श्री आशिष बिवलकर
चित्रकाव्य
– मी तो भ्रमर… – ☆श्री आशिष बिवलकर ☆
☆
कमनीय बांधा तुझा,
अप्सरेपरी तुझे लावण्य |
मादकपणा नजरेत,
वेड लावी तुझे तारुण्य |
*
मादक नजरेत तुझ्या,
वर्षावती जुलमी बाण |
घायाळ करती मज,
ओवाळावे तुझ्यावर प्राण |
*
चांदण्यात शोभावी
जशी शुक्राची चांदणी |
लाखात एक उमटून दिसावी,
अशी सौंदर्यवती तू देखणी |
*
मंजूळ आवाज तुझा,
मधापरी त्यात माधुर्य |
घुमती कानी शब्द तुझे,
शब्दांना तुझेच सौंदर्य |
*
न्याहाळताना तुझे सौंदर्य,
माझा मी रहात नाही |
मंत्रमुग्ध होऊन जातो,
आठवेना तुझ्यापुढे काही |
*
कमल नयन तुझे,
मोहित मी तो भ्रमर |
मिटावे कमलदल तू,
गुंतून जावे जीवनभर |
☆
© श्री आशिष बिवलकर
बदलापूर
मो 9518942105
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈