श्रीमती रंजना मधुकरराव लसणे
कवितेचा उत्सव
☆ रंजना जी यांचे साहित्य # 147 – कौतुकाची थाप ☆ श्रीमती रंजना मधुकरराव लसणे ☆
मिळता विजयाचे दान जगी वाढता सन्मान।
तुझी कौतुकाची थाप आज ओथबले मन।।धृ।। ं
बोट हातात धरून वाट जगाची दाविली।
तुझी आमृताची बोली माझ्या ओठी ग सजली।
असे प्रेमाचे लाभले माझ्या जीवना कोंदन।।१।।
माझे पुरविलेस लाड मारून वस्त्राला ग गाठी।
के लेस दिनरात काम मला शिकविण्यासाठी।
तुझ्या हाताला ग घटे माझ्या हाती ग लेखन।।२।।
चढून शंभर पायरी भरले बारवाचे पाणी।
दिली ओठावर गाणी पाय तुझे ग अनवाणी ।
तुझ्या घामाच्या थेंबानं माझा वाढविला मान।३।।
तुझ्या शिस्तीने घडले चढले यशाच्या शिखरी।
राहिलीस तू अर्ध पोटी देण्या ज्ञानाची शिदोरी।
कसे विसरावे सांग तुझे वात्सल्याचे दान।।४।
© रंजना मधुकर लसणे
आखाडा बाळापूर, जिल्हा हिंगोली
9960128105
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
