Category: कवितेचा उत्सव 2

सौ.रेणुका धनंजय मार्डीकर

  चित्रकाव्य  

वटपौर्णिमा भाग्याची… सौ.रेणुका धनंजय मार्डीकर ☆

☆

वटपौर्णिमा भाग्याची 

वटसावित्रीचा सण 

सावित्रीची पूजा केली 

सत्यवानाचे स्मरण

*

नका तोडू फांदी कोणी 

वडराजाची पूजेला

भाव ठेवावा पवित्र

प्राणवायू् त्याने दिला

*

त्याचे संवर्धन करू

वनराई वाढवून 

कसा कोपेल निसर्ग 

चैतन्य सारे पाहून 

*

आज वटसावित्रीला 

एक संकल्प करूया 

झाड वडाचे लावून 

वनराईला भरुया 

*

माझ्या घरादारासाठी 

प्राणवायू फार मोठा 

झाडे वेली घनदाट 

मग नाही काही तोटा 

*

वटपौर्णिमेला आज 

मागणे मला हेच दे 

निसर्गाची कृपा आणि

शांती समृद्धी नांदू दे 

☆

डॉ. सोनिया कस्तुरे

  चित्रकाव्य  

– “अरे धाग्या ऐक ना…” –  ☆ डॉ.सोनिया कस्तुरे ☆

 ☆

अरे धाग्या ऐक ना..

कृतज्ञ आहे रे मी तुझी 

बाहेरील अग्नी घेऊन,

तू प्रज्वलित झालास….

प्रकाश देण्याची माझ्यातील क्षमता,

तुझ्यामुळेच तर फळाला आली,

मनोमन सफल झाली रे….

स्वतः जळून तू निघून जातोस, संपतोस,

मी मात्र वितळून आकारहित होते

पण टिकून राहते रे दरवेळी….

दूसऱ्या धाग्याच्या शोधात आकार घेण्यास सज्ज..

तुझ्याशिवाय माझा उपयोग तो काय..

तुझ्याविना मी अधुरी रे धाग्या..

तुझे उपकार कसे मानू 

माझं पूर्णत्व तू आहेस..!

परिपूर्ण चैतन्य तू आहेस रे

माझा भोवताल प्रकाशमान होण्यासाठी..

मला उजळण्यासाठी…

☆

© डॉ.सोनिया कस्तुरे

विश्रामबाग, जि. सांगली

भ्रमणध्वनी:- 9326818354

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सुश्री प्राची जोशी

 कवितेचा उत्सव 

☆ कृष्णमय सारे… ☆ सुश्री प्राची जोशी ☆

☆

एक मोरपीस तुर्यात,

अलवार वाऱ्यावर झुलते

बासरीच्या सुरांनी,

सारे विश्वच डोलते

*

तुझ्या सुरात रंगुनी ,

गाईंची घुंगर नाचती

“गोपाळ कृष्णच्या” नामानी ,

घन आनंदून बरसती.

*

राधा कृष्णाच्या भक्तीत

अवघे गोकुळ रंगलेले

कान्हाच्या मधूर बासरीच्या

सुरांवटीत असे भिजलेले

*

सूर असे हे आर्ततेचे

मनावर रेंगाळणारे

गोप गोपिंच्या साथीने

कृष्ण कृष्ण जपणारे

*

कृष्णच मी! कृष्णच तू!

निळ्याशार नभीचा

सप्तरंगी मखमली

मोरपिशी रंगच जणू !!!

☆

©  सुश्री प्राची अभय जोशी

मो 9822065666 

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

म. ना. दे. (श्री मयुरेश देशपांडे)

☆ || बहर मनाला || ☆ म. ना. दे. (श्री मयुरेश देशपांडे) ☆

☆

 बहर मनाला| अवघड वया|

 उजळली काया| आतूनच|

*

 आतुनच होई| गुदगुल्या किती|

 अनामिक भीती| चालताना||

*

 चालण्यात लय| तरंगे हवेत|

 भिजती लाटेत| अनोळख्या||

*

 अनोळखा स्पर्श| तरी हवा हवा|

 वाटे नवा नवा| खेळ सारा||

*

 खेळताना आता| राज्य येता मला|

 मोर मनातला| फेर धरी||

☆

कवी : म. ना. देशपांडे

(होरापंडीत मयुरेश देशपांडे)

+९१ ८९७५३ १२०५९ 

https://www.facebook.com/majhyaoli/ 

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्रीशैल चौगुले

 कवितेचा उत्सव 

☆ अजाण… ☆ श्रीशैल चौगुले ☆

☆

दूर कशाला शोधती वेड्या

पुढ्यात तुझ्या देव आहे

गर्व नको करु स्वतःवर

अजूनी जन्मात वाव आहे.

*

पाप अनंत करुनी म्हणे

तु श्रीमंतीतही राव आहे

उगी साहुकारी मिरवीतो

दैवापुढे का तो भाव आहे.

*

हौस पुरवितो खास खास

सृष्टिचा हिरावून तो घास

देहाचा महाल मिथ्या सारा

श्वासावर का मज्जाव आहे.

 ☆

© श्रीशैल चौगुले

सुश्री नीलांबरी शिर्के

श्री आशिष  बिवलकर

  चित्रकाव्य  

सुखाची आकाशा गवसणी…  श्री आशिष  बिवलकर ☆

☆

बालपणीचा काळ सुखाचा,

हलक्या फुलक्या आठवणी |

मौज मजा धमाल मस्ती सारी,

सुखाची आकाशाला गवसणी |

*

आभाळ ही वाटलं ठेंगण तेव्हा,

सुंदर स्वप्नांची उंच उंच भरारी |

छोट्या छोट्या गोष्टीत आनंद,

नव्हती कसलीच दुनियादारी |

*

काळ्या मातीत मुक्त बांगडणे,

मोकळ्या मैदानावरचे खेळ |

माळरानाची बिनधास्त सफर,

मित्रमंडळींसाठी भरपूर वेळ |

*

कैऱ्या चिंच पेरू रानमेवा,

रोज चालायची मेजवानी |

पंचतारांकीतच होत जगणं,

ऐट सारी होती राजावानी |

*

अंगावर फाटका कपडा तरी,

नव्हती परिस्थितीची लाज |

मर्यादित साधन सामुगीत,

संस्कारांनी चढवला साज |

*

दुर्मिळ होत चाललय आता सर्व,

जीवघेण्या स्पर्धेत बालकांची उडी |

हिरावून घेतलं जातंय बालपण त्यांचं,

माफ कशी करेल तुम्हां आताची पिढी?

☆

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈