भाजी,

भरली वांगी अन् बटाट्याची भाजी बेचव वाटू लागली ll१०ll

*

मठ्ठा, ताक, सार आता आवडेनासे झाले 

आणि फ्रेश लेमन ज्यूस,

सोडा किंवा लस्सी का नाही. ?? 

म्हणून विचारू लागलो ll११ll

*

साखर भात, गव्हाची खीर, लापशी 

इतिहास जमा कधीच झाली अन 

स्वीट, स्वीट म्हणून आईस्क्रीम 

स्लाईसची गुलामी स्वीकारली ll१२ll

*

मसाल्याचे वास हातावर तसेच ठेवून,

पेपर नँपकीनने हात, तोंड पुसायला शिकलो 

पण पाण्याने खळखळून 

तोंड धुवायला मात्र साफ विसरलो ll१३ll

*

फॉरवर्ड झालो फॉरवर्ड झालो म्हणून जगाला दाखवताना 

स्वच्छ, शुद्ध, निर्मळ, निसर्गदत्त भारतीय संस्कृतीला (जाणुन बुजुन) विसरलो…

☆

कवी : अज्ञात 

प्रस्तुती : सुनीला वैशंपायन

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्रीशैल चौगुले

 कवितेचा उत्सव 

☆ शब्दसाज… ☆ श्रीशैल चौगुले ☆

(मेणकाः गालगागा गालगागा गालगा)

☆

 साज लावीला सुराशी ताल बध्द

भाव साधीता मनाशी वाद्य वृंद.

*

काव्य मांडीले शब्दांना वाव छंद

ओठ गायीले स्वरांना घाव मंद.

*

तार छेडीता मधूरे नाद स्पंद

शारदेशी प्रार्थना हृदयात गंध.

*

बोल वेचीता अक्षर लेवून बंध

सार्थ सप्तकी बासरी कीशोर नंद.

☆

© श्रीशैल चौगुले

श्रीमती अनिता जयंत खाडीलकर

 कवितेचा उत्सव 

☆ वळीव… ☆ श्रीमती अनिता जयंत खाडीलकर ☆

☆

किती बाई हा उन्हाळा

अंगी सुटल्या घामधारा

ढग भरल्या आभाळा

पान्हा कसा फुटेना?

*

 आला आला वारा

 आली नाचत वीजबाई

ढग वाजवती ढोल

दाणादाण झाली बाई

*

लबाड हा पाऊस

फार फसवा वळीव

लख्ख पडता प्रकाश

अवचित पडे वळीव

*

 कसा कधी कुठे

 पडेल तेच कळेना

 सांभाळू कशी कुठे

 तेच मला कळेना

*

फार द्वाड हा वळीव

वार्‍यांसंगे फिरतो

जरी असे तो खट्याळ

मला फार आवडतो

☆

© श्रीमती अनिता जयंत खाडीलकर

सह्याद्री अपार्टमेंट, खाडीलकर गल्ली, बालगंधर्व नाट्यमंदिर समोर, ब्राह्मणपुरी, मिरज,जि. सांगली

मो 9689896341

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

श्री सुनीत मुळे

📚 वाचताना वेचलेले 📖

☆ “🍁देवाचं काही अडत नाही.. !” – लेखक : अज्ञात ☆ प्रस्तुती – श्री सुनीत मुळे ☆

देवाचं काही अडत नाही.. !

देव मानावा की मानू नये

या भानगडीत मी पडत नाही,

आपल्या मान्यतेवाचून

देवाचं काही अडत नाही.. !

*

ज्यांना देव हवा आहे

त्यांच्यासाठी तो श्वास आहे,

ज्यांना देव नको आहे

त्यांच्यासाठी तो भास आहे,

आस्तिक नास्तिक वादात

मी कधीच पडत नाही,

आपल्या मान्यतेवाचून

देवाचं काही अडत नाही.. !

*

हार घेऊन रांगेत कधी

मी उभा रहात नाही,

पाव किलो पेढ्याची लाच 

मी देवाला कधी देत नाही,

जो देतो भरभरून जगाला

त्याला मी कधी देत नाही,

आपल्या मान्यतेवाचून

देवाचं काही अडत नाही.. !

*

जे होणारच आहे

ते कधी टळत नाही,

खाटल्यावर बसून

कोणताच हरी पावत नाही,

म्हणून मी कधी

देवास वेठीस धरीत नाही,

आपल्या मान्यतेवाचून

देवाचं काही अडत नाही.. !

*

देव देवळात कधीच नसतो…

तो शेतात राबत असतो,

तो सीमेवर लढत असतो,

तो कधी आनंदवनात असतो,

कधी हेमलकसात असतो,

देव शाळेत शिकवत असतो,

तो अंगणवाडीत बागडत असतो,

तो इस्पितळात शुश्रूषा करीत असतो,

म्हणून…

ह्यांच्यातला देव मी कधी नाकारत नाही,

*

आपल्या मान्यतेवाचून – – 

– – देवाचं खरंच काही अडत नाही.. !

☆ 

कवी : अज्ञात

प्रस्तुती : श्री सुनीत मुळे 

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर

श्री आशिष  बिवलकर

  चित्रकाव्य  

कुणा न देणे घेणे…  श्री आशिष  बिवलकर ☆

☆

जाता जात नाही | त्यास म्हणे जात |

करतेच घात | व्यवस्थेचा ||१||

*
अठ्यात्तर वर्षं | झाली स्वातंत्र्यास |

तरी अट्टहास | जातींसाठी ||२||

*
शीरगणतीस | जातीची किनार |

पेरती विखार | जनतेत ||३||

*
गुणवान नको | जातीतला हवा |

मतांसाठी खवा | राजकीय ||४||

*
हिंदू धर्मीयांना | वाटूया जातीत |

घालूया मातीत | राष्ट्रहीत ||५||

*
जाणून जातीचा | किती आहे टक्का |

मग करू पक्का | उमेदवार ||६||

*
बिब्बा म्हणे नेते | टाकतील दाणे |

न देणे न घेणे | देशहीत ||७||

☆

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री तुकाराम दादा पाटील

 कवितेचा उत्सव 

☆ आत्मबल… ☆ प्रा तुकाराम दादा पाटील ☆

☆

मिथकामधल्या आधारावर

सभेत मारू नको भरारी

शब्दामधुनी व्यक्त व्हायला

स्वानुभवाची हवी शिदोरी

*

जिंकायाचा वाद तुलातर

हवी तेवढी ठेव तयारी

आवेगाने आवेशाने

मांडत मुद्दे सगळे भारी

*

वावरताना इकडे तिकडे

हिनकस बुद्धी नको अघोरी

राखत संयम शांतपणाणे

बनतजायचे पूर्ण विचारी

*

आत्मबलाची हवी मजबुती

नजर आणखी तशी करारी

पाजरलेली शस्त्रे अगणीत

जमवत जावी भवती सारी

*

विजयाने मग विनम्र व्हावे

मंजूळ व्हावा सूर बासरी

आनंदाचे येता भरते

स्थिती व्हायला नको बावरी

☆

© प्रा. तुकाराम दादा पाटील

मुळचा पत्ता  –  मु.पो. भोसे  ता.मिरज  जि.सांगली

सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३

दुरध्वनी – ९०७५६३४८२४, ९८२२०१८५२६

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री राजकुमार दत्तात्रय कवठेकर

 कवितेचा उत्सव 

☆ दोन कविता… ☆ श्री राजकुमार कवठेकर ☆

☆

(१)

तुझ्या डोळ्यांतले मेघ

निळे.. सावळे.. रुपेरी

कुणा काहीच ना कळे

ऋतू कोणता अंतरी

*

तुझ्या डोळ्यांतले मेघ

कधी कोरडे.. संपृक्त..

कुणा काहीच ना कळे

अनासक्त की अव्यक्त..

☆

 (२)

नकळत हासलीस

नकळत गुंतलीस

नको नको म्हणताही

आणभाक घेतलीस

*

स्वप्न -पहाट संपता

जागे वास्तवाचे भान

जिथे उपाशीच भूक

आणि अतृप्त तहान….

☆

© श्री राजकुमार दत्तात्रय कवठेकर

कवी / गझलकार

संपर्क : ओंकार अपार्टमेंट, डी बिल्डिंग, शनिवार पेठ, आशा  टाकिज जवळ, मिरज मो ९४२११०५८१३

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सौ. वृंदा गंभीर

कवितेचा उत्सव

☆ पाणी आपले जीवन… ☆ सौ. वृंदा गंभीर ☆

☆

रंग नाही रूप नाही

तरी आहेस जीवन

ना आकार ना उकार

तरी आहेस जीवन

*

चव तुझी खरट गोड

वाहन्याला खळखळाट

प्रवाहा नुसार आकार

भरतात तुझ्याने घाट

*

भरले जलाशय जरी

लोक संख्या वाढली

कुठवर ठेवावं साठवून

धरणं कोरडी पडली

*

जमिनीना पडल्या भेगा

विहिरी रिकाम्या झाल्या

ध्यास तुझा लागला जगा

बायका हांडे वाहू लागल्या

*

अमृता समान पाणी

वाया घालवू नका कोणी

थेंवे थेंबे तळे साचे ठेवा मनी

जीवनास संपवू नका कोणी

☆

© सौ. वृंदा पंकज गंभीर (दत्तकन्या)

न-हे, पुणे. – मो न. 8799843148

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈