सौ विजया कैलास हिरेमठ
कवितेचा उत्सव
☆ “विश्वास…” ☆ सौ विजया कैलास हिरेमठ ☆
☆
दिवसामागून दिवस जातात
ऋतू मागून ऋतू सरतात
प्रत्येकासाठी ते सारखेच असतात
तरीही वेगवेगळे का भासतात….
*
कधी हवेहवेसे कधी नकोसे
दिवस नसतात सगळे सारखे
नाही पाहत आपण जसेच्या तसे
म्हणूनच होतो सुंदरतेस पारखे….
*
एकच ऊर्जा सगळीकडे
सर्वांसाठी सारेच खुले
आपल्यालाच असते कोडे
काय आणि किती निवडावे…
*
खरे तर काहीच नसते अवघड
आपलीच असे आपल्यासाठी निवड
दृष्टीकोन असतो ज्याचा त्याचा
जग दुनियेकडे पाहण्याचा…..
*
अगाध, अथांग, अपरंपार
परमेश्वर देत आहे अपार
मानूया त्याचे मनापासून आभार
विश्वास हाच जगण्याचा आधार….
☆
💞शब्दकळी विजया 💞
© सौ विजया कैलास हिरेमठ
पत्ता – संवादिनी ,सांगली
मोबा. – 95117 62351
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
संपादकीय निवेदन 
