मराठी साहित्य – कवितेचा उत्सव ☆ हे शब्द अंतरीचे # 100 ☆ परोपकार… ☆ महंत कवी राज शास्त्री ☆

By Hemant BawankarNo Comments

महंत कवी राज शास्त्री

?  हे शब्द अंतरीचे # 99 ? 

☆ परोपकार… ☆

एक फुलपाखरू मला

स्पर्श करून गेलं

अचानक बिचारं ते

माझ्यावर आदळलं

कसेतरी स्वतःला

सावरत सावरत

उडण्याचा स्व-बळे,

प्रयत्न करू लागलं.

त्याला मी जवळ घेतलं     

स्नेहाने अलगद ओंजळीत भरलं

झाडाच्या फांदीवर

हळूच सोडून दिलं…

त्याला सोडलं जेव्हा, तेव्हा

ओंजळ माझी रंगली

पाहुनी त्या रंगाला मग

कळी माझीच खुलली

हसू मला आलं विचार सुद्धा आला,

ना मागताच मला फुलपाखराने त्याचा रंग विनामूल्य बहाल केला, 

परोपकार कसा असावा याचा निर्भेळ पुरावा मला मिळाला…!

© कवी म.मुकुंदराज शास्त्री उपाख्य कवी राज शास्त्री

श्री पंचकृष्ण आश्रम चिंचभुवन, वर्धा रोड नागपूर – 440005

मोबाईल ~9405403117, ~8390345500

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ.गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ ती… ☆ सुश्री वृंदा (चित्रा) करमरकर ☆

By Hemant BawankarNo Comments

सुश्री वृंदा (चित्रा) करमरकर

? कवितेचा उत्सव ?

☆ ती💦 सुश्री वृंदा (चित्रा) करमरकर ☆

आठवांचा पिंगा बाई

माझिया तनामनात

तिच्या असंख्य रुपांची

सजे आरास मनात

 

रणरागिणी, मायभवानी

शिवाची तू अर्धांगिनी

शौर्यासह माया नांदते

तू सुंदरा,गे ओजस्विनी

 

असुर माजले दुराचारी

भोग्य मानती ते नारी

त्यांचे करण्या निर्दालन

रुप घेई गे तूच विखारी

 

कठीण वज्रापरी,कधी

लोण्याहूनी मृदू अंतरी

रुप तिचे असेच ईश्वरी

तीच गे योगयोगेश्वरी

 

वेदानीही ना जाणिले

रुप तुझे अगम्य ऐसे

विश्वाची चैतन्य ऊर्मी

तेज सौदामिनी जैसे

 

© वृंदा (चित्रा) करमरकर

सांगली

मो. 9405555728

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ हिरवा रंग… ☆ सौ. विद्या पराडकर ☆

By Hemant BawankarNo Comments

सौ. विद्या पराडकर

? कवितेचा उत्सव ?

☆ हिरवा रंग… ☆ सौ. विद्या पराडकर ☆

नवरंगात असुनही रंग माझा खास आहे

हरहुन्नरी गडी मी वेगळाच माझा वास आहे

 

मी हिरवा रंग आहे

जगदंबा माझ्यात दंग आहे

 

मी नवरात्रीची पाचवी माळ आहे

माझ्यावर बुध ग्रहाची सावली आहे

 

त्रिभुवनसुंदरीने हिरवा शालू परिधान केला आहे

पावित्र्य व मांगल्य यांचे रंग त्यात भरले आहे

 

हरितक्रांतीचा मी आत्मा आहे

शेतकऱ्यांचे संजीवन आहे

 

मी नववधूचा हिरवा चुडा आहे

सुवासिनींचे नवचैतन्य आहे

 

तिरंग्याची मी शान आहे

राष्ट्रभक्तीची मी मान आहे

 

बहरलेल्या सृष्टीचा मी प्राण आहे

चैतन्याचे पान‌ आहे , सजीवाचे लक्षण आहे

 

माझी एक अंतरी आस आहे

एकतेच सर्व रंगांचा वास आहे .

© सौ. विद्या पराडकर

वारजे  पुणे..

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ रंजना जी यांचे साहित्य # 122 – बाळ गीत – कडाक्याची थंडी ☆ श्रीमती रंजना मधुकरराव लसणे ☆

By Hemant BawankarNo Comments

श्रीमती रंजना मधुकरराव लसणे 

? कवितेचा उत्सव ?

☆ रंजना जी यांचे साहित्य # 122 – बाळ गीत – कडाक्याची थंडी ☆

थंडी पडली  कडाक्याची

हुडहुडी भरली कायमची।।धृ।।

 

आलारामचा बाई नसता धाक।

सर्दीने लालेलाल झाले नाक।

संधी नामी शाळा बुडवायची ।।१।।

 

सुंठ मिर्याचा गरम गरम चहा।

गोडगोड शिर्याची चव वाहा!

आईला चुकवून खेळायची।।२।

 

छानछान स्वेटर टोपी मऊ।

बाबाही सारखेच आणती खाऊ।

आजीही छान छान थोपटायची।।३।।

 

शेकोटी शेकण्याची मजाच भारी।

अणंात जमून शेकतात सारी।

खूप खूप धमाल करायाची।।४।।

 

दादाला मुळीच नाही हो अक्कल।

गोळ्या खान्याची लढवली शक्कल।

सारी मजाच घालवली थंडीची।।५।। ं

 

ताई म्हणाली दवाखान्यात जाऊ।

डॉक्टर कडून तपासून घेऊ।

वाटच पकडली मी शाळेची ।।६।।

 

नकोच शाळा बुडवायची….।

हूडहुडी भरली कायमची,…..।  

 

©  रंजना मधुकर लसणे

आखाडा बाळापूर, जिल्हा हिंगोली

9960128105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ आई धावत ये … ☆ सौ.ज्योत्स्ना तानवडे ☆

By Hemant Bawankar1 Comment

सौ.ज्योत्स्ना तानवडे

? कवितेचा उत्सव ?

☆ आई धावत ये … ☆ सौ.ज्योत्स्ना तानवडे ☆ 

!!  श्री  !!

तूची माता तूची त्राता | देवी अंबाबाई |

तुझ्या दर्शना आलो आई | धावत ये लवलाही |

आई धावत ये लवलाही ||

☆ 

तुझी ओढ मना अनिवार | दर्शनासी झालो अधीर |

ऐकुनी माझी ही साद | आई सत्वरी दे प्रतिसाद |

सर्व समर्पित तुझ्या ठायी | धावत ये लवलाही |

आई धावत ये लवलाही ||

☆ 

हाके सरसी धावत येसी | भक्तवत्सले अंबाबाई |

लेकरांसी दुखवीत नाही |अगाध माया तुझी ग आई|

किती तुला मी विनवू आई | धावत ये लवलाही |

आई धावत ये लवलाही ||

☆ 

संकटांचा पडला घाला | जीव किती हा घाबरला |

दुःखविमोचिनी तू गे आई | तुझ्याविना जगी त्राता नाही |

एकची आस उरली | धावत ये लवलाही |

आई धावत ये लवलाही || 

☆ 

© सौ.ज्योत्स्ना तानवडे

वारजे, पुणे.५८

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कविता ☆ विजय साहित्य #144 ☆ नवविधा भक्ती ☆ कविराज विजय यशवंत सातपुते ☆

By Hemant BawankarNo Comments

कविराज विजय यशवंत सातपुते

? कवितेचा उत्सव # 144 – विजय साहित्य ?

☆ नवविधा भक्ती ☆ कविराज विजय यशवंत सातपुते ☆

☆

चराचरी सर्वव्यापी, आदिमाया आदिशक्ती

नवदुर्गा नऊरुपे, करूं नवविधा भक्ती. ॥धृ॥

☆

गुण संकीर्तन करू, नाम तुझे आई घेऊ

करू लिलया श्रवण, अंतरात भक्ती ठेऊ.

करूं श्रवण कीर्तन, दूर ठेवोनी आसक्ती…..॥१॥

☆

करूं स्मरण अंबेचे, माय भवानी वंदन

दोन कर ,एक शिर,भाळी भक्तीचे चंदन

आदिशक्ती चरणांत, मिळे भवताप मुक्ती….॥२॥

☆

सत्य, प्रेम ,आनंदाने,करू पाद संवाहन

आई माझी मी आईचा, प्रेममयी आचरण

परापूजा, मूर्तीपूजा, पूजार्चर्नी वाहू भक्ती….॥३॥

☆

शब्द कवड्यांची माळ, दास्य भक्ती स्विकारली

आदिमाया आदिशक्ती, मनोमनी सामावली

नवरात्री उपासना, मनी धरोनी विरक्ती….॥४॥

☆

© कविराज विजय यशवंत सातपुते

सहकारनगर नंबर दोन, दशभुजा गणपती रोड, पुणे.  411 009.

मोबाईल  8530234892/ 9371319798.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ नवरंगी नवरात्र ☆ सौ. उज्वला सुहास सहस्रबुद्धे ☆

By Hemant BawankarNo Comments

सौ. उज्वला सुहास सहस्रबुद्धे

? कवितेचा उत्सव ?

☆ नवरंगी नवरात्र… ☆ सौ. उज्वला सुहास सहस्रबुद्धे ☆

रंग पांढरा पावित्र्याचा,

 लेऊन आली जगी शारदा!

नवरात्रीच्या रंगांमध्ये,

रंगून जाती साऱ्या प्रमदा!

 

जास्वंदीसह लाल रंगी,

 दुसऱ्या दिवशी देवी सजली!

रक्तवर्णी हा सडा शिंपीत,

मांगल्याची उधळण झाली!

 

आकाशासम निळे वस्त्र ते,

 लेऊन आली तिसऱ्या दिवशी!

व्यापून टाकी अंबर सारे ,

  रूप देवीचे  विशालाक्षी !

 

शेवंतीचा रंगही पिवळा,

  मोहक अन् उत्साही !

चौथ्या दिवशी देवी येई,

 करुनी शृंगार तो शाही!

 

चैतन्याचा रंग हिरवा,

  सृष्टीचा शालूच असे !

नवरात्रीचा दिवस पाचवा,

,सस्य शामल मूर्ती दिसे!

 

राखाडी, करड्या, रंगाचे, 

 वस्त्र तिचे गांभीर्य दाखवी!

रूप देवीचे शांतगंभीर,

 सहाव्या दिवशी मन रमवी!

 

वैराग्याचा रंग केशरी,

  खुलून दिसे देवीला!

नवरात्रीचे रूप देखणे,

 उजळे सातव्या माळेला!

 

प्रेमळ सात्विक  रंग गुलाबी,

  वस्त्र शोभे लक्ष्मीला!

अष्टमीच्या देवीचा हा,

   मंदिरी रात्री खेळ रंगला!

 

उत्साहाचे प्रतिक जणू असे,

  रंग गडद जांभळा !

अंबेच्या नवरात्री रंगी ,

  आनंद मिळे आम्हा आगळा !

 

नऊ दिवसाचे नवरात्र संपले,

 दहन करू दुष्ट रावणाचे !

सीम्मोलंघन  करुनी लुटुया,

  सोने आपट्याच्या पानाचे!

 

दसरा येई वाजत गाजत,

 आनंदाचे घेऊन वारे !

दीपावलीच्या स्वागतासही,

  सज्ज होई घरदार हे सारे!

© सौ. उज्वला सुहास सहस्रबुद्धे

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ सुजित साहित्य #128 – नवं घर…! ☆ श्री सुजित कदम ☆

By Hemant BawankarNo Comments

श्री सुजित कदम

? कवितेचा उत्सव ?

☆ सुजित साहित्य # 128 – नवं घर…! ☆ श्री सुजित कदम ☆

जेव्हा शब्द..

समुद्राच्या लाटांसारखे

वागू लागतात..

तेव्हा तू समजून जातेस

शब्दांचा मनाशी चाललेला

पाठशिवणीचा खेळ..!

पण मी मात्र..,

शब्दांची वाट पहात

बसून राहतो

तासनतास

कारण….

मला खात्री आहे

शब्द दमल्यावर

ह्या को-या कागदावर

मुक्कामाला नक्की येतील..!

कारण शब्दांनाही हवं असतं

को-या कागदावरचं हक्काचं

असं ..नवं घर..!

©  सुजित कदम

संपर्क – 117, विठ्ठलवाडी जकात नाका, सिंहगढ़   रोड,पुणे 30

मो. 7276282626

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – मराठी कविता ☆ कवितेच्या प्रदेशात # 151 ☆ दोन अश्रू… ☆ सुश्री प्रभा सोनवणे ☆

By Hemant Bawankar2 Comments

सुश्री प्रभा सोनवणे

? कवितेच्या प्रदेशात # 151 ?

☆ दोन अश्रू… ☆ सुश्री प्रभा सोनवणे ☆

पहाटे मोबाईल वाजला…..

  “अरूणा मुखर्जी”

     नाव वाचलं….

आणि काळजात धस्स !

नव्वदी ओलांडलेल्या ,

मावशींचं काही बरंवाईट??

 

क्वचितच कधीतरी

               फोन करणा-या

                या मावसबहिणीनं                                                                                                   –                    

               सांगितलं, 

“अगं दादा चा अॅक्सिडेंट झाला”

            पुन्हा..

                  कधी??

 इतकं च बोलले मी….

 

पुढचं वाक्य होतं–

                  “आणि त्यात तो गेला…

                 सव्वा महिन्यापूर्वी…

तुला कळवायचं राहून गेलं!”

 

            ”  अं…

             अहो, दोन महिन्यांपूर्वी

              येऊन गेले माझ्या कडे

                      अचानकच !”

 

             “हो,असं ब-याचजणांना

                       भेटून गेला तो-

               कोण कोण सांगत होते”

 

” विना हेल्मेट बाईक वरून

             जात  असताना ,

                उडवलं कोणीतरी…

               डोक्याला मार लागला. “

              ……

मला दादांची शेवटची भेट

      आठवत राहिली……

एका मोठ्या अपघातातून

 बरे होऊन ते

माझ्या घरी आले होते!

“मी आता

व्यवस्थित बरा झालो,

वाॅकर, काठी शिवाय

 चालू शकतो!

जिना ही चढू शकतो!”

 

जिना चढून, उत्साहाने पाहिली त्यांनी,

टेरेस वरची बाग !

 

खाद्यपदार्थांची 

आणि चहाची तारीफ करत,

    मनसोक्त गप्पा…

हास्य विनोद…

 

प्राध्यापक….

   जवळचा नातेवाईक…

      मावसभाऊ….

    कोण गेलं??

 

वयाच्या शहात्तराव्या वर्षी

विना हेल्मेट बाईक वरून

   जाताना अपघाती मृत्यू…..

     इतकीच नोंद,

  संपलं  एक  अस्तित्व!

   नाती दूर जातात..

नाहीशी होतात…

     “सारे घडीचे प्रवासी!”

 

हीच तर जगरहाटी!

© प्रभा सोनवणे

संपर्क – “सोनवणे हाऊस”, ३४८ सोमवार पेठ, पंधरा ऑगस्ट चौक, विश्वेश्वर बँकेसमोर, पुणे 411011

मोबाईल-९२७०७२९५०३,  email- [email protected]

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ स्वरलता ☆ सुश्री त्रिशला शहा ☆

By Hemant BawankarNo Comments

सुश्री त्रिशला शहा

? कवितेचा उत्सव ?

☆ स्वरलता ☆ सुश्री त्रिशला शहा ☆

(जन्मदिवस निमित्त)

भारतमातेच्या शिरपेचातील

एक हिरकणी लखलखणारी,

साऱ्या जगाला व्यापून उरली,

होती नभीची शुक्रचांदणी,

स्वर तिचा होता अद्वितीय,

गळ्यात वसला होता गंधार खरोखर,

अवघ्या जनतेला पडला त्या स्वरांचा मोह,

वैराण जीवनातही ठरला संजीवन,

अंगाईने बाल्य जोजविले,

प्रेमगीतातून तारुण्य फुलले,

भक्तीरसाने वार्धक्य रिझविले,

भैरवीचे सूर आसमंती निनादले,

तिच्या स्वराने सुवर्ण उधळले,

मनामनात मोहर उमलले,

भारताची ती स्वरसरीता,

अभिमान आहे आम्हा तयाचा,

पदवी मिळाली तिज गानकोकिळा,

पुरस्कारांचा वर्षाव नुसता,

जन्मदिन आज त्या भारतरत्नाचा,

अभिवादन माझे

त्या लतादिदींना… 🙏🏻

 

© सुश्री त्रिशला शहा

मिरज

 ≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares
image_print