कवितेचा उत्सव
☆ || वंदन गणेशा || ☆ म. ना. दे. (श्री मयुरेश देशपांडे) ☆
वंदन गणेशा| पाठीशी सर्वेशा|
सदैव विघ्नेशा| सकलांचा|| धृ ||
तू विश्वचक्षूंनी| कली निर्दालूनी|
आनंदी करूनी| चराचर|| ०१ ||
शोभे एकदंत| असे भाग्यवंत|
होई कृपावंत| प्रार्थनेने|| ०२ ||
नमो लंबोदर| असत्या प्रहार|
सत्याचा विचार| सांगतसे|| ०३ ||
हे वक्रतुंडाय| पापांसी क्षेमाय|
भक्त रक्षणाय| धावून ये|| ०४ ||
चौसष्ठ कलांचा| आहे अधिष्ठाता|
सृष्टीचा निर्माता| गजानन|| ०५ ||
तव चतुर्भुजे| शस्त्र शास्त्र साजे|
तिन्ही लोक पूजे| मयुरेशा|| ०६ ||
कवी : म. ना. दे.
(होरापंडीत मयुरेश देशपांडे)
+९१ ८९७५३ १२०५९
https://www.facebook.com/majhyaoli/
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
माझ्या साहित्याला इथे सन्मान दिल्याबद्दल आपला ऋणी आहे.