मराठी साहित्य – चित्रकाव्य ☆ निसर्गाचा उपहार ☆ श्री प्रमोद वामन वर्तक

By Hemant BawankarNo Comments

श्री प्रमोद वामन वर्तक

?️?  चित्रकाव्य  ?️?

☆ ? निसर्गाचा उपहार  ? ☆ श्री प्रमोद वामन वर्तक ☆ 

 

सडा पडे सोनेरी किरणांचा धरेवर

न्हाउन निघाली सारी सृष्टी चराचर

वाकून जलात नमन करीतसे तरुवर

दिसे नयन रम्य नदी काठचा परिसर

☆

उभा ध्यानस्थ तळ्याकाठी मुनीवर

झेलीत किरणे सोनसळी अंगावर

शांतजळी तरंग लहरी चंदेरी सुंदर

नयनात साठवा निसर्गाचा उपहार

चित्र साभार : श्री सुभाष पराडकर

© श्री प्रमोद वामन वर्तक

(सिंगापूर) +6594708959

मो – 9892561086

ई-मेल – [email protected]

≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – चित्रकाव्य ☆ -ज्ञानज्योती सावित्री- ☆ सुश्री उषा जनार्दन ढगे

By Hemant BawankarNo Comments

सुश्री उषा जनार्दन ढगे

 

? कवितेचा उत्सव ?

☆ – ज्ञानज्योती सावित्री – ☆ सुश्री उषा जनार्दन ढगे ☆ 

शिक्षित महिला महाराष्ट्राची

महिलांची धीट मुक्तीदात्री

कर्तृत्ववान सेविका कवयित्री

उज्वल ज्ञानज्योती फुले सावित्री…

 

तूच तनया तन्मया विलक्षण

मायावी आदिशक्तीचेच स्वरुप

नारी जुलमाच्या प्रतिकारार्थ

ओलांडलेस उंबर्‍याबाहेरचे माप…

 

स्वत्वासाठी सन्मानासाठी झटली

हक्कासाठी लढणारी तू मानिनी

नसशीस कुणी तू दुर्बल अनुगामी

थोर अन्विता सबल नारी स्वाभिमानी…

 

डावलूनी अन्याया सार्थ हिम्मतीने

स्वःप्राणाने न्याय-तुतारी फुंकली

असूरी अज्ञान ध्वांतास पळवाया

धीराने जिद्दीने उंच मशाल धरिली…

 

पिडीती कर्मठ उच्चवर्ण सनातनी

परि सावित्रीबाई नाही डगमगली

या पाखंडी समाजकंटकांसमोरी

जागृत राहूनी मान नाही तुकविली..!

 

© सुश्री उषा जनार्दन ढगे

 

≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – कवितेचा उत्सव ☆ अनाथांची माई ☆ सुश्री अरूणा मुल्हेरकर

By Hemant BawankarNo Comments

सुश्री अरूणा मुल्हेरकर

? कवितेचा उत्सव ?

☆ अनाथांची माई ☆ सुश्री अरूणा मुल्हेरकर ☆ 

(हजारो अनाथांची माई सिंधूताई सपकाळ यांचे  ह्रदयविकाराने निधन झाले. लक्ष लक्ष बालके पोरकी झाली. त्या माईला ही भावपूर्ण श्रद्धांजली!)

कै. सिंधुताई सपकाळ

~~~~~

अनाथांची माई

तीच ही सिंधूताई

जिणे तिचे केविलवाणे

परी डगमगली नाही

 

संशयी पतीने

केली मारहाण किती

फेकिले तिला गोठ्यात

नव मासांची गर्भवती

 

प्रसवली चिंधी गोठ्यात

गोमातेने दिधला आधार

ना सासर अथवा माहेर

ती असे एकटी निराधार

 

बांधले बाळ पदरात

गात फिरली आगगाडीत

शमविण्या भूक उदराची

भाजली भाकरी स्मशानात

 

दीपक नामक बालक

जाहली त्याची आई

हीच ती सिंधूताई

आज हजारो अनाथांची माई

 

पतीस ठणकावून सांगे

“नव्हे मी आता बाई,

मी सिंधूताई

समस्त अनाथांची माई”

 

दीप आता विझला आई

अंधार पसरला ठाई

शांती लाभो पुण्यात्म्यासी

हीच श्रद्धांजली वाही

 

©  सुश्री अरूणा मुल्हेरकर

डेट्राॅईट (मिशिगन) यू.एस्.ए.

≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – कवितेचा उत्सव ☆ क्रांती ज्योती सावित्रीबाई फुले… ☆ सौ. उज्वला सुहास सहस्रबुद्धे

By Hemant BawankarNo Comments

सौ. उज्वला सुहास सहस्रबुद्धे

? कवितेचा उत्सव ?

☆ क्रांती ज्योती सावित्रीबाई फुले… ☆ सौ. उज्वला सुहास सहस्रबुद्धे ☆

ज्योत लाविलीस तू,

 मनामनात सर्वांच्या!

शिक्षणाची कास तू,

 धरलीस स्त्रियांच्या !

 

ज्योतिराव, सावित्री,

गाठ बांधली स्वर्गात!

एकरुप होऊनी,

मग्न झाले कार्यात!

 

दीनदुबळया दलितांना,

आधार त्यांचा मिळाला!

अनाथ,सान बाळांना,

 मायेचा झरा लाभला!

 

  अस्पृश्यतेस दूर सारूनी,

  दीप समानतेचा लावला!

  मुलामुलींना शिक्षणाचा,

   ध्यास  तुम्ही लावला!

 

 शेणगोळे आणि शिव्याशाप

झेलले तिने धैर्याने !

 तिच्या त्यागाची फळे,

आज चाखतात मानाने!

 

 ममता, समता यांचे नाते,

 जोडले समाजात त्यांनी!

 ऋण त्यांचे विसरू नये,

 हीच इच्छा मन्मनी !

 

© सौ. उज्वला सहस्रबुद्धे

वारजे, पुणे (महाराष्ट्र)

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – कवितेचा उत्सव ☆ सावित्री ज्योत… ☆ श्रीशैल चौगुले

By Hemant BawankarNo Comments

श्रीशैल चौगुले

? कवितेचा उत्सव ?

☆ सावित्री ज्योत… ☆ श्रीशैल चौगुले ☆

अशी घडली माता

पेरुनी साक्षरता

दिवे तेवले ज्ञानी

ऊध्दार स्त्री जन्माचा.

शतके महान झाली

निर्भय शक्ती शिक्षण

भारतभूमीचे पुण्य

सावित्री नारी रक्षण.

जोतीचा हात धरुनी

अज्ञानी तिमीर तेजे

 स्वातंत्र्या स्वप्न चाहुल

ईतिहास पान साजे.

मानवतेचाच ध्यास

अस्पृश्य निवारणता

भेद केवळ भ्रमिष्ठ

समता खरी क्षमता.

धन्य युग हे होआवे

थोरवी जिची ममता

देशभक्तीचे हे ऋण

आजही प्रेरिते भक्ता.

 

© श्रीशैल चौगुले

९६७३०१२०९०

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – कविता ☆ साप्ताहिक स्तम्भ # 108 – प्रश्न….! ☆ कविराज विजय यशवंत सातपुते

By Hemant BawankarNo Comments

कविराज विजय यशवंत सातपुते

? साप्ताहिक स्तम्भ # 108 – विजय साहित्य ?

☆ प्रश्न….! ☆ कविराज विजय यशवंत सातपुते ☆

साक्षर आहेस..

उच्च विद्याविभुषित आहेस..

विद्या वाचस्पती आहेस…

मग मला सांग..

हा सारा व्यासंग

जोपासताना..

दूर विदेशी जाऊन

कीर्तीवंत,

ज्ञानवंत आणि

यशवंत होताना

तुझ्या..

माय बापाचा चेहरा

तू कितीदा वाचलास..?

कितीदा वाचलेस प्रश्न

माय बापाच्या डोळ्यातले

नी कितीदा दिलीस उत्तरे

तुला जीवनाच्या परीक्षेत

अनुत्तीर्ण करणारी….!

ते जाऊ दे..

तुझा मुलगा सध्या…

काय वाचतो रे…?

© कविराज विजय यशवंत सातपुते 

सहकारनगर नंबर दोन, दशभुजा गणपती रोड, पुणे.  411 009.

मोबाईल  9371319798.

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – कवितेचा उत्सव ☆ बदल व्हावा सर्वार्थ ☆ श्री शुभम अनंत पत्की

By Hemant BawankarNo Comments

श्री शुभम अनंत पत्की

? कवितेचा उत्सव ?

☆ बदल व्हावा सर्वार्थ ☆ श्री शुभम अनंत पत्की ☆

पुन्हा लागले निर्बंध,

अवघड वर्ष सरताना

पुन्हा घ्यावी काळजी,

घराबाहेर पडताना

 

शत्रु इतका विक्राळ,

अदृश्य आहे असा

पाळावे किती नियम,

जीव झाला नकोसा

 

निरोप सरत्या वर्षाला,

देता, न उरले श्वास

सर्वांनी भोगले दुःख,

झाले आयुष्य भकास

 

बदल व्हावा यथार्थ,

नको कॅलेंडरपुरता

बदल व्हावा सर्वार्थ,

अनुभवी हे वर्ष सरता

© श्री शुभम अनंत पत्की

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – साप्ताहिक स्तम्भ ☆ सुजित साहित्य # 94 – मी, मोबाईल व्हायला हवं होतं.. ☆ श्री सुजित कदम

By Hemant BawankarNo Comments

श्री सुजित कदम

? साप्ताहिक स्तंभ – सुजित साहित्य #94  ?

☆ मी, मोबाईल व्हायला हवं होतं.. ☆

खरंच माणसा ऐवजी मी,

मोबाईल व्हायला हवं होतं..

काळजामध्ये माझ्याही,

सिमकार्ड असायला हवं होतं…!

 

स्वतः पेक्षा जास्त कुणीतरी,

माझी काळजी घेतली असती..

मोबाईलच्या गॅलरीत का होईना,

आपली माणसं भेटली असती…!

 

माझं रिकामं पोट सुध्दा,

दिसलं असतं स्क्रिन वर..

इलेक्ट्रिसिटी खाऊन मी,

जेवलो असतो पोटभर…!

 

कुणालाही माझी कधी,

अडचण झाली नसती..

खिसा किंवा पर्समध्ये ,

हक्काची जागा असती..!

 

माझ्यामधल्या सिमकार्डचंही,

रिचार्ज करावं लागलं असतं..

वय झाल्यावर मला कुणी ,

वृध्दाश्रमात सोडलं नसतं…!

 

आपलेपणाने कुणीतरी मला,

जवळ घेऊन झोपलं असतं..

रात्री जाग आल्यावरही,

काळजीने मला पाहिलं असतं..!

 

माझ्यासोबत लहान मुलं,

आनंदाने हसली असती..

कधी कधी माझ्यासाठी,

रूसूनही बसली असती..!

 

कधी कधी माझं सुद्धा,

नेटवर्क डाऊन झालं असतं..

स्विच ऑफ करुन मला पुन्हा ,

रेंज मध्येही आणलं असतं..!

 

प्रत्येकाने मला अगदी,

सुखात ठेवलं असतं..!

प्रत्येक वेळी स्वतः बरोबर,

सोबतही नेलं असतं..!

 

आत्ता सारखं एकटं एकटं,

तेव्हा मला वाटलं नसतं..!

तळहातावरच्या फोडासारखं,

प्रत्येकाने मला जपलं असतं…!

 

© सुजित कदम

संपर्क – 117,विठ्ठलवाडी जकात नाका, सिंहगढ़   रोड,पुणे 30

मो. 7276282626

≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – कवितेचा उत्सव ☆ नववर्ष ☆ सौ.मंजुषा आफळे

By Hemant BawankarNo Comments

सौ.मंजुषा आफळे

? कवितेचा उत्सव ?

☆ नववर्ष ☆ सौ. मंजुषा आफळे ☆

प्रेमळ नाते आपुले

शुभशकुनी हसावे

मैत्र गीत हे नव्याने

काळजात रुजवावे

 

नित्य नवी नवलाई

भेटीसाठी ओढ हवी

सोहळ्याच्या निमित्ताने

नाविन्याची जोड हवी

 

सदिच्छा आजच्या नव्या

योजलेले पूर्ण व्हावे

सुख संकल्पात सदा

मन गुंतून रहावे

 

निरागस, आनंदी ते

पवित्र क्षण भेटावे

नव्या जाणिवांचे ज्ञान

भरभरून मिळावे.

 

अनुभव सिद्ध व्हावे

सत्कार्यात पुढाकार

घेतले ते दान देता

जीवनी येवो आकार.

 

क्षण ऐसेच भेटावे

पूर्ण होवो सार्‍या इच्छा

तुम्हाला नववर्षाच्या

खूप साऱ्या हो “शुभेच्छा.”

?????

 

© सौ.मंजुषा सुधीर आफळे

१/१/२०२२

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – साप्ताहिक स्तम्भ ☆ कवितेच्या प्रदेशात # 115 ☆ हेमंत ☆ सुश्री प्रभा सोनवणे

By Hemant BawankarNo Comments

सुश्री प्रभा सोनवणे

? साप्ताहिक स्तम्भ – कवितेच्या प्रदेशात # 115 ?

☆ हेमंत ☆

 हेमंत ऋतूच तर सुरू आहे,

 हवेतला गारवा..

सारं कसं मस्त…

 सुखासीन!!

मार्गशीर्ष ,पौष व्रतवैकल्यात  रमलेला..

संक्रांतीची गोड चाहूल…

 

ती ही हेमंतातलीच संध्याकाळ,

तू दिलास तिळगुळ,

काहीही न बोलता…..

रात्री मैत्रीणींबरोबर सिनेमाला गेले,

तिथल्या गर्दीत दिसलास अचानक,

तो “आम्रपाली”होता वैजयंतीमालाचा!

लक्षात राहिला,

संक्रातीच्या दिवशी पाहिला म्हणून!

तू कोण कुठला काहीच माहित नाही,

मैत्रीण म्हणाली एकदा,

कोण गं हा देव मुखर्जी ??

आणि हसलो खूप!!

एकदा शाळेत जाताना–‐-

कुठूनसे सूर येत होते,

जाने वो कैसे लोग थे…..

आणि तू दिसलास….

आज ऋतूंचा हिशेब मांडताना,

तू आठवलास, त्याच बरोबर,

तिळगुळ..आम्रपाली….आणि हेमंतकुमार चे सूरही आठवले!

 हेमंत असतोच ना वर्षानुवर्षे,

आठवणीत, सिनेमात, गाण्यात,

आणि तिळगुळातही…….

 

© प्रभा सोनवणे

(१७ डिसेंबर  २०२१)

“सोनवणे हाऊस”, ३४८ सोमवार पेठ, पंधरा ऑगस्ट चौक, विश्वेश्वर बँकेसमोर, पुणे 411011

मोबाईल-९२७०७२९५०३,  email- [email protected]
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares