श्री अशोक श्रीपाद भांबुरे
अशोक भांबुरे जी यांची कविता अभिव्यक्ती # 157
☆ खडा मिठाचा… ☆
तो आकाशी भिरभिरणारा पतंग होता
रस्त्यावरती आला झाला भणंग होता
मठ नावाचा महाल त्याने उभारलेला
काल पाहिले तेव्हा तर तो मलंग होता
गंमत म्हणुनी खडा मारुनी जरा पाहिले
क्षणात उठला त्या पाण्यावर तरंग होता
काय जाहले भाग्य बदलते कसे अचानक
तरटा जागी आज चंदनी पलंग होता
चार दिसाची सत्ता असते आता कळले
आज गुजरला खूपच बाका प्रसंग होता
माझी गरिबी सोशिक होती तुझ्यासारखी
मुखात कायम तू जपलेला अभंग होता
घरात माझ्या तेलच नव्हते फोडणीस पण
खडा मिठाचा वरणामधला खमंग होता
© अशोक श्रीपाद भांबुरे
धनकवडी, पुणे ४११ ०४३.
मो. ८१८००४२५०६, ९८२२८८२०२८
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
आस तुझ्या भेटीची 
