श्री प्रमोद वामन वर्तक
कवितेचा उत्सव
🤠 खु र्ची ! 😎 श्री प्रमोद वामन वर्तक 
गल्लीपासून दिल्लीपर्यंत
चाले माझाच बोलबाला,
जळी स्थळी काष्ठी पाषाणी
असे मजवर नेत्यांचा डोळा !
‘आराम’ नावाची माझी बहीण
कुठे हरवली कळत नाही,
आजच्या “गोल” भगिनींना
तिची कुठलीच सर नाही !
माझ्यावाचून सर्व नेत्यांचा
जीव सदा अडकतो घशात,
मज मिळवण्या जिवलगांचा
करती कधीही विश्वासघात !
रोज जगभरात मजसाठी
चाले नवे नवे राजकारण,
जनतेला कळणार नाही
त्या मागले खरे अर्थकारण !
सर्व जगात एकच भारी
आहे नशा माझी विखारी,
शेवटी उतरते एकदाची
नेता जाता देवाघरी !
नेता जाता देवाघरी !
© प्रमोद वामन वर्तक
११-०२-२०२३
दोस्ती इम्पिरिया, ग्रेशिया A 702, मानपाडा, ठाणे (प.)
मो – 9892561086 ई-मेल – [email protected]
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
