मराठी साहित्य – कवितेचा उत्सव ☆ चाहूल… ☆ श्री शामसुंदर महादेवराव धोपटे

श्री शामसुंदर महादेवराव धोपटे

 ☆ कवितेचा उत्सव ☆ चाहूल… ☆ श्री शामसुंदर महादेवराव धोपटे ☆ 

चाहूल कशी लागते बकुळीला तुझ्या येण्याची

वेळ साधते बघ ती तुझ्या गालावर फुलण्याची.

ओढ कशी लागते पुन्हा इश्क जगण्याची

वर्दी कोण देते ग मनाला तुझ्या येण्याची.

ऊर्मी येते कुठून पुन्हा घायाळ होण्याची

हौस फिटली न अजुनी माझी दर्द सहण्याची.

उमगली न मला अजुनी तऱ्हा तुझ्या प्रेमाची,

भाषा कधीच न कळली तुझी गूढ जपण्याची.

येतील जातील वर्षे,यत्न दुःखे विसरण्याची

वहिवाट हीच जीवनी बकुल टिपण्याची.

© श्री शामसुंदर महादेवराव धोपटे

चंद्रपूर,  मो. 9822363911

≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈