मराठी साहित्य – कवितेचा उत्सव ☆ येणे…जाणे… ☆ श्रीमती उज्ज्वला केळकर ☆

By Hemant Bawankar1 Comment

श्रीमती उज्ज्वला केळकर

? कवितेचा उत्सव ?

☆ येणे…जाणे… ☆ श्रीमती उज्ज्वला केळकर ☆

अवचित येणे असे कसे?

 कळत नकळत

 नकळत कळत

पर्णा बिलगून स्वप्न हसे

अंगांग व्यापणे आणि कसे ?

हरखत निरखत

निरखत हरखत

घन सावन पसरी दाट पिसे

अलगद जाणे काय असे?

उधळत निखळत

निखळत उधळत

टपटपणारी बकुल कुसे

© श्रीमती उज्ज्वला केळकर

संपर्क -17 16/2 ‘गायत्री’ प्लॉट नं. 12, वसंत दादा साखर कामगारभावन के पास , सांगली 416416 महाराष्ट्र

मो. 9403310170, email-id – [email protected] 

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – चित्रकाव्य ☆ – किनारा शोधत राही – ☆ सुश्री नीलांबरी शिर्के ☆

By Hemant BawankarNo Comments

सुश्री नीलांबरी शिर्के

?️?  चित्रकाव्य  ?️?

?– किनारा शोधत राही – 🚤⛵? ☆ सुश्री नीलांबरी शिर्के ☆

☆

अथांग सागर भवताली

आकाशाची जली निळाई

 दिशा द्यायला नाही वल्हे

नाव एकटी टिकून  राही

☆

 बोलवी  का  कुणी किनारा?

 शाश्वत  सहारा नीत देणारा

त्याच किनार्‍याच्या विश्वावर

मिठीत घेईल पुर्ण  सागरा

☆

 सागराची निळी नवलाई

भूल पाडत हाकारत जाई

भरकटण्याचे भय  होडीला

 म्हणून  किनारा शोधत राही

☆

  किनारा मिळे बंधन येते

 बंधन विश्वहर्तता देते

 प्रेमरज्जू साथीला मिळता

 होडी सागरी खुशाल फिरते

☆

चित्र साभार –सुश्री नीलांबरी शिर्के

© सुश्री नीलांबरी शिर्के

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ जादू… ☆ सुश्री वृंदा (चित्रा) करमरकर ☆

By Hemant BawankarNo Comments

सुश्री वृंदा (चित्रा) करमरकर

? कवितेचा उत्सव ?

☆ जादू💦 ☆ सुश्री वृंदा (चित्रा) करमरकर ☆

केली जादू त्या निळ्याने

गेले होऊनी मी निळी

भारावूनी गेले मनी

रेशमी शेला सोनसळी

 

घुमे सूर वेळूतूनी

जीवा गारूड जाहले

गात्रागात्रांतूनी माझ्या

नाम कृष्ण कृष्ण वाहिले

 

मीच माझ्या देहात या

कुठे आता रे राहिले

अधिरशा त्या स्वरमयी

मीच पुन्हा झंकारले

 

 सावळ्या त्या रुपाची

 पडे पुन्हा पुन्हा भूल

 मनी दरवळे कान्हा

 उरी मोरपिशी चाहूल

© वृंदा (चित्रा) करमरकर

सांगली

मो. 9405555728

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ रंजना जी यांचे साहित्य # 134 – हा भास दो घडीचा ☆ श्रीमती रंजना मधुकरराव लसणे ☆

By Hemant BawankarNo Comments

श्रीमती रंजना मधुकरराव लसणे 

? कवितेचा उत्सव ?

☆ रंजना जी यांचे साहित्य # 134 – हा भास दो घडीचा ☆

प्रेमात रंगलो मी । हा भास दो घडीचा।

खोटेच भाव सारे। आभास दो घडीचा।

 

हे स्वप्न भाव वेडे। देऊ नको कुणाला।

स्वप्नात रंगलेला हा रास दो घडीचा।

 

या भाबड्या मनाला। समजाविता कळेना।

या बेगडी फुलांचा। हा वास दो घडीचा।

 

भाळू नको उगा रे। खोट्याच कल्पनांना ।

संपेल हा कधीही ।सहवास दो घडीचा ।

 

जादूत धुंद  होशी।स्वप्नातल्या परीच्या।

येशील भूवरी रे। हा ध्यास दो घडीचा ।

 

सौंदर्य या मनाचे। जाणून घेई आता।

प्रेमास लाभलेला।विश्वास दो घडीचा

©  रंजना मधुकर लसणे

आखाडा बाळापूर, जिल्हा हिंगोली

9960128105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ ती परत आली ! ☆ श्री प्रमोद वामन वर्तक ☆

By Hemant BawankarNo Comments

श्री प्रमोद वामन वर्तक

? कवितेचा उत्सव ? 

💃 ती परत आली ! 🙆‍♀🖊️ श्री प्रमोद वामन वर्तक ⭐ 

आली गुलाबी थंडीला

पुन्हा एकदा लहर,

सुरू केला बघा तिने

परत तिचा तो कहर !

 

बाहेर काढा परत

स्वेटर आणि शाली,

ऊब घ्या तयांची

मऊ मऊ मखमली !

 

आता घसरले आहे

इतके काही टेंपरेचर, 

करून टाकले तिने

मुंबईचे महाबळेश्वर !

 

पेटतील गावोगावी

रोज रोज शेकोट्या,

जमून सारे करतील

आनंदाने “पोपट्या” !

 

बेभरोशी हवामानाची

पाहून अशी गती,

कुंठली आहे सध्या

मानवाची “मंद” मती !

 

पण

आपणच बघा मोडले

पर्यावरणाचे कंबरडे, 

आता रोज रोज मरे

त्याला कोण बरं रडे ?

© प्रमोद वामन वर्तक

दोस्ती इम्पिरिया, ग्रेशिया A 702, मानपाडा, ठाणे (प.)

मो – 9892561086

ई-मेल – [email protected]

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कविता ☆ विजय साहित्य #156 ☆ संस्कार सावली…! ☆ कविराज विजय यशवंत सातपुते ☆

By Hemant BawankarNo Comments

कविराज विजय यशवंत सातपुते

? कवितेचा उत्सव # 156 – विजय साहित्य ?

☆ संस्कार सावली…! ☆ कविराज विजय यशवंत सातपुते ☆

(4 जानेवारी – कै सिंधुताई सापकाल स्मृतीदिवस दिना निमित्त)

अनाथांची माय

करुणा सागर

आहे भोवताली

स्मृतींचा वावर…!

 

ममतेची माय

आदर्शाची वाट

सुख दुःख तिच्या

जीवनाचा घाट..!

 

परखड बोली

मायेची पाखर

आधाराचा हात

देतसे भाकर…!

 

जगूनीया दावी

एक एक क्षण

संकटाला मात

झिजविले तन…!

 

पोरकी जाहली

माय ही लेखणी

आठवात जागी

मूर्त तू देखणी…!

 

दु:ख पचवीत

झालीस तू माय

संस्कार सावली

शब्द दुजा नाय..!

© कविराज विजय यशवंत सातपुते

सहकारनगर नंबर दोन, दशभुजा गणपती रोड, पुणे.  411 009.

मोबाईल  8530234892/ 9371319798.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ सुजित साहित्य #142 ☆ संत जनाबाई… ☆ श्री सुजित कदम ☆

By Hemant BawankarNo Comments

श्री सुजित कदम

? कवितेचा उत्सव ?

☆ सुजित साहित्य # 142 ☆ संत जनाबाई… ☆ श्री सुजित कदम ☆

गोदावरी तीरावर

गंगाखेड जन्मगाव

दमा करूंडाची लेक

जनाबाई तिचे नाव. . . . ! १

 

दामाशेट शिंप्याकडे

जीवनास घाली टाके

झाली नामयाची  दासी

सार्थ अभिमान दाटे. . ! २

 

ओवी आणि अभंगात

जनाबाई जाणवते

घरा घरातली बाई

पहा दळण दळते…! ३

 

वात्सल्याची जणू ओवी

त्यागी, समर्पण वृत्ती

पूर्ण निष्काम होऊनी

विठू रूजविला चित्ती. . . . ! ४

 

तत्कालीन संतश्रेष्ठ

अभंगात आलंकृत

संत जीवन आढावा

काव्य पदी सालंकृत….! ५

 

प्रासादिक संकीर्तन

कधी देवाशी भांडण

संत जनाबाई करी

सहा रिपूंचे कांडण…! ६

 

संत सकल गाथेत

ओवी अभंगाचे देणे

संत जनाबाई जणू

काव्य शारदेचे लेणे…! ७

 

जनाबाई अभंगांने

मुक्तेश्वरा मिळे स्फूर्ती

भाव भावना निर्मळ

साकारती भावमूर्ती…! ८

 

बोली भाषा ग्रामस्थांची

जनाबाई वेचतसे

विठू तुझ्या दालनात

सुख दुःख सांगतसे….! ९

 

साडे तीनशे अभंग

कृष्णजन्म थाळीपाक

प्रल्हादाच्या चरीत्राने

दिली  ईश्वराला हाक. . . . ! १०

 

हरीश्चंद्र आख्यानाचा

आहे  आगळाच ठसा

बालक्रीडा अभंगात

जना पसरते पसा. . . . ! ११

 

द्रौपदीचे स्वयंवर

अभंगाने दिली कीर्ती

मुक्तेश्वर नाथनातू

तया लाभली रे स्फूर्ती. . . . ! १२

 

नामदेव गाथेमध्ये

जनाबाई एकरूप

अभंगात  भक्तीभाव

विठ्ठलाचे निजरूप.. . ! १३

 

परमार्थ वेचियेला

संत विचारांचा ठेवा

नामदेवा केले गुरू 

केली पांडुरंग सेवा …! १४

 

आषाढाची त्रयोदशी

पंढरीत महाद्वारी

समाधीस्त झाली जना

करे अंतरात वारी…! १५

©  सुजित कदम

संपर्क – 117, विठ्ठलवाडी जकात नाका, सिंहगढ़   रोड,पुणे 30

मो. 7276282626

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेच्या उत्सव ☆ निरोप देताना… ☆ सौ. जयश्री पाटील ☆

By Hemant BawankarNo Comments

सौ. जयश्री पाटील

? कवितेच्या उत्सव ?

☆ निरोप देताना… ☆ सौ. जयश्री पाटील ☆

वर्षा मागून सरतील वर्षे

सुखदुःखाच्या हिंदोळ्यावर

रात्री मागून येईल पहाट

नित्य जीवनाच्या रहाटावर

 

निरोप देता सरत्या वर्षाला

किंतु परंतु मनी न राहावा

करता येईल कोणासाठी

काही विचार हा मनी यावा

 

आठवणींना जपून ठेवत

विसरून सारे झाले गेले

अनुभवांच्या आधारावर

भविष्याचेच बांधू इमले

 

चाहूल नवीन वर्षाची

तयारी करू स्वागताची

क्षणभर वळून मागे आता

फळी उभारू माणुसकीची

 

शिकवून गेले सारे सारेजण

सकारात्मकता मनी ठेवून

इच्छाशक्तीची उंच भरारी

नव्या आशेचे पंख लावून

 

© सौ. जयश्री पाटील

विजयनगर.सांगली.

मो.नं.:-8275592044

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – चित्रकाव्य ☆ तू तर आनंदाची लकेर… ☆ सौ. दीपा नारायण पुजारी ☆

By Hemant BawankarNo Comments

सौ. दीपा नारायण पुजारी

?️?  चित्रकाव्य  ?️?

?– तू तर आनंदाची लकेर – ? ☆ सौ. दीपा नारायण पुजारी ☆

☆

माथी नाही छप्पर

नाही विसावा नाही घर

खळखळते हास्य तुझे

मजसाठी तू आनंदाची लकेर । १ ।

☆

सपसप चालती कर

झपझप चालती पाय

निर्झरासम गुंजन तुझे

मजसाठी तू आनंदाची लकेर । २ ।

☆

माथ्यावरी कष्टाची पाटी

वणवण भाळी पोटासाठी

डोळे तुझे जणू भ्रमर

मजसाठी तू आनंदाची लकेर । ३ ।

☆

नाही गिरवले मी अक्षर

तरी असेन तुजसाठी तत्पर

करेन तुज मी साक्षर

मजसाठी तू आनंदाची लकेर । ४ ।

चित्र साभार –सौ. दीपा नारायण पुजारी

© सौ. दीपा नारायण पुजारी

इचलकरंजी, फोन.नं. ९६६५६६९१४८

दिनांक – १३/१२/२०२२।

[email protected]

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ नवे वर्ष… ☆ सुश्री दीप्ती कुलकर्णी ☆

By Hemant BawankarNo Comments

सुश्री दीप्ती कुलकर्णी

? कवितेचा उत्सव ?

☆ नवे वर्ष… ☆ सुश्री दीप्ती कुलकर्णी ☆

दिनदर्शिका पाहता-पाहता

वर्ष सरते  डिसेंबर सरता

 

कडु-गोड आठवणींनी

फेर धरला दाट विणींनी

सुख-दु:खाच्या या धाग्यांनी

स्मरण  होई तरल मनी

 

वर्षातील या प्रसंगातुनी

कटुतेलाही ही दूर सारुनी

आठवू गोडी माधुर्यातुनी

आप्त-स्वकिया सवे घेऊनी

 

 निरोप देऊ मोद मानुनी

 ओंजळीतल्या बकुळ फुलांनी

 गंधासह त्या धुंद होऊनी

 गतवर्षाला  मनीच स्मरुनी

 

कालचक्र हे नित स्मरुनी

स्वागतास ही सज्ज होऊनी

वाट  पाहू या अधिर होऊनी

नव वर्षाच्या रम्य क्षणी.

© सुश्री दीप्ति कुलकर्णी

कोल्हापूर

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares