सुश्री त्रिशला शहा
कवितेचा उत्सव
☆ भाव मनीचे … ☆ सुश्री त्रिशला शहा ☆
☆
मनात माझ्या नकळत स्फुरते
भाव अंतरी उमलून येते
मनात गहिवर दाटून येते
अशीच अवचित कविता सुचते
*
शब्दांना मग गोळा करते
शब्द शब्द मी जोडीत जाते
अंतरीचे भाव गुंफते
मनात माझ्या कविता फुलते
*
यमक रुपकाचा अंदाज बांधून
विरामचिन्हाचा आधार घेऊन
शब्दांचा पसारा आवरते
आणि मी त्यांना कवितेत गुंफते
*
शब्दांनाही तालात झुलविता
गळ्यामधूनी सूर उमटता
लयीत तयाच्या गुंगून जाता
मनामनात साकारते कविता
*
अशीच बहरते म्हणे कविता
मनाच्या डोहात उसळते कविता
सूरांमधूनी गुणगुणते कविता
साहित्याचा आधार कविता
☆
© सुश्री त्रिशला शहा
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
