मराठी साहित्य – साप्ताहिक स्तम्भ ☆ कवितेच्या प्रदेशात # 62 – पादाकुलक वृत्त ☆ सुश्री प्रभा सोनवणे

By Hemant Bawankar1 Comment

सुश्री प्रभा सोनवणे

(आज प्रस्तुत है सुश्री प्रभा सोनवणे जी के साप्ताहिक स्तम्भ  “कवितेच्या प्रदेशात” में  स्त्री विमर्श पर एक अतिसुन्दर काव्यात्मक अभिव्यक्ति पादाकुलक वृत्त। मुझे पूर्ण विश्वास है  कि आप निश्चित ही प्रत्येक बुधवार सुश्री प्रभा जी की रचना की प्रतीक्षा करते होंगे. आप  प्रत्येक बुधवार को सुश्री प्रभा जी  के उत्कृष्ट साहित्य को  साप्ताहिक स्तम्भ  – “कवितेच्या प्रदेशात” पढ़ सकते  हैं।)

☆ साप्ताहिक स्तम्भ – कवितेच्या प्रदेशात # 62 ☆

☆ पादाकुलक वृत्त ☆

मनी मानसी तूच राहसी

अखंड चाले तुझेच चिंतन

मला कळेना रोग कोणता

आत्म्या भवती कसले रिंगण ?

 

तूच राहसी श्वासांमध्ये

सदाकदा मी तुला घोकते.

राधा माधव मीरा गिरिधर

रूप तयांचे उभे ठाकते

 

तनामनाचा ताबा घेशी

अन हृदयीचा राजा होशी

तुझ्यावीण ना दूजा कोणी

आसपास तू सदा राहसी

 

तुझ्याच साठी सजते धजते

लाज न लज्जा  आता उरते

अविचारी की स्वैरपणा हा

म्हण काहीही तुला हवे ते

 

© प्रभा सोनवणे

“सोनवणे हाऊस”, ३४८ सोमवार पेठ, पंधरा ऑगस्ट चौक, विश्वेश्वर बँकेसमोर, पुणे 411011

मोबाईल-९२७०७२९५०३,  email- [email protected]

≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈

Please share your Post !

Shares

मराठी साहित्य – कवितेचा उत्सव ☆ शब्द – झरे….. ☆ सौ. उज्वला सहस्त्रबुद्धे

By Hemant Bawankar1 Comment

☆ कवितेचा उत्सव : शब्द – झरे….. ☆ सौ. उज्वला सहस्त्रबुद्धे ☆

 

शुभ्र , फेनल शब्द झर्यानी ,

बहरुन आले काव्याचे,डोंगर !

नवकाव्याची हिरवी रोपे,

उमलून आली त्या अंकावर !

 

मनोभावना शब्द कवीच्या,

अविरत  झरती सृष्टी पटावर !

त्या शब्दांनी खुलूनी आले,

शब्द सृष्टी चे,असीम अंबर !

 

सोनसळ्या किरणातून झरती,

श्रावण धारा मनकुंभातुनी !

वैभव सारे साहित्य गिरीचे,

उजळुन येई शब्दामधुनी!

 

उधाण येईल प्रेमसागरी,

शब्द सरिता मिळताच जळी !

शब्द झर्यातील बिंदू न् बिंदू,

बनतील मोती सागर तळी !

 

© सौ. उज्वला सहस्त्रबुद्धे

मो.नं . 8087974168

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares

मराठी साहित्य – साप्ताहिक स्तम्भ ☆ श्री अशोक भांबुरे जी यांची कविता अभिव्यक्ती # 61 ☆ रियाज ☆ श्री अशोक श्रीपाद भांबुरे

By Hemant Bawankar1 Comment

श्री अशोक श्रीपाद भांबुरे

(वरिष्ठ मराठी साहित्यकार श्री अशोक श्रीपाद भांबुरे जी का अपना  एक काव्य  संसार है । आप  मराठी एवं  हिन्दी दोनों भाषाओं की विभिन्न साहित्यिक विधाओं के सशक्त हस्ताक्षर हैं। आज साप्ताहिक स्तम्भ  –अशोक भांबुरे जी यांची कविता अभिव्यक्ती  शृंखला  की अगली  कड़ी में प्रस्तुत है एक समसामयिक एवं भावप्रवण कविता  “रियाज”।)

☆ साप्ताहिक स्तम्भ – अशोक भांबुरे जी यांची कविता अभिव्यक्ती # 61 ☆

☆ रियाज ☆

पापण्यांनी उघडले

आज धरणाचे दार

गेला वाहून हुंदका

येता आसवांना पूर

 

स्वप्न मनात हिरवे

उडे आकाशात घार

फडफड ही स्वप्नाची

होता पायामधे दोर

 

ताल भांड्यांनी धरला

त्यात शिजवली तूर

दिसभरचा रियाज

नाही सापडला सूर

 

चुली सोबत जळते

नाही देत ती नकार

तिच्या कष्टाला ना मोल

रोज रांधते भाकर

 

गंध कापराचा होता

त्याने भरलेले घर

लक्ष दिले नाही कुणी

गेला उडून कापूर

 

© अशोक श्रीपाद भांबुरे

धनकवडी, पुणे ४११ ०४३.

[email protected]

मो. ८१८००४२५०६, ९८२२८८२०२८

≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈

Please share your Post !

Shares

मराठी साहित्य – कवितेचा उत्सव ☆ राधा कृष्ण…. ☆ सौ.मनिषा रायजादे पाटील 

By Hemant Bawankar1 Comment

☆ कवितेचा उत्सव : राधा कृष्ण…. ☆ सौ.मनिषा रायजादे पाटील ☆

 

एकरूप

दोन जीव

जणू भासे

उमा शिव

 

कृष्ण राधा

नित्य ध्यास

दोन देह

एक श्वास

 

अवतरे

जगी प्रीत

समर्पण

हीच रीत

 

प्रेमांकुर

मनी फुले

राधा वेडी

स्वप्नी झुले

 

हा दुरावा

प्रीती जरी

दृढ नाती

जन्मांतरी

 

© सौ. मनीषा रायजादे-पाटील

सांगली

9503334279

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares

मराठी साहित्य – कवितेचा उत्सव ☆ कर्ज…. ☆ सौ.माधवी नाटेकर

By Hemant Bawankar1 Comment

☆ कवितेचा उत्सव : कर्ज…. ☆ सौ.माधवी नाटेकर ☆

 

तू मला भेटतोस

कामाची यादी देतोस

आणि म्हणतोस “वेळ नाही–

मुळीच वेळ नाही कर्जात मी गहाण आहे”

 

बोलताना कधी विचार केलास?

कुठेतरी,केव्हातरी,कसेही

गहाण आपण सर्वच आहोत

मुलामाणसांच्या प्रेमात

गहाण पडलेले अनेक

मानव जातीच्या उगमापासून

अनंतापर्यंत

नात्यागोत्याच्या देणवळीत

आपण – – –

कायम सर्वच गहाण आहोत

 

सर्वात सोपं पैशाचं कर्ज

व्याजासह फेडून फिटतं

प्रेमाचं कर्ज वाढत जातं

देतादेता बेरीज करतं

चक्रवाढीने वाढत जातं

तेव्हां त्याचा गुणाकार करतं

 

ऐकलीस का कधी कहाणी–

मीरा-मधुरा प्रेमाची?

मुरलीधर नाटनागर

मीरेच्या भक्तीत गहाण

तसाच माझ्या प्रेमात—

तू पडला आहेस – –

जन्माचा गहाण

 

ह्या जन्मी जमणार नाही पण!

पुढच्या जन्मी येशील का!

तुझं-गहाणखत सोडवून घ्यायला?

 

© सौ. माधवी नाटेकर

9403227288

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares

मराठी साहित्य – कवितेचा उत्सव ☆ साप्ताहिक स्तम्भ – हे शब्द अंतरीचे # 12 ☆ प्रेम काय असतं……☆ कवी राज शास्त्री

By Hemant BawankarNo Comments

कवी राज शास्त्री

(कवी राज शास्त्री जी (महंत कवी मुकुंदराज शास्त्री जी)  मराठी साहित्य की आलेख/निबंध एवं कविता विधा के सशक्त हस्ताक्षर हैं। मराठी साहित्य, संस्कृत शास्त्री एवं वास्तुशास्त्र में विधिवत शिक्षण प्राप्त करने के उपरांत आप महानुभाव पंथ से विधिवत सन्यास ग्रहण कर आध्यात्मिक एवं समाज सेवा में समर्पित हैं। विगत दिनों आपका मराठी काव्य संग्रह “हे शब्द अंतरीचे” प्रकाशित हुआ है। ई-अभिव्यक्ति इसी शीर्षक से आपकी रचनाओं का साप्ताहिक स्तम्भ आज से प्रारम्भ कर रहा है। आज प्रस्तुत है आपकी एक भावप्रवण कविता “ प्रेम काय असतं……”)

☆ साप्ताहिक स्तम्भ – हे शब्द अंतरीचे # 12 ☆ 

☆ प्रेम काय असतं…… ☆

 

प्रेम एक, अडीच अक्षरांचे पत्र

प्रेम एक, मंत्रमुग्ध करणारे स्तोत्र

 

प्रेम म्हणजे, सहजआकर्षण,

प्रेम म्हणजे, निर्भेळ समर्पण

 

प्रेम एक निर्मळ सरिता

प्रेम एक मुक्त कविता

 

नकोत प्रेमात वासना

असाव्या फक्त संवेदना

 

नुसते शरीराचे, आकर्षण नसावे

प्रेमानेच प्रेमाला, हस्तगत करावे

 

विचार करावा फक्त मनाचा

मनात राहून मन जिंकण्याचा

 

नको नुसते हवेत गुब्बारे

प्रेमासाठी मन शुद्ध हवे रे

 

गंध असले की फुले हातात असतात

गंध संपला फुले कचऱ्यात पडतात

 

प्रेमाचे सूत्र असे मुळीच नसते

असे असेल तर, प्रेम लगेच संपते

 

वासनांध प्रेमाला, हवस म्हणतात

त्याला अपवाद काही व्यतिच होतात

 

म्हणून सांगतो, प्रेम अपराध नसतो

निर्मळ प्रेम, मनाचे मन जोपासतो

 

मात्र प्रेमात पडून वेळ निभावणं

आणि गरज झाली की साथ सोडणं

 

हा मात्र अक्षम्य भयंकर गुन्हा ठरतो

एखाद्याच्या मृत्यूस पण त्यात होतो.

 

कवी म.मुकुंदराज शास्त्री उपाख्य कवी राज शास्त्री.

श्री पंचकृष्ण आश्रम चिंचभुवन,

वर्धा रोड नागपूर,(440005)

मोबाईल ~9405403117, ~8390345500

Please share your Post !

Shares

मराठी साहित्य – कवितेचा उत्सव ☆ घन सावळा सावळा.. ☆ सौ. शुभदा बाळकृष्ण पाटणकर

By Hemant Bawankar2 Comments

सौ शुभदा बाळकृष्ण पाटणकर

शिक्षण – एम.ए., बीएड.

☆ न्यू हायस्कूल’ यशवंत नगर येथे पंधरा वर्षे मराठी विषयाचे इ.आठवी ते दहावी साठी अध्यापन ☆ २०१० साली स्वेच्छा निवृत्ती. ☆ नाट्य शास्त्र डिप्लोमा.विद्यापीठात तृतीय क्रमांक. ☆ रंगभूमी दिन,सूरपहाटेचे, सांगली भूषण, अन्नपूर्णा पुरस्कार,विजयंत, संस्कार भारती, अशा अनेक कार्यक्रमाचं सूत्रसंचालन आणि विविध संगीत कार्यक्रमासाठी निवेदन.

सांगली शिक्षण संस्थेच्या शताब्दी महोत्सवानिमित्त निघालेल्या ‘ शतपदी’ अंकासाठी लेखन सदस्य म्हणून काम.

सांगली आकाशवाणी साठी ‘हृदयस्थ पुलं ‘ आणि गदिमांच्या स्मृतीदिनानिमित्त सादर केलेल्या रूपकाचे लेखन. संत मुक्ताई रुपक लेखन. ☆ मुंबई मधील आदीवासी पाड्यावरील मुलांसाठी निघणाऱ्या रानपाखरं. या त्रैमासिकासाठी लेखन.

दैनिक केसरी मधे फुलोरा पुरवणी साठी गेले वर्षभर सदर लेखन दर सोमवारी.सध्या दैनिक केसरी साठी दर सोमवारी कथा लेखन.पण सद्य परिस्थितीत पुरवणी बंद असल्यामुळे थांबले आहे.

सांगली जिल्हा नगर वाचनालय आणि महिला परिषद वाचनालय या संस्थेच्या संचालक मंडळांवर कार्यरत.

लेखन, निवेदन,प्रवास,-छंद. ☆ ब्राह्मण विकास संस्था, सांगली शिक्षण संस्था अंबाबाई मंदिर मिरज संस्थांकडून सन्मानित.

☆ कवितेचा उत्सव : घन सावळा सावळा.. ☆ सौ शुभदा बाळकृष्ण पाटणकर ☆

घन सावळा सावळा

मन आभाळी झरतो

ऋतू हिरवा हिरवा

मनातुनि बहरतो.

 

दूर नजर कडेला

माझा सोनेरी साजण

त्याच्या स्पर्शाने नाहले

ओलेचिंबसे अंगण ..

 

आड पानातून येते

साद त्याची मला नित

एका सुरावल्या  क्षणी

ओठी येते त्याचे गीत..

 

विहरल्या पक्षिणीनां

ओढ सारी कोटराची

चिमुकल्या चोचीनाही

तृषा आता चाहुलीची..

 

वेळ परतीची आता

सांज धरेला टेकली

गंध फुलांची आरास

तृण पाती विसावली..

 

अंगणात वृंदावनी

दिवेलागणीची वेळ

दहा हातांनी घेतला

सारा आवरून खेळ..

 

संपवून सारी कामे

माय जराशी टेकली

तिला पाहत पाहत

पणती ही शांत झाली…..

 

© सौ शुभदा बाळकृष्ण पाटणकर

९०२८८१७४००

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares

मराठी साहित्य – कवितेचा उत्सव ☆ घर ☆ सुश्री राजलक्ष्मी देशपांडे

By Hemant Bawankar2 Comments

सुश्री राजलक्ष्मी देशपांडे

संक्षिप्त परिचय

शिक्षण – एम.ए. अर्थशास्त्र

वयाच्या आठव्या वर्षापासून कविता करण्यास सुरुवात झाली.  अनेक मासिकांमधून कविता, कथा, ललित लेख इत्यादी प्रकाशित झाले आहेत. काव्यसंमेलनांची अध्यक्ष म्हणून काम केले आहे.

प्रकाशित साहित्य:-

कवितासंग्रह – १) झंकार २) वाटेवरच्या कविता  कथासंग्रह- १) काही बोलायाचे आहे  ललित लेख संग्रह – १) संस्कृतीच्या प्रसादखुणा चरित्रात्मक कादंबऱ्या –  १) पुत्र अमृताचा  २) जगन्माता मूल्यशिक्षणावर आधारित पुस्तक – १)बीज अंकुरे अंकुरे  हिंदी अनुवाद – १) “पुत्र अमृताचा” या स्वत:च्या पुस्तकाचा हिंदी अनुवाद “अमृतपुत्र” २) “साई माझा लेकुरवाळा” या मराठी पुस्तकांचा केलेला हिंदी अनुवाद “वात्सल्यसिंधू साई” मराठी अनुवाद – १)स्वामी चिदानंद सरस्वती यांच्या मनाच्या श्लोकावरील मूळ इंग्रजी प्रवचनांचा मराठी अनुवाद..”मनाचे श्लोक: मुक्त भाष्य”

पुण्यातील ज्ञानप्रबोधिनी या संस्थेत संस्कृत संस्कृती संशोधिका विभागात काम करत असताना स्वामी दयानंद सरस्वती आणि भगिनी निवेदिता या दोघांवर संशोधन करून दोन चरित्रे लिहिली आहेत.

☆ कवितेचा उत्सव : घर ☆ सुश्री राजलक्ष्मी देशपांडे ☆

येणार असलात आमच्या घरात

तर आनंदाने या

हसर्‍या  स्वागताचं शुभशकुनी तोरण

नेहमीच झुलतं आमच्या दारावर !

आमचे सारे आनंद सदैव तुमचेही असतील

तुमचे अश्रू आंदण घेऊन

आमचेही डोळे भिजलेले असतील…

नाहीच आवडला इथला निवास

आमचा सहवास

तर हसत हसत निरोप घ्या .

थोडंही मळू देणार नाही आम्ही आमचं मन

तसे वेगळेच असतात शेवटी प्रत्येकाच्या आवडीचे क्षण !

मात्र जाताना धक्का लावू नका

या घराच्या भिंतींना. .छताला..

इथल्या भिंती कवितेच्या आहेत

आणि छत आभाळाच्या मनाचं

नंतर रास ओतलीत पैशाची तरी

पुन्हा नाही सजणार

तुमच्यासाठी हे घर

कदाचित तुम्हाला माहित असेल

बाजारात मिळत नाहीत

कविता आणि मनही !

 

© सुश्री राजलक्ष्मी देशपांडे

9850931417

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares

मराठी साहित्य – कवितेचा उत्सव ☆ सुजित साहित्य – सहवास…!☆ सुजित शिवाजी कदम

By Hemant Bawankar3 Comments

सुजित शिवाजी कदम

(सुजित शिवाजी कदम जी  की कवितायेँ /आलेख/कथाएँ/लघुकथाएं  अत्यंत मार्मिक एवं भावुक होती हैं. इन सबके कारण हम उन्हें युवा संवेदनशील साहित्यकारों में स्थान देते हैं। उनकी रचनाएँ हमें हमारे सामाजिक परिवेश पर विचार करने हेतु बाध्य करती हैं. मैं श्री सुजितजी की अतिसंवेदनशील  एवं हृदयस्पर्शी रचनाओं का कायल हो गया हूँ. पता नहीं क्यों, उनकी प्रत्येक कवितायें कालजयी होती जा रही हैं, शायद यह श्री सुजित जी की कलम का जादू ही तो है! आज प्रस्तुत है उनकी  श्री गणेश उत्सव के पर्व पर एक हृदयस्पर्शी कविता  “सहवास…!”। आप प्रत्येक शनिवार को श्री सुजित कदम जी की रचनाएँ आत्मसात कर सकते हैं। ) 

☆  सुजित साहित्य  –  सहवास…! ☆ 

 

दर वर्षी मी घरी आणणा-या गणपतीच्या

मुर्तीत मला माझा बाप दिसतो

कारण…!

मी लहान असताना माझा बाप जेव्हा

गणपतीची मुर्ती घेऊन घरी यायचा

तेव्हा त्या दिवशी

गणपती सारखाच तो ही अगदी….

आनंदान भारावलेला असायचा

आणि त्या नंतरचा

दिड दिवस माझा बाप जणू काही

गणपती सोबतच बोलत बसायचा…

माझ्या बापानं केलेल्या कष्टाची आरती

आजही…

माझ्या कानातल्या पडद्यावर

रोज वाजत असते

आणि कापरा सारखी त्याची

आठवण मला आतून आतून जाळत असते

आज माझा बाप जरी माझ्या बरोबर नसला

तरी..,त्याच्या नंतर ही गणपतीची मुर्ती

मी दरवर्षी घरी आणतो

कारण.. तेवढाच काय तो

बाप्पाचा..!

आणि

बापाचा..!

दिड दिवसाचा सहवास मिळतो..!

 

© सुजित शिवाजी कदम

पुणे, महाराष्ट्र

मो. 7276282626

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares

मराठी साहित्य – कवितेचा उत्सव ☆ आधार ☆ श्री तुकाराम दादा पाटील

By Hemant BawankarNo Comments

श्री तुकाराम दादा पाटील

संक्षिप्त परिचय

संस्थापक /अध्यक्ष – १)  नव महाराष्ट्र काव्य, साहित्य, कला संस्कृती, परिवार पिंपरी पुणे ४१११७  (रजि.नं.महा.१७२५/२००२) २) निर्मोही प्रकाशन पिंपरी

इतर संस्था  सहभाग  व कार्य – १) विशेष कार्यकारी अधिकारी पिंपरी २) मा.उपाध्यक्ष म.सा.प.साहित्य परिषद शाखा पिंपरी चिंचवड   ३) खजिनदार  पुणे शहर ज्येष्ठ ना.संघ शिवाजीनगर पुणे ३०

प्रकाशित साहित्य – 

१)  काव्यसंग्रह –  १)कलिका (१९८७) २) कातरवेळ(१९८८) ३) मनीमानसी (१९९६) ४) कर्मवीर स्तवन (१९९७) ५) आत्मभान (२००३)  ६)सं दर्भ  (२००७)

२) गझल संग्रह – १) निर्मोही (२०००) २) हे गोफ रेशमाचे (२००५)  ३ )रुजुवात (२००७) ४) तुकाराम पाटील यांच्या निवडक गझला (२००९)

३) कथा संग्रह –   १) इगत(१९८६) २) माणसातली ओमाणसं (१९९३) ३) मंथरलेलं दान (२००७)  ४) पाऊल वाटा (२००७)  ५) दीड पाय (२००८) ६) संस्कार (२००८) ७) हेडम्या (२००८) ८) वादळवारे (२००९)

४) कादंबरी – १) तुझ्याच साठी (२००५) २) तू आणि मी (२००७) ३) आम्ही असेच(२००८)  ४) कलंदर (२००८)

५) नाटके/एकांकिका –  १) पतिता (१९८५)  २)प्रतिभा मिळे प्रतिमेला(१९८८) ३) आम्ही सारे नटच (२००१) ४) कथा जानकीची (२००७) ५) खेळ डोंबा-याचा(२००६) ६)फुरं झालं आता (२००७) ७) धरती माता(२००९)

बाल आणि प्रौढ साक्षरता साहित्य- १) सुंदर बन (कथा) २) वाडा झपाटलेला (कथा) ३) बाल कविता व गाणी ४)बालकांचे कर्मवीर (चरित्र) ५) छ. संभाजी (चरित्र) ६) संत तुकाराम (चरित्र)

इतर स्फूट लेखन / शिक्षण महर्षी कर्मवीर

शोध निबंध –  मिरज तालुका पूर्वभाग स्थिती आणि गती / वृत्तपत्रीय लेखन * विहीर  बागायत शेती   समस्या व उपाय अहवाल *दंडोबा डोंगर परिसर प्रदेश वर्णन *भिलवडीतील शाहिरी वाडःमय परंपरा *ग्रामीण साहित्यिक म.भा.भोसले * अनेक कविता संग्रहाची परिक्षणे *कथा, कविता, संग्रहाना प्रस्तावना

आकाशवाणी पुणे, सांगली श्रुतिका लेखन/सांगली – रंग उगवतीचे, गोष्टी गावाकडच्या, काव्यवाचन, कथाकथन पुणे / चालू जमाना, शेजारी, आपण सारे, आमची माती आमची माणसं, श्रमिक जगत, अैलतीर पैल तीर, कथा,काव्य, गझल वाचन.

☆ कवितेचा उत्सव : आधार  ☆ श्री तुकाराम दादा पाटील  ☆

आज मनाच्या राना मधली

सकस जाहली ओली माती

रुजू लागली नव्या दमाने

माणूसकीची हिरवी नाती

 

सरत रहावे थोडे थोडे

देणे घेणे सुखदु:खाचे

स्वप्न मनाशी बेतून घ्यावे

नवांकुराना वाढवण्याचे

 

घडत रहावी अशीच किमया

या देहाचे व्हावे चंदन

दाहकतेला शांत करावे

गंध चंदनी मळवट लावून

 

मातीवरती ठेवून श्रद्धा

जगण्या वरती प्रेम करावे

दुस-या साठी झिजता झिजता

मरणाला ही विसरून जावे

 

ज्ञानेशाच्या ओवी मधल्या

सामर्थ्याने समर्थ व्हावे

या जन्माचे करून सार्थक

नाव आपुले अमर करावे

 

संत तुक्याची अभंगवाणी

धमण्यामधुनी वहात जावी

दिंडीमधल्या वारक-यानी

माती वरची गाणी गावी

 

या देहाचा वृक्ष वाढता

फळाफुलानी बहरून जावा

ऊन बावळ्या माळावरती

फिरणाराला आधार व्हावा

 

©  श्री तुकाराम दादा पाटील

मुळचा पत्ता  –  मु.पो. भोसे  ता.मिरज  जि.सांगली

सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३

दुरध्वनी – ९०७५६३४८२४, ९८२२०१८५२६

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares
image_print