मराठी साहित्य – वाचताना वेचलेले ☆ ‘चहा की कॉफी…’ – कवी : अज्ञात ☆ प्रस्तुती – सौ. स्मिता पंडित ☆

By Hemant BawankarNo Comments

? वाचताना वेचलेले ?

☆ ‘चहा की कॉफी…’☕ – कवी : अज्ञात ☆ प्रस्तुती – सौ. स्मिता पंडित ☆

जो जे वांछील तो ते पिओ!

 

चहा म्हणजे उत्साह..

कॉफी म्हणजे स्टाईल..!

 

चहा म्हणजे मैत्री..

कॉफी म्हणजे प्रेम..!

 

चहा एकदम झटपट..

कॉफी अक्षरशः निवांत..!

 

चहा म्हणजे झकास..

कॉफी म्हणजे वाह मस्त..!

 

चहा म्हणजे कथा संग्रह..

कॉफी म्हणजे कादंबरी..!

 

चहा नेहमी मंद दुपारनंतर..

कॉफी एक धुंद संध्याकाळी.!

 

चहा चिंब भिजल्यावर..

कॉफी ढग दाटुन आल्यावर.!

 

चहा = discussion..

कॉफी = conversation..!

 

चहा = living room..

कॉफी = waiting room..!

 

चहा म्हणजे उस्फूर्तता..

कॉफी म्हणजे उत्कटता..!

 

चहा = धडपडीचे दिवस..

कॉफी = धडधडीचे दिवस..!

 

चहा वर्तमानात दमल्यावर..

कॉफी भूतकाळात रमल्यावर..!

 

चहा पिताना भविष्य रंगवायचे…!

कॉफी पिताना स्वप्नं रंगवायची….!

 

कवी :अज्ञात

प्रस्तुती : स्मिता पंडित 

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – चित्रकाव्य ☆ करावी कीव …पण कोणाची ? ☆ श्री आशिष बिवलकर ☆

By Hemant BawankarNo Comments

श्री आशिष  बिवलकर

?️?  चित्रकाव्य  ?️?

?– करावी कीव …पण कोणाची? – ? ☆श्री आशिष  बिवलकर ☆

☆

घडली घटना,

गेले जीव |

ढिसाळ व्यवस्थेची,

करावी कीव |

*

मोडले संसार,

फुटल्या बांगड्या |

पुसली कुंकू,

विस्कटल्या घड्या |

*

तुटली आधाराची काठी,

हरवले पित्याचे छत्र |

होत्याच नव्हतं झालं,

नियतीचा घाव विचित्र |

*

पाच लाखाची मदत,

गेल्या जीवाची किंमत |

बजबजल्या भ्रष्टाचाराची,

वाढलीय हिम्मत |

*

अधिकारी मोकाट,

मालक निर्धास्त |

चौकशीच्या फेऱ्या,

लाल फीत सुस्त |

*

निगरगट्ट नेत्यांची वरात,

आरोप प्रत्यारोपांच्या फैरी |

सामान्य माणसांच्या,

जीवावर उठलेले हेच वैरी |

*

फॅक्टरी इन्स्पेक्टर,

प्रदूषण मंडळ |

सगळेच खाणारे,

एकमेकांना बळ |

*

दोन दिवसाची बातमी,

मिडियाला खुराक |

पुन्हा दुसरी घटना,

कुठे बसेना चपराक |

*

कुटुंबाला दुःख,

कोसळले आभाळ |

अकाली तो गेला,

कुटुंबाची पुढे आबाळ |

☆

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ वैराग्य… ☆ प्रा तुकाराम दादा पाटील ☆

By Hemant BawankarNo Comments

श्री तुकाराम दादा पाटील

? कवितेचा उत्सव ?

☆ वैराग्य… ☆ प्रा तुकाराम दादा पाटील ☆

☆

केवढे हे भाग्य खोटे तू मला सोडून जावे

सारखे ध्यानीमनी मी दु:ख ते का आठवावे

*

थाटला दरबार आहे  स्वागताला वंचनेच्या

वाटते या सोहळ्याला चंद्रतारे बोलवावे

*

पेटलेला देह कोठे शांत होतो सावलीला

दैवताने घात केला हेच आता ओळखावे

*

संकटे आली तरीही  हात होते बांधलेले

संशयाला वाटले की माणसाला ठोकरावे

*

स्वप्न वेडे दिवस होते काळ सरला  वैभवाचा

थोडके उरलेत बाकी स्पर्श तेही संपवावे

*

राहिले बाकी न काही हात झाले संत दोन्ही

बदललेल्या वास्तवाने नेमके वैराग्य यावे

*

वासनांनी जींदगीला कैद केले कैक वेळा 

मुक्त तेचा काळ येता पाय गुंते सोडवावे

☆

© प्रा. तुकाराम दादा पाटील

मुळचा पत्ता  –  मु.पो. भोसे  ता.मिरज  जि.सांगली

सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३

दुरध्वनी – ९०७५६३४८२४, ९८२२०१८५२६

≈ संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈

Please share your Post !

Shares

मराठी साहित्य – कवितेचा उत्सव ☆ हे शब्द अंतरीचे # 175 ☆ माणुसकी…☆ महंत कवी राज शास्त्री ☆

By Hemant BawankarNo Comments

महंत कवी राज शास्त्री

?  हे शब्द अंतरीचे # 175 ? 

☆ माणुसकी… ☆ महंत कवी राज शास्त्री ☆

(अंत्यओळ काव्य…)

☆

प्रेमाचा मळा फुलला पाहिजे

मनाला मनं, भिडलं पाहिजे

आमंगल सर्व निघूनी जाता

ऐसे हे सर्व, झालेच पाहिजे.

*

ऐसे हे सर्व, झालेच पाहिजे

ऋणानुबंध जपल्या जावा

वैरभाव संपूनी सर्वतोपरी

माणुसकीच्या जावे गावा.!!

*

माणुसकीच्या जागे गावा

मनुष्य बनूनी जगून पहावे

शांत वृत्ती समतोल वृत्ती

आपुले आपण होऊनि असावे.!!

☆

© कवी म.मुकुंदराज शास्त्री उपाख्य कवी राज शास्त्री

श्री पंचकृष्ण आश्रम चिंचभुवन, वर्धा रोड नागपूर – 440005

मोबाईल ~9405403117, ~8390345500

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ.गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ आता तरी सावरा रे ☆ श्री सुहास रघुनाथ पंडित ☆

By Hemant Bawankar1 Comment

श्री सुहास रघुनाथ पंडित

? कवितेचा उत्सव ?

☆ आता तरी सावरा रे ☆ श्री सुहास रघुनाथ पंडित ☆

☆

मी किती अस्वस्थ आहे शांतविण्या येऊ नका

दाह आहे अंतरीचा  लेप वरचे लावू नका.

*

निसटले जे यश तयाला निश्चये मिळवेन मी

दूर माझा गाव गेला तरी  तो पुन्हा गाठेन मी

*

शब्द  साधे बोलतो तरी का बरे ते बोचती

फूल  वेचायास गेलो काटेच सारे टोचती

*

कष्टणारा कष्टतो अन् पाहती सारे मजा

मूर्ख  सुखी लोळतो अन् शाहणा भोगी सजा

*

थांबवा हे खेळ फसवे लाज थोडी बाळगा रे

तोल ढळत्या या भूमीला, आता तरी सावरा रे

☆

© श्री सुहास रघुनाथ पंडित 

सांगली (महाराष्ट्र)

मो – 9421225491

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ येरे येरे पावसा… ☆ श्री रवींद्र सोनावणी ☆

By Hemant BawankarNo Comments

श्री रवींद्र सोनावणी

? कवितेचा उत्सव ?

☆ येरे येरे पावसा… ☆ श्री रवींद्र सोनावणी ☆

☆

आता बरस रे घना, झाली धरा कासावीस

हवे कशाला ते तुला, खोट्या पैशाचे अमिष?

*

साऱ्या जीव सजिवांचे, पाणी तोंडचे पळाले

डोळा दाटले पाणीही, गालावरीच सुकले

*

पहा हताशली झाडे, सुरु जाहले क्रंदन

पानाफुलांचे वैभव, दिले धरेला आंदण

*

ग्रीष्म जागचा हलेना, जसा नाठाळ पाहूणा

उरी पेटले आभाळ, कशी येईना करुणा.

☆

© श्री रवींद्र सोनावणी

निवास :  G03, भूमिक दर्शन, गणेश मंदिर रोड, उमिया काॅम्पलेक्स, टिटवाळा पूर्व – ४२१६०५

मो. क्र.८८५०४६२९९३

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – वाचताना वेचलेले ☆ विनंती… – लेखिका  : सुश्री मंगला खानोलकर ☆ प्रस्तुती – सौ. शशी नाईक-नाडकर्णी ☆

By Hemant BawankarNo Comments

सौ. शशी नाडकर्णी-नाईक

? वाचताना वेचलेले ?

☆ विनंती… – लेखिका  : सुश्री मंगला खानोलकर ☆ प्रस्तुती – सौ. शशी नाईक-नाडकर्णी ☆

☆

मागच्या ‘वीक एन्ड’ ला

तुम्हा दोघींचा फोन आला

“आई,’मदर्स डे ‘चं तुला काय हवं?”

प्रश्न विचारलात मला,

“मायक्रोवेव्हचे डबे, सेंटची बाटली

की काॅर्निंगचा सेट,नॉनस्टिकची भांडी?”

*

संभ्रमात पडले मी

तुमचा प्रश्न ऐकून

त्याचवेळी तुमचं बालपण

गेलं डोळ्यांपुढे सरकून

सारं काही आठवताना

माझ्या मनात आलं

तुम्ही लहान असताना,

मी तुम्हाला काय बरं दिलं…?

इवल्या इवल्या माझ्या पिल्लांना

दिली भरभरून माया

उन्हाची झळ लागू नये

म्हणून पदराची केली छाया

तुमचं बोट धरून तुम्हाला

शिकवलं चालायला

कधी घातले चार धपाटे

तुम्हाला वळण लावायला

वादळवा-यापासून जपण्यासाठी

दिला प्रेमाचा निवारा

कठोर जगापासून वाचविण्यासाठी

सदैव जागता पहारा

तुमच्यावर ठेवली करडी नजर

बनून आभाळपक्षीण

तुमचं हितगुज ऐकण्यासाठी

बनले तुमची मैत्रीण

आज तुम्ही मला विचारताय

‘आई तुला काय हवं…?’

खरंच देणार आहात का तुम्ही

मला जे हवंय ते…?

म्हटलं तर अगदी सोपं आहे

पण पैशांनी नाही मिळणार ते

मला नकोत भेटवस्तू ,

नकोत उंची साड्या

या सा-यांनी भरलंय कपाट

बिनमोलाच्या गोष्टी सा-या

आज मला हवंय तुमच्यातलं आईपण

हळव्या झालेल्या मनाला हवंय

दोन घडीॅचं माहेरपण

दिलेली गोष्ट परत मागू नये

हे कळतंय माझंच मला

पण तुमच्या  मायेची गरज आहे

आज तुमच्या आईला

खळाळतं पाणी पुढेच वाहणार

हे पटतंय ग मनाला

फक्त कधीमधी मागे वळून पाहा

एवढीच विनंती तुम्हाला…!!!

☆

कवयित्री : सुश्री मंगला खानोलकर

प्रस्तुती :सुश्री शशी नाडकर्णी- नाईक

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – चित्रकाव्य ☆ भेट सावळ्याची… ☆ सुश्री नीलांबरी शिर्के ☆

By Hemant BawankarNo Comments

सुश्री नीलांबरी शिर्के

?️?  चित्रकाव्य  ?️?

☆ भेट सावळ्याची… ☆ सुश्री नीलांबरी शिर्के ☆

☆

वैजयंती  माळा

विठ्ठलाचे  गळा 

सुखाचा सोहळा

डोळ्यापुढे माये

*

चंदनाची उटी 

मंजिरीचा गंध 

भक्तिमय मन

 जाहले गे माये

*

 तुलसी  दर्शन 

भेट सावळ्याची 

घरातच मज

घडली हो माये 

☆

©  सुश्री नीलांबरी शिर्के

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ कुठे कुठे जाऊ ? ☆ श्री शरद कुलकर्णी ☆

By Hemant BawankarNo Comments

श्री शरद कुलकर्णी

? कवितेचा उत्सव ?

☆ कुठे कुठे जाऊ? ☆ श्री शरद कुलकर्णी ☆

☆

विदीर्ण काळीज,

कोसळे आकाश.

उमेद प्रकाश,

मंदावला.

मुखी तुझे नाव,

वेगळे दर्शन.

वंचनेचा भाव,

पदोपदी .

वाहे चंद्रभागा,

उपेक्षा उदरी.

संतांची पंढरी,

दूरावली.

आता काय वर्णू,

कसे गुण गाऊ?

कुठेकुठे जाऊ,

पांडुरंगा.

☆

© श्री शरद  कुलकर्णी

मिरज

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ विजय साहित्य # 223 ☆ महाबली हनुमान! ☆ कविराज विजय यशवंत सातपुते ☆

By Hemant BawankarNo Comments

कविराज विजय यशवंत सातपुते

? कवितेचा उत्सव # 223 – विजय साहित्य ?

☆ महाबली हनुमान! ☆ कविराज विजय यशवंत सातपुते  ☆

☆

बलभीम वीर। आंजनेय सूत॥

केसरीचा पूत। हनुमान॥१॥

*

नाशिक हा जिल्हा । अंजिनेरी ग्राम॥

देवभूमी धाम। चिरंतन॥२॥

*

शक्ती सिद्धी युक्त। घेतलीसे धाव ॥

इंद्रवज्र घाव। हनुवटी॥३॥

*

शेंदूर नी तेल। रूई फुले पाने ॥

मंदिर घोषाने। निनादले॥४॥

*

शाप मिळालेला।  विसर शक्तीचा॥

व्यासंग भक्तीचा। रामनामी ॥५॥

*

घडे रामभेट। शब्द चिरंजीव॥

दासभक्ती नीव । हनुमंत ॥६॥

*

जांबुवंत कृपे। परतली शक्ती॥

रामनामी भक्ती। स्थिरावली॥७॥

*

सीता शोध कार्य। झाला अग्रेसर ॥

रावणाचे घर। पेटविले॥८॥

*

जानकीचा शोध। वायुपुत्र घेई॥

संदेश तो देई। राघवासी॥९॥

*

जिथे जिथे राम। तिथे हनुमान॥

भक्ती शक्ती वाण। अलौकिक॥१०॥

*

चातुर्य नी शौर्य। पराक्रम गाथा॥

लीन होई माथा। बजरंगी॥११॥

*

मारुतीचे स्तोत्र। भीमरुपी पाठ॥

महारूद्र वाट। फलदायी॥१२॥

*

 संकट मोचन। बल उपासना॥

समर्थ प्रेरणा। रामदासी॥१३॥

*

बजरंग बली। उपासना मंत्र॥

यशदायी तंत्र। हनुमंत॥१४॥

*

चिरंजीवी दास। देव पंचमुखी॥

रामनाम मुखी। अव्याहत॥१५॥

*

कविराज शब्दी। वर्णाया मारुती॥

द्यावी अनुभूती। रामराया॥१६॥

☆

© कविराज विजय यशवंत सातपुते

सहकारनगर नंबर दोन, दशभुजा गणपती रोड, पुणे.  411 009.

मोबाईल  8530234892/ 9371319798.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares