सुश्री प्रभा सोनवणे
कवितेच्या प्रदेशात # 198
☆ चित्रकार… ☆ सुश्री प्रभा सोनवणे ☆
☆
एक चित्रकार अवचित भेटतो,
एका हळव्या वळणावर….
चित्र तुमचं रेखित राहतो….
आयुष्याच्या कॅन्व्हासवर….
☆
चित्र तेच कॅन्व्हास तोच…
काळ बदलतो आपोआप…
चेह-यावरची एक सुरकुती….
प्रगल्भते वयानुसार……
☆
चित्राचे त्या शिल्प बनते
त्याच जुन्या वळणावर…
नाही उडत रंग त्याचे….
नसते त्याला जरामरण….
☆
चित्रकार तो शिल्पकार तो
तोच नियंता विश्वाचा..
प्रत्येकाच्या मनीमानसी….
भाग्यविधाता जगण्याचा….
☆
© प्रभा सोनवणे
संपर्क – “सोनवणे हाऊस”, ३४८ सोमवार पेठ, पंधरा ऑगस्ट चौक, विश्वेश्वर बँकेसमोर, पुणे 411011
मोबाईल-९२७०७२९५०३, email- [email protected]
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
– कॉमन मॅन आणि चांद्रमोहीम… – 
