मराठी साहित्य – कवितेचा उत्सव ☆ व्हॅलेन्टाइन डे… ☆ श्री रवींद्र सोनावणी ☆

श्री रवींद्र सोनावणी

 कवितेचा उत्सव 

🌹 व्हॅलेन्टाइन डे… 🌹 ☆ श्री रवींद्र सोनावणी ☆

तार तार हृदयाची छेडित

अवखळ अल्लड यौवन फुलवित

मौज-मस्तीचा गुलाल उधळित

आला व्हॕलेंटाईन डे ||

दिवस आजचा तरुणाईचा

परस्परांना तोषविण्याचा

नाजुक हस्तांदोलन आणिक

रोमांचाने फुलण्याचा ||

मौन धरावे शब्दांनी अन्

केवळ स्पर्शातुन बोलावे

डोळ्यांमधल्या निमंत्रणाला

अलगद ओठांनी झेलावे ||

घट्ट बसावी गाठ मनांची

चिरंजीवी हा बंध रहावा

धगधगणाऱ्या धुंद क्षणांचा

अल्पजीवी उन्माद नसावा ||

तुझ्या मनातिल प्रेम जिव्हाळा

गुलाब होऊन गाली फुलला

कौल प्रीतीचा स्पष्ट साजणी

तुला समजला मला उमगला ||

© श्री रवींद्र सोनावणी

निवास :  G03, भूमिक दर्शन, गणेश मंदिर रोड, उमिया काॅम्पलेक्स, टिटवाळा पूर्व – ४२१६०५

मो. क्र.८८५०४६२९९३

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈