Tag: #मराठी-कविता

सुश्री सुमन किराणे

परिचय

जन्म-5/7/1949

शिक्षण – एम.ए.बी एड्.(डबल)

निवृत्त माध्यमिक शिक्षिका, रयत शिक्षण संस्था

10पुस्तके प्रसिद्ध, दोन पुस्तके प्रकाशनाच्या मार्गावर

 कवितेचा उत्सव 

☆ आनंद तरंग ☆ सुश्री सुमन किराणे ☆

मुठी एवढ्या हृदयात

सागरा एवढी दुःखं

ठाण मांडून बसली

तेव्हां दःखं

मुठी एवढी झाली नाहीत

पण

हृदय  मात्र

सागरा एवढं झालं

त्याला हेलावून टाकणाऱ्या

महाभयंकर लाटा उठल्या

पण

कोणत्याही आपत्तिनं

हृदय सागर डगमगला नाही

त्याना तोंड देता देता

दुःखाना सुखं बनविण्याची

ताकत मात्र त्याच्यात निर्माण झाली

दुःखात सुख मानत जाईल

तसतसं

दुःखांची ओहोटी सुरु झाली

आणि सुखांची भरती येऊ लागली

होता होता

आता

सारी सुख,दुःखं

त्या सागरात विरुन गेलेत

हृदय सागर स्थिर झा लाय

आता

त्या हृदय  सागरावर दिसतात

ते फक्त

 आनंद तरंग

© सुश्री सुमन किराणे

पत्ता – मु.पो. हेरले, ता. हातकणंगले, जि. कोल्हापुर.

मोबा.9850092676

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

 कवितेचा उत्सव 

☆ संवाद ☆ कै सुधीर मोघे ☆

ना सांगताच तू

मला उमगते सारे

कळतात तुलाही

मौनातील इशारे.

दोघात कशाला मग,

शब्दांचे बंध

‘कळण्या’ चा चाले

‘कळण्या’ शी संवाद.

कवी – कै सुधीर मोघे

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

कै. विंदा करंदीकर

 कवितेचा उत्सव 

☆ फूलवेडी ☆ कै. विंदा करंदीकर ☆

(कै. गोविंद विनायक करंदीकर ख्यातनाम ‘विंदा करंदीकर’)

(जन्म – २३ ऑगस्ट १९१८ – मृत्यू – १४ मार्च २०१०)

        एक परी

        फूलवेडी

        फुलासारखी

        नेसते साडी.

        फुलामधून

        येते जाते;

        फुलासारखीच

        छत्री घेते.

        बिचारीला

        नाही मूल;

        पाळण्यामध्ये

        ठेवते फूल.

कवी – कै. विंदा करंदीकर

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सुश्री प्रेमा माधव कुलकर्णी

 वाचताना वेचलेले 

☆ गीतांजली भावार्थ ☆ प्रस्तुति – सुश्री प्रेमा माधव कुलकर्णी ☆

३.

आणि हे स्वामी, मी भितरा अशी साद घालतो

 हे स्वामी, तू गातोस आणि मी शांत चकित होऊन

 ते फक्त ऐकत राहतो

तुझ्या संगीताच्या प्रकाशात सारे जग उजळून निघते

तुझ्या संगीताच्या जिवंत स्पर्शानं

आकाशाचा कोपरा अन् कोपरा उजळून निघतो

तुझ्या पवित्र संगीताचा ओघ पाषाणांचे अडथळे पार करून वाहातच असतो

तुझ्या गीतात सूर मिसळायची धडपड मी मनापासून करतो, पण आवाज उमटत नाही

मी गायचा प्रयत्न करतो, पण ध्वनीच उमटत नाही, अर्थ निघत नाही, ते फक्त अरण्यरुदनच ठरते

हे स्वामी, तुझ्या संगीतमय धाग्यात तू मला बंदिवान करून ठेवले आहेस.

४.

माझ्या जीवनाच्या जीवना,

माझ्या सर्वांगावर तुझ्या अस्तित्वाचा स्पर्श आहे,

ही जाणीव ठेवून मी माझे शरीर स्वच्छ व शुद्ध

ठेवण्याचा सतत प्रयत्न करतो

माझ्या मनाच्या गाभाऱ्यात

श्रध्देची व सत्याची ज्योती

सतत तेवत रहावी म्हणून सत्याचा

प्रकाश  फेकणारा तूच आहेस

या जाणिवेने साऱ्या असत्यांचा पसारा

मी बाजूस सारतो

माझ्या अंत: करण्याच्या गाभाऱ्यात

तुझीच पुष्पांकित मूर्ती विराजमान आहे,

ही जाणीव ठेवून माझ्या अंत: करण्यातून

सर्व दुष्ट प्रवृत्ती सतत दूर ठेवायचा मी प्रयत्न करतो.

मराठी अनुवाद – गीतांजली (भावार्थ) – माधव नारायण कुलकर्णी

मूळ रचना– महाकवी मा. रवींद्रनाथ टागोर

प्रस्तुती– प्रेमा माधव कुलकर्णी

कोल्हापूर

7387678883

[email protected]

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री हरिश्चंद्र कोठावदे

 कवितेचा उत्सव 

☆ रणी उतरतो सर्वांसाठी… ☆ श्री हरिश्चंद्र कोठावदे ☆ 

(वृत्त: वनहरिणी)

रणी उतरतो सर्वांसाठी,भोग भोगतो सर्वांचे मी……..

उपकाराचे ढोंग कशाला,रणांगणी ह्या माझ्यास्तव मी!

तरीहि येतो कोणी दारी,जखमांवर घालाया फुंकर

पराभूत मी परंतु ज्याच्या,दाटे कंठी माझा हंबर !

तेच कपातिल फुटकळ वादळ, तीच चहाची अळणी धार

तूफानांनो तुमच्यासाठी,सताड उघडे केले दार !………..

प्रभंजनाशी घेता पंगा,संहाराची व्यर्थ रे तमा

साती सागर ओलांडू वा निमूट होऊ इतिहासजमा!

पैल पोचता क्षणात कळते, हा न किनारा ध्यासामधला

क्षणभर वाटे उगीच केला, ऐल पारखा रक्तामधला!….

जागा होतो कैफ पुन्हा तो, शिडात भरतो उधाण वारा

पुन्हा सागरी नाव लोटणे, शोधाया तो स्वप्नकिनारा !…

झिजता झिजता वर्धमान मी,आटत आटत अथांग होतो….

तुझी नि माझी एक कहाणी, आत्मकथेतुन सांगत असतो !

© श्री हरिश्चंद्र कोठावदे

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री मुबारक उमराणी

 कवितेचा उत्सव 

☆ सारंगपाणी… ☆ श्री मुबारक उमराणी ☆

वारा शिवारी गार शिवारी

झुलतो शाळू भार शिवारी

मनात फुलते रान गाणी गं

पाणी पाजते आप्पाची राणी गं

नथ हसता,माळ बोलते

भाळी कुंकूम टिळा फुलतो

हाती कंकणाचा नाद खुलतो

पैंजण खेळे माती पाणी गं

वारा सळसळ झाड हलवी

मनात फुलते पान पालवी

वसंत कोकिळ मला बोलवी

मनात नाचता मीही गाते गाणी गं

मोहर अांबा मनात घुमतो

वेली फुलांचा गंध झुमतो

जाई जुई शेवंता रंग चुमतो

कळी हसता पायी खेळे पाणी गं

माळावरी ती झालर  फुलांची

हलत वा-यासवे खेळे धुलाशी

पक्षीपाखरु पंखी रंग फुलांचे

अप्पा हसे माझा सारंगपाणी गं

© श्री मुबारक उमराणी

शामरावनगर, सांगली

मो.९७६६०८१०९७.

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

 कवितेचा उत्सव 

☆ या बाई या ☆ कवी दत्त (विठ्ठल दत्तात्रेय घाटे)☆

[विठ्ठल दत्तात्रेय घाटे (१८ जानेवारी, १८९५ – ३ मे, १९७८) ]

या बाई या,

बघा बघा कशी माझी बसली बया

ऐकू न येते,

हळुहळू अशी माझी छबी बोलते

डोळे फिरविते,

टुलूटुलू कशी माझी सोनी बघते

बघा बघा ते,

गुलूगुलू गालातच कशी हसते

मला वाटते,

हिला बाई सारे काही सारे कळते

सदा खेळते,

कधी हट्ट धरून न मागे भलते

शहाणी कशी,

साडीचोळी नवी ठेवी जशीच्या तशी.

 – कवी दत्त (वि.द.घाटे)

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈