मराठी साहित्य – कवितेचा उत्सव ☆ चांदरात … ☆ प्रा. सौ. सुमती पवार

By Hemant Bawankar1 Comment

प्रा. सौ. सुमती पवार

? कवितेचा उत्सव ?

☆ चांदरात … ☆ प्रा. सौ. सुमती पवार ☆

चांदरात चांदरात दूध सांडते जसे

अवकाशी चंद्र कसा गोड गोड तो हसे….

 

चमचमते गगन कसे नक्षत्रे हासती

ग्रहगोल सारे कसे देवदूत भासती

बघत रहावीच प्रभा,दृश्य पहा सुंदरसे

अवकाशी चंद्र कसा …

 

चांदण्यात जग कसे सुंदरसे भासते

रजतपटी लोपूनी ते गोड गोड हासते

खडी चांदण्यांची ती नयनमनोहर दिसे…

अवकाशी चंद्र कसा ….

 

चंद्र चांदण्यांचे जग अद्भूत ते रम्य किती

सौंदर्या तेथ पहा नाही मोज ना मिती

देवाचे देणे हे अनमोल अन् रम्य असे…

अवकाशी चंद्र कसा ….

 

प्रियकर हा लाडका चंद्र प्रिय सर्वांचा

खिडकीतून रोज दिसे लपंडाव त्याचा

प्रेमभाव अर्पून त्यास मनमोर नित्य हसे…

अवकाशी चंद्र कसा …

गोड गोड तो हसे ….

 

© प्रा.सौ.सुमती पवार 

नाशिक

(९७६३६०५६४२)

[email protected]

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ सुजित साहित्य #102 – रेडिओवर…!! ☆ श्री सुजित कदम ☆

By Hemant BawankarNo Comments

श्री सुजित कदम

? कवितेचा उत्सव ?

☆ सुजित साहित्य # 102  – रेडिओवर…! ☆

रेडिओवर….

सुख के सब साथी

दुःख मे नं कोई…..

हे गाणं लागलं ना की,

सारीच सुखं दुःखं

समोरासमोर येऊन उभी राहतात..

आणि भांडू लागतात

आपलं कोण आणि

परकं कोण..?

ह्या एकाच विषयावर..

रेडिओवर दुसरं…

गाणं सुरू होई पर्यंत..!

 

© सुजित कदम

संपर्क – 117, विठ्ठलवाडी जकात नाका, सिंहगढ़   रोड,पुणे 30

मो. 7276282626

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – चित्रकाव्य ☆ – प्रश्न- ?? ☆ सुश्री उषा जनार्दन ढगे ☆

By Hemant BawankarNo Comments

सुश्री उषा जनार्दन ढगे

 

?️?  चित्रकाव्य  ?️?

☆ ? – प्रश्न- ??  ? ☆ सुश्री उषा जनार्दन ढगे ☆

तो प्रश्न अनुत्तरीत राहिला..

विचारला..तरी क्लृप्तीने टाळला…

चकविला जरी, मनांतच राहूनी गेला…

क्षणभर काहूर माजवूनी गेला…

का प्रश्न तो ऐकूच नाही गेला..?

अन् फिरून प्रश्नजाळ्यांंत गुंंतवूनी गेला..?

एक भला प्रश्न मागेच सोडूनी गेला…

प्रश्नचिन्ह बनूनी मग वेंगाडित राहिला…!

अन् मग प्रश्नाच्याच त्या,

संदिग्ध कोशपटलाला…

प्रत्युत्तराचा तो तीक्ष्ण तीर

आरपार छेदूनी गेला…!

चित्र साभार – सुश्री उषा जनार्दन ढगे 

© सुश्री उषा जनार्दन ढगे

 

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ आभाळाची सरते माया… ☆ श्री हरिश्चंद्र कोठावदे ☆

By Hemant BawankarNo Comments

श्री हरिश्चंद्र कोठावदे

? कवितेचा उत्सव ?

☆ आभाळाची सरते माया… ☆ श्री हरिश्चंद्र कोठावदे ☆ 

(वृत्त: वनहरिणी)

आभाळाची सरते माया अन् भूमीही हो अनुदार

पत्ता शोधित खुद्द स्वतःचा,फिरे अधांतर दारोदार!

 

बरीच बाकी तपोसाधना,खूप दूर ती अजून सिद्धी

अर्ध्यामुर्ध्या हळकुंडाने नकोस होऊ पिवळा फार!

 

दोनचार त्या तुटल्या फांद्या, अजुन मुळावर घाव कुठे

रान माजले विषवृक्षांचे, अवतीभवती अपरंपार !……

 

जिंकलीस तू चकमक केवळ,अंतिम रण ते अजून बाकी

रणझुंजारा! अजून तुजला झेलायाचे बरेच वार !…….

 

विश्वासाच्या होती चिंध्या,कृतघ्नतेचे डसती नाग

कंठी होता दाह विषाचा,जटेत घ्यावी गंगाधार !…

 

दिवसाढवळ्या डोळ्यांदेखत,इथे खलांचा नंगानाच……

संत महात्मे साधू सज्जन, किती उदासिन किती लाचार!

 

सप्तसुरांच्या मैफिलीत ह्या, नादब्रह्म कुणि आहे अळवित

कुणी न श्रोता कुणी न दर्दी, फक्त पोरके शून्य अपार !…..

 

© श्री हरिश्चंद्र कोठावदे

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ रंजना जी यांचे साहित्य # 92 – नाहकता ☆ श्रीमती रंजना मधुकरराव लसणे ☆

By Hemant BawankarNo Comments

श्रीमती रंजना मधुकरराव लसणे 

? कवितेचा उत्सव ?

☆ रंजना जी यांचे साहित्य # 92 – नाहकता ☆

शब्दांची गर्दी हवी कशास नाहकता।

शब्दाविना वाढते भावनांची सुंदरता ।।

 

एक आर्त नजर तुझी खुप काही सांगते ।

लपलेली व्यथा तुझ्या नजरेतून जाणवते

मूक कटाक्ष सुद्धा तुझा घायाळ करतो पुरता।।१।।

 

समाधानाची ढेकर अशी दाद देऊन जाते।

आर्धी उष्टी खीर तुझी माझी काळजी सांगते ।

कपभर चहा ने तुझ्या शीण जातो पुरता ।।२।।

 

रुसवे-फुगवे सारे तुला शब्दाविना कळतात।

पश्चातापाचे भाव तुझ्या नजरेतच उमटतात ।

सुगंधी गजराही पुरतो मग मध्यस्थी करता।।३।।

 

विश्वासची ढाल तुझी लढण्याचे बळ देते।

नित्य अशी साथ तुझी अखंड मला लाभते।

कौतुकाच्या थापेलाही भासे शब्दांची नाहकता।।४।।

 

©  रंजना मधुकर लसणे

आखाडा बाळापूर, जिल्हा हिंगोली

9960128105

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ अभंग – वृक्षारोपण ☆ सौ.ज्योत्स्ना तानवडे ☆

By Hemant BawankarNo Comments

सौ.ज्योत्स्ना तानवडे

? कवितेचा उत्सव ?

☆ ? अभंग – वृक्षारोपण ?☆ सौ.ज्योत्स्ना तानवडे ☆ 

बीज अंकुरले | मातीच्या कुशीत |

धरा कृपावंत | आनंदली ||

 

उन वारा पाणी | मिळण्या पोषण |

विश्वाचे अंगण | बीजा तुला ||

 

मुळे घट्ट ठेवी | झेप घे अंबरी |

कर्तृत्व अंतरी | ठेवी सदा ||

 

आला पावसाळा | वसुंधरा दिन |

रोपे जगविन | जीवेभावे ||

 

झाडे बहुमोल | धन धान्य देती |

शुध्द हवा देती | जगण्यास ||

 

निसर्गाचा तोल | झाडे ही राखती ।  

सोबती | आपुलेची ||

 

धरित्रीची माया | मिळे झाडातून |

समृद्धी देऊन | कृपा करी ||

 

© सौ.ज्योत्स्ना तानवडे

वारजे, पुणे.५८

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – मराठी कविता ☆ कवितेच्या प्रदेशात # 122 ☆ सोनेरी क्षण ☆ सुश्री प्रभा सोनवणे ☆

By Hemant BawankarNo Comments

सुश्री प्रभा सोनवणे

? साप्ताहिक स्तम्भ – कवितेच्या प्रदेशात # 122 ?

☆ सोनेरी क्षण ☆

तसे कुणालाच नको असते

आपल्या आयुष्यात कुणी विनाकारण डोकावणे!

आपण दाखवतोही एकमेकांना

आपली आयुष्ये थोडीफार उलगडून!

तरीही प्रयेकाचे असते,

स्वतःचे असे एक सुंदर विश्व!

 

प्रत्येकाच्या आयुष्यात,

असते अशी वेळ—-

आपण मध्यबिंदू असताना,

घड्याळाच्या काट्यासारखे

टिकटिकत असतात भोवती,

तास काटे, मिनिट काटे, सेकंद काटे!

 

प्रत्येकाने हे समजूनच घ्यायचे असते….

कालचे सोनेरी क्षण आपले होते,

आजचे याचे तर परवाचे त्याचे असणार आहेत !

म्हणूनच डोकावू नये उगाचच,

कुणाच्याही आयुष्यात,

आणि करू नये अट्टाहास,

दुस-यांचेही सोनेरी क्षण…सतत स्वतःच ओरबाडण्याचा!

 

© प्रभा सोनवणे

“सोनवणे हाऊस”, ३४८ सोमवार पेठ, पंधरा ऑगस्ट चौक, विश्वेश्वर बँकेसमोर, पुणे 411011

मोबाईल-९२७०७२९५०३,  email- [email protected]

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ चवचाल शेंग ! ☆ श्री प्रमोद वामन वर्तक ☆

By Hemant BawankarNo Comments

श्री प्रमोद वामन वर्तक

? कवितेचा उत्सव ? 

⭐ चवचाल शेंग ! ? ⭐ श्री प्रमोद वामन वर्तक ⭐ 

चवचाल ‘चवळीची’ शेंग

पडे ‘पडवळाच्या’ प्रेमात

उडवू म्हणे लग्नाचा बार

मंडईच्या हिरव्या मांडवात

 

ऐकून बोलणे ‘चवळीचे’

लागे ‘पडवळ’ हसायला

लग्न झाले ‘डाळिंबीशी’

तप लोटली संसाराला

 

हिरमुसली चवळीची शेंग

भिडे लाल भोपळ्याला,

लग्न करशील माझ्याशी

नेईन परदेशी हनिमूनला

 

छान तुझे प्रोपोजल, पण

उशीर केलास विचारायला

उगा कशा लाऊ गालबोट

गवारी सोबतच्या लग्नाला

 

बावचळली चवळीची शेंग

काय करावे तिला सुचेना

आता कांद्या बटाट्या विना

आधार तिला कुणाचा ना

 

© श्री प्रमोद वामन वर्तक

संपर्क – (सिंगापूर) +6594708959, मो – 9892561086, ई-मेल – [email protected]

 

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – साप्ताहिक स्तम्भ ☆ श्री अशोक भांबुरे जी यांची कविता अभिव्यक्ती # 127 ☆ राजा राणीचा संसार ☆ श्री अशोक श्रीपाद भांबुरे ☆

By Hemant BawankarNo Comments

श्री अशोक श्रीपाद भांबुरे

? अशोक भांबुरे जी यांची कविता अभिव्यक्ती # 127 ?

☆ राजा राणीचा संसार ☆

राजा राणीचा संसार, हवी कशाला भाकर

वीस मिनिटात येतो, आता पिझ्झा दारावर

 

राजा राणीचा संसार, हवे स्वतःचेच घर

येता जाता रस्त्यावर, माझे असावे माहेर

 

राजा राणीचा संसार, नको नंदा नको दिर

सासू सासरे देखील, गावी असावेत दूर

 

राजा राणीचा संसार, नाही मला हात चार

घरकाम करताना, लावेल तो हातभार

 

राजा राणीचा संसार, खोट्या पावसाचा जोर

शाॕवरच्या खाली नाचो, माझ्या मनातला मोर

 

राजा राणीचा संसार, नको घामाची ह्या धार

लावू एसी घरामध्ये, उन्हाळा ना सोसणार

 

राजा राणीचा संसार, का मी खावी चिंचा बोरं ?

एवढ्यात नको आहे, खरंतर मला पोरं

 

© अशोक श्रीपाद भांबुरे

धनकवडी, पुणे ४११ ०४३.

[email protected]

मो. ८१८००४२५०६, ९८२२८८२०२८

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ एक मात्र मी तरंग…. ☆ सौ.मंजुषा आफळे

By Hemant BawankarNo Comments

सौ.मंजुषा आफळे

? कवितेचा उत्सव ?

☆ एक मात्र मी तरंग… ☆ सौ. मंजुषा आफळे ☆

गजबजलेला गाव इथे

मुखवट्यावर नाना रंग

खरा चेहरा शोधणारा

हा एक मात्र मी तरंग

 

माया मोहात गुंतलासे

अवतीभवतीचा संग

कोण माझा? भेटेल कधी?

रे, एक मात्र मी तरंग

 

आज इथे दिसतात की

वागण्याचे वेगळे ढंग

गर्दीत असा भांबावला

तो एक मात्र मी तरंग

 

कुणीतरी पाठीशी आहे

जाणून घेण्यात मी गुंग

हरलो नाही, ना थांबलो

जो एक मात्र मी तरंग

 

हलकेच परीघ  मोठा

करण्यात सतत दंग

तल्लीन कार्यातच मग्न

बा, एक मात्र मी तरंग

 

क्षणिक अस्तित्व इथले

अर्थपूर्ण जगतो भृंग

निसर्ग गुरुस्थानी असे

नी, एक मात्र मी तरंग

 

ज्ञानकण ते वेचताना

भले ते करण्याचा चंग

यत्न तो देव जाणाणारा

की एक मात्र मी तरंग

 

© सौ.मंजुषा सुधीर आफळे

 

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares