सुश्री वर्षा बालगोपाल
कवितेचा उत्सव
☆ वारी थेंबांचे… ☆ सुश्री वर्षा बालगोपाल ☆
मनात धरती। उरातही प्रिती।
माउलीच्या भेटी। जावे वाटे॥
तुझ्याच ओढीने। वाफेच्या रुपाने।
घनाच्या स्थितीने । सज्ज झालो॥
ज्येष्ठ महिन्यात। मृदुंग नादात।
गर्जना घोषात । प्रस्थावलो॥
दर वर्षातली । भेटीची ही वारी।
माउलीच्या घरी । सौख्य देई॥
झिम्मा फुगड्यात।दंगूनी गाण्यात।
या वेळापुरात। धावलो मी॥
वर्षभर स्मरी। आनंद लहरी।
भेट उराउरी । माऊलीची॥
हा माहेरवास। देई सौख्य घास।
ओढ हमखास । लावे वारी॥
असूनी संसारी। मनात पंढरी।
अद्वैताच्या सरी । नेहमीच॥
© सुश्री वर्षा बालगोपाल
मो 9923400506
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
– ध्यास…– 
साप्ताहिक स्तम्भ – लेखनी सुमित्र की # 144 – तुमसे मिलकर लगा
