मराठी साहित्य – कवितेचा उत्सव ☆ मृत्युचक्र… ☆ श्री रवींद्र सोनावणी ☆

श्री रवींद्र सोनावणी

? कवितेचा उत्सव ?

☆ मृत्युचक्र… ☆ श्री रवींद्र सोनावणी ☆

मृत्युचक्र हे फिरे निरंतर , त्याच्या हाती नियती

अग्निडाग तो कुणास मिळतो,कुणास मिळते माती.   धृ

 

 

रंक असोवा राव कुणी ना, या चक्रातुन सुटतो ,

तेल संपता दिप अचानक, हलके हलके  विझतो,

एका मगुन एक प्रवासी, वस्ती सोडुन 

जाती.  ………..(१)

 

 

अटळ सत्य हे जाणे तरीही, उगा लाविती लळा,

हा माझा, तो माझा म्हणुनी, गळा घालीती गळा.

क्षणात सारी . विरुन जाती, ती तकलादू नाती.   ………(२)

 

 

चराचरांवर सत्ता ज्याची, तो मृत्यू अविनाशी.

तोच वाटतो, ते नवजीवन , या साऱ्या विश्वासी.

तू केवळ कठपुतळी मनुजा, त्या मृत्युच्या हाती.   ………(३)

 

 

म्हणती सारे जन्म मरण हे असते देवा हाती,

तरी चिरंजीव होतो कोणी कर्तृत्वाच्या हाती.

युगे युगे मग जिवंत असती, ते सारे मरणांती.    ……..(४)

 

© श्री रवींद्र सोनावणी

निवास :  G03, भूमिक दर्शन, गणेश मंदिर रोड, उमिया काॅम्पलेक्स, टिटवाळा पूर्व – ४२१६०५

मो. क्र.८८५०४६२९९३

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – मराठी कविता ☆ कवितेच्या प्रदेशात # 164 ☆ युगांतर ☆ सुश्री प्रभा सोनवणे ☆

सुश्री प्रभा सोनवणे

? कवितेच्या प्रदेशात # 164 ?

☆ युगांतर ☆ सुश्री प्रभा सोनवणे ☆

शांत धरित्री शांत सरोवर

एक मी आणि एकाकी हे मन….

आयुष्याच्या सायंकाळी,

उमगली नात्यातील….

सूक्ष्म शी कळ !

 

असंख्य नाती अवती भवती,

स्नेह, जिव्हाळा,

असतो कोठे ?

वाढत जाते असेच अंतर …

 

शांत धरित्री शांत सरोवर…

मनात मात्र अजून खळबळ

एकाकी मन शोधत राही,

हरवलेले ते आपलेपण!

 

नसेच काही इथले शाश्वत,

परंतु दिसले काल अचानक,

तुझ्या डोळ्यातील,

ते गहिरेपण,

की या जन्माचे हे…

अनुबंधन ??

 

रक्ताचीच ओढ रक्ताला,

मिटले वादळ,

मिटले ..आक्रंदन….

वाद विवाद ही मिटून गेले !

तुझ्या मिठीतच बहिणाबाई…

आताच झाले इथे युगांतर…

 

अखंड घडते, घडत रहाते…

रोजच येथे एक महाभारत..

शांत धरित्री.. शांत सरोवर…

हे जगण्याचे मर्म खरोखर!

 

© प्रभा सोनवणे

संपर्क – “सोनवणे हाऊस”, ३४८ सोमवार पेठ, पंधरा ऑगस्ट चौक, विश्वेश्वर बँकेसमोर, पुणे 411011

मोबाईल-९२७०७२९५०३,  email- [email protected]

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ प्रणय प्रतिक्षा… ☆ श्रीशैल चौगुले ☆

श्रीशैल चौगुले

? कवितेचा उत्सव ?

☆ प्रणय प्रतिक्षा… ☆ श्रीशैल चौगुले ☆

प्रणयास साजणा कधी येशील

अजून वाट तुझी मी पहाते रे

आठवणीत झुरतो जीव कसा

अजून मन ऊन्हात नहाते रे.

 

त्याच पाऊलखुणा रेतीत जुन्या

पुसल्या किनारी ऊभी रहाते रे

बघ सांज ऊतरुन रात्र झाली

चांदण्यात हा गारवा सहाते रे.

 

क्षण-क्षण क्षितीज भाव हृदयी

कधी अश्रूंना गीत मी वहाते रे

श्रावण-वसंत भान न ऊरले

अंतीम सुखाचे स्वप्न पहाते रे.

© श्रीशैल चौगुले

९६७३०१२०९०

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ श्री अशोक भांबुरे जी यांची कविता अभिव्यक्ती #170 ☆ हळदीचे अंग… ☆ श्री अशोक श्रीपाद भांबुरे ☆

श्री अशोक श्रीपाद भांबुरे

? अशोक भांबुरे जी यांची कविता अभिव्यक्ती # 170 ?

☆ हळदीचे अंग…  ☆

एक कळी उमलली

तिचे गुलाबी हे गाल

ओलसर पुंकेसर

रक्तरंजित ते लाल

 

फूल तोडले हे कुणी

कसे सुटले माहेर

काय होईल फुलाचे

डहाळीस लागे घोर

 

आहे गुलाबी पिवळा

आज बागेचा ह्या रंग

हाती रंग हा मेंदीचा

सारे हळदीचे अंग

 

वसंताच्या मोसमात

पहा फुलाचे सोहळे

दिसे फुलाला फुलात

रूप नवीन कोवळे

 

नव्या कोवळ्या कळीला

वेल छान जोजावते

नामकरण करून

तिला जाई ती म्हणते

 

© अशोक श्रीपाद भांबुरे

धनकवडी, पुणे ४११ ०४३.

[email protected]

मो. ८१८००४२५०६, ९८२२८८२०२८

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ बिदागी… ☆ प्रा तुकाराम दादा पाटील ☆

श्री तुकाराम दादा पाटील

? कवितेचा उत्सव ?

☆ बिदागी… ☆  प्रा तुकाराम दादा पाटील ☆ 

जसे करावे तसे भरावे असेच आहे

 पुराणातले वचन खरे तर शिळेच आहे

 

मनी भरवले तसेच केले चुकले तेथे

 बंधन काही वागायाला हवेच आहे

 

नकळत थोडा स्वार्थ साधला तुझाच तेव्हा

तुला वाटले जग सगळे हे खुळेच आहे

 

 डळमळताना अंदाजाने पाय टाकला

 थोडे घडले घडणे बाकी बरेच आहे

 

भ्रमात राहू नको वेंधळ्या उगीच खोट्या

 तुला बळीचा बकरा केला बळेच आहे

 

 सौजन्याच्या बुरख्या मागे लपव चेहरा

 अपराधाने तुला बनवले लुळेच आहे

 

माणसासही प्रखर लालसा फसवत जाते

 अविचाराने पाय घसरतो खरेच आहे

 

 सोन्याची तर कुठे मिळाली तुला बिदागी

हाती आले ते कथलाचे कडेच आहे

 

आनंदाचा वसा घेतला टिकला नाही

उरले नशिबी अपमानाचे रडेच आहे

 

आता जगती कोण कुणाचा तारक नाही

तुझ्या चुकांचे भोग भोगणे तुझेच आहे

(अनलज्वाला)

© प्रा. तुकाराम दादा पाटील

मुळचा पत्ता  –  मु.पो. भोसे  ता.मिरज  जि.सांगली

सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३

दुरध्वनी – ९०७५६३४८२४, ९८२२०१८५२६

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ हे शब्द अंतरीचे # 112 ☆ अभंग…मन ☆ महंत कवी राज शास्त्री ☆

महंत कवी राज शास्त्री

?  हे शब्द अंतरीचे # 112 ? 

☆ अभंग… मन… ☆

मन स्थिर करा, मन सिद्ध करा

जीवाचा सोयरा, जोडूनि घ्या.!!

 

मन शांत करा, मन शुद्ध करा

मन एक करा, भक्तीसाठी.!!

 

मन हे वढाळ, मन हे चपळ

मन हे नाठाळ, प्रत्येकाचे.!!

 

द्यावाची लागतो, मनासी आकार

आणिक व्यापार, मोक्षहेतु.!!

 

कवी राज म्हणे, निर्मळ मनाने

संकल्प करणे, मुंचण्याला.!!

 

© कवी म.मुकुंदराज शास्त्री उपाख्य कवी राज शास्त्री

श्री पंचकृष्ण आश्रम चिंचभुवन, वर्धा रोड नागपूर – 440005

मोबाईल ~9405403117, ~8390345500

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ.गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ आले आभाळ भरून… ☆ श्री रवींद्र सोनावणी ☆

श्री रवींद्र सोनावणी

? कवितेचा उत्सव ?

☆ आले आभाळ भरून… ☆ श्री रवींद्र सोनावणी ☆

 आले आभाळ भरून   

 मनी लागे हूरहूर

 पोर अल्लड कालची

 झाली आज उपवर  ||१ ||

 

 लेक परक्याचे धन

 असे सांगे जनरीत

 तरी काळजाची व्यथा   

 वाटे सांगावी कानात||२ ||

 

 आता सोडून जाईन

 सुने होईल अंगण

 तिचे  बालपण सारे 

 मनी घालील रिंगण||३ ||

 

 भोळीभाबडी लाडली  

 खूप वाढली लाडात

 तिच्या श्वासांची बासरी 

 रोज घुमते घरात ||४||

 

 सुने सुने च  घरटे

 मुकी झाली किलबिल    

 मन चाहूल घ्यावया 

 घरभर पसरेल |५||

 

 तिच्या स्वप्नातले गाव 

 एका हाकेवर आले

 तरी वात्सल्याचे मोर 

 उगा आसवात न्हाले||६||

 

अशा आनंदाच्या क्षणी

मनी उठते काहूर

आणि डोळ्यात मावेना

 मुक्या आसवांचा पूर||७||

 

© श्री रवींद्र सोनावणी

निवास :  G03, भूमिक दर्शन, गणेश मंदिर रोड, उमिया काॅम्पलेक्स, टिटवाळा पूर्व – ४२१६०५

मो. क्र.८८५०४६२९९३

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ येणे…जाणे… ☆ श्रीमती उज्ज्वला केळकर ☆

श्रीमती उज्ज्वला केळकर

? कवितेचा उत्सव ?

☆ येणे…जाणे… ☆ श्रीमती उज्ज्वला केळकर ☆

अवचित येणे असे कसे?

 कळत नकळत

 नकळत कळत

पर्णा बिलगून स्वप्न हसे

अंगांग व्यापणे आणि कसे ?

हरखत निरखत

निरखत हरखत

घन सावन पसरी दाट पिसे

अलगद जाणे काय असे?

उधळत निखळत

निखळत उधळत

टपटपणारी बकुल कुसे

© श्रीमती उज्ज्वला केळकर

संपर्क -17 16/2 ‘गायत्री’ प्लॉट नं. 12, वसंत दादा साखर कामगारभावन के पास , सांगली 416416 महाराष्ट्र

मो. 9403310170, email-id – [email protected] 

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – चित्रकाव्य ☆ – किनारा शोधत राही – ☆ सुश्री नीलांबरी शिर्के ☆

सुश्री नीलांबरी शिर्के

?️?  चित्रकाव्य  ?️?

?– किनारा शोधत राही – 🚤⛵? ☆ सुश्री नीलांबरी शिर्के ☆

अथांग सागर भवताली

आकाशाची जली निळाई

 दिशा द्यायला नाही वल्हे

नाव एकटी टिकून  राही

 बोलवी  का  कुणी किनारा?

 शाश्वत  सहारा नीत देणारा

त्याच किनार्‍याच्या विश्वावर

मिठीत घेईल पुर्ण  सागरा

 सागराची निळी नवलाई

भूल पाडत हाकारत जाई

भरकटण्याचे भय  होडीला

 म्हणून  किनारा शोधत राही

  किनारा मिळे बंधन येते

 बंधन विश्वहर्तता देते

 प्रेमरज्जू साथीला मिळता

 होडी सागरी खुशाल फिरते

चित्र साभार –सुश्री नीलांबरी शिर्के

© सुश्री नीलांबरी शिर्के

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ जादू… ☆ सुश्री वृंदा (चित्रा) करमरकर ☆

सुश्री वृंदा (चित्रा) करमरकर

? कवितेचा उत्सव ?

☆ जादू💦 ☆ सुश्री वृंदा (चित्रा) करमरकर ☆

केली जादू त्या निळ्याने

गेले होऊनी मी निळी

भारावूनी गेले मनी

रेशमी शेला सोनसळी

 

घुमे सूर वेळूतूनी

जीवा गारूड जाहले

गात्रागात्रांतूनी माझ्या

नाम कृष्ण कृष्ण वाहिले

 

मीच माझ्या देहात या

कुठे आता रे राहिले

अधिरशा त्या स्वरमयी

मीच पुन्हा झंकारले

 

 सावळ्या त्या रुपाची

 पडे पुन्हा पुन्हा भूल

 मनी दरवळे कान्हा

 उरी मोरपिशी चाहूल

© वृंदा (चित्रा) करमरकर

सांगली

मो. 9405555728

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares