मराठी साहित्य – कवितेचा उत्सव ☆ जाग ☆ सुश्री प्रणिता प्रशांत खंडकर ☆

सुश्री प्रणिता प्रशांत खंडकर

कवितेचा उत्सव

☆ जाग ☆ सुश्री प्रणिता प्रशांत खंडकर ☆

तोडिलेस वृक्ष किती,

अविचारी मानवा,

केले अनिकेत किती,

पक्षी, रानपाखरां..

सोयरे मानून जया

बहरली ही संस्कृती,

देव-धर्म पूजनी का,

जपली यांची महती.

 वाढली जनसंख्या ही,

 साधन-संपदा उणी,

 जंगले  काँक्रिटची,

 टाहो.. पाणी.. पाणी.

प्रदूषित झाली हवा,

 रोगराई रोज नवी,

जाणूनी आता तरी,

 सांभाळी वनराई.

रोपे नवीन लावूनी,

जपूनी, वृक्ष वाढवी,

प्राणवायूवाचूनी ही,

लेकरे जगतील कशी?

©  सुश्री प्रणिता प्रशांत खंडकर

संपर्क – सध्या वास्तव्य… डोंबिवली, जि. ठाणे.

ईमेल pranitakhandkar@gmail.com केवळ वाॅटसप संपर्क.. 98334 79845.

ही कथा आवडल्यास लेखिकेच्या नावासह आणि कोणताही बदल न करता अग्रेषित करण्यास हरकत नाही.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈