Category: मराठी

सौ.रेणुका धनंजय मार्डीकर

  चित्रकाव्य  

वटपौर्णिमा भाग्याची… सौ.रेणुका धनंजय मार्डीकर ☆

☆

वटपौर्णिमा भाग्याची 

वटसावित्रीचा सण 

सावित्रीची पूजा केली 

सत्यवानाचे स्मरण

*

नका तोडू फांदी कोणी 

वडराजाची पूजेला

भाव ठेवावा पवित्र

प्राणवायू् त्याने दिला

*

त्याचे संवर्धन करू

वनराई वाढवून 

कसा कोपेल निसर्ग 

चैतन्य सारे पाहून 

*

आज वटसावित्रीला 

एक संकल्प करूया 

झाड वडाचे लावून 

वनराईला भरुया 

*

माझ्या घरादारासाठी 

प्राणवायू फार मोठा 

झाडे वेली घनदाट 

मग नाही काही तोटा 

*

वटपौर्णिमेला आज 

मागणे मला हेच दे 

निसर्गाची कृपा आणि

शांती समृद्धी नांदू दे 

☆

डॉ. सोनिया कस्तुरे

  चित्रकाव्य  

– “अरे धाग्या ऐक ना…” –  ☆ डॉ.सोनिया कस्तुरे ☆

 ☆

अरे धाग्या ऐक ना..

कृतज्ञ आहे रे मी तुझी 

बाहेरील अग्नी घेऊन,

तू प्रज्वलित झालास….

प्रकाश देण्याची माझ्यातील क्षमता,

तुझ्यामुळेच तर फळाला आली,

मनोमन सफल झाली रे….

स्वतः जळून तू निघून जातोस, संपतोस,

मी मात्र वितळून आकारहित होते

पण टिकून राहते रे दरवेळी….

दूसऱ्या धाग्याच्या शोधात आकार घेण्यास सज्ज..

तुझ्याशिवाय माझा उपयोग तो काय..

तुझ्याविना मी अधुरी रे धाग्या..

तुझे उपकार कसे मानू 

माझं पूर्णत्व तू आहेस..!

परिपूर्ण चैतन्य तू आहेस रे

माझा भोवताल प्रकाशमान होण्यासाठी..

मला उजळण्यासाठी…

☆

© डॉ.सोनिया कस्तुरे

विश्रामबाग, जि. सांगली

भ्रमणध्वनी:- 9326818354

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री आशिष  बिवलकर

 

  चित्रकाव्य  

सुखाची आकाशा गवसणी…  श्री आशिष  बिवलकर ☆

☆

बालपणीचा काळ सुखाचा,

हलक्या फुलक्या आठवणी |

मौज मजा धमाल मस्ती सारी,

सुखाची आकाशाला गवसणी |

*

आभाळ ही वाटलं ठेंगण तेव्हा,

सुंदर स्वप्नांची उंच उंच भरारी |

छोट्या छोट्या गोष्टीत आनंद,

नव्हती कसलीच दुनियादारी |

*

काळ्या मातीत मुक्त बांगडणे,

मोकळ्या मैदानावरचे खेळ |

माळरानाची बिनधास्त सफर,

मित्रमंडळींसाठी भरपूर वेळ |

*

कैऱ्या चिंच पेरू रानमेवा,

रोज चालायची मेजवानी |

पंचतारांकीतच होत जगणं,

ऐट सारी होती राजावानी |

*

अंगावर फाटका कपडा तरी,

नव्हती परिस्थितीची लाज |

मर्यादित साधन सामुगीत,

संस्कारांनी चढवला साज |

*

दुर्मिळ होत चाललय आता सर्व,

जीवघेण्या स्पर्धेत बालकांची उडी |

हिरावून घेतलं जातंय बालपण त्यांचं,

माफ कशी करेल तुम्हां आताची पिढी?

☆

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री आशिष  बिवलकर

 

  चित्रकाव्य  

ती.. आणि तीच…  श्री आशिष  बिवलकर ☆

☆

संसाराचा गाडा ओढतांना,

ती खांद्याला खांदा लावते |

प्रत्येक नर नारायणाला,

त्याची लक्ष्मी अशीच पावते |

*

नांदा रांधा उष्टी खरकटी काढा,

इतक्यावर ती थांबत नाही कधी |

वेळ प्रसंगी कंबरेला पदर खोचून,

घराच्या प्रगतीची सोडत नाही संधी |

*
तिच्याच भक्कम पायांवर,

संसाराचा डोलारा उभा राहतो |

कशाची उणीव आहे की नाही,

तिच्या डोळ्यातच तो सारं पहातो |

*
संसारातल्या अडीअडचणीला,

तीच त्याला हिम्मत देत राहते |

तोल कधी ढळणार नाही त्याचा,

कटाक्षाने सार काही सांभाळते |

*
ती शिकलेली असो वा अडाणी,

संसाराचं गणित अचूक सोडवते |

लेकरांना नुसता जन्मच देत नाही,

चांगल्या संस्कारांनी त्यांना घडवते |

*

व्यक्ती म्हणून जरी एक असली तरी,

जीवनात अनेक भूमिका ती निभावते |

संसार सहाणेवर चंदनाप्रमाणे झिजून,

आयुष्यभर शीतल सुगंधाने दरवळते |

☆

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सुश्री नीलांबरी शिर्के

  चित्रकाव्य  

अगतिकता…    सुश्री नीलांबरी शिर्के ☆

☆

सवारीच्या डोई सावली

याच्या डोई तळपे ऊन

रस्त्यावर रिक्षा चालवे

लेकराला उरी धरून

*
एका हाती निरागसता

 दुजा हात कर्तव्य लढे

 पायांनी रेटत ही रिक्षा

 एकटा पिलासह झगडे

*
काय असेल अगतिकता

असेल कोठे पोराची माय!

आजारी असेल घरामधे

की वाईट घडले असेल काय?

*
चित्र पाहता येई व्याकुळता

डोळा भरूनी येई पाणी

रिक्षा चालवणाऱ्या बापाची त्या 

अन् काय असेल कहाणी?

☆

© सुश्री नीलांबरी शिर्के

मो 8149144177

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

  चित्रकाव्य  

तिच्यासम तीच …

☆ चित्रे दोन.. काव्ये दोन.. आशय मात्र एकच ☆ कवयित्री : सुश्री रेखा हिरेमठ आणि कवि: अज्ञात – प्रस्तुती: सुश्री शोभा जोशी  ☆

☆ ☆ ☆ ☆

सुश्री रेखा हिरेमठ

( १ )

कशाला पाहिजे वंशाला दिवा

ही तेजस्वी समई एकवार पहा 

*

मंद जळते साऱ्या कुटुंबासाठी

तरीही नाही दुषणे जिच्या ओठी

*

साक्षात सूर्याला घेऊन माथ्यावर

हास्य विलसे जिच्या चेहऱ्यावर

*

 पैसे कमवून नवऱ्याच्या जोडीने

घरी येऊन पुन्हा घरकाम करे गोडीने

*

आई आजी बहिण मुलगी बायको

कोणतेही नात्याने जोडलेली असो

*

 बनते प्रेरणा ही कायम चरा चराची

 तेवणारी ज्योत ही शोभा घरा घराची

*
उगीच म्हणत नाहीत तिला शक्ती

तिच्या सम कोणाला जमते भक्ती

☆

कवयित्री : सौ. रेखा दयानंद हिरेमठ

सांगली

☆ ☆ ☆ ☆

सुश्री शोभा जोशी 

(२) 

रोज रोज एकटा चालून,

सूर्य होता दमला,

बघून ही टोपली,

त्यात जाऊन बसला,

माताच ती,

समजला तिला त्याचा कंटाळा,

निघाली ती घराला।

Son in Hand n Sun in Basket.

☆ ☆ ☆ ☆

कवी : अज्ञात 

प्रस्तुती : सौ. शोभा जोशी 

मो ९४२२३१९९६२ 

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री आशिष  बिवलकर

  चित्रकाव्य  

जगणे हलाखीचे, मरण सुखाचे!!  श्री आशिष  बिवलकर ☆

☆

वीतभर खळगीने नाचवले,

अर्धपोटी देह त्यानं पोसला।

निपचित पडला एकटाच,

जगाला आज तो दिसला।

*

आयुष्यभर लक्तरं मिरवली,

आज नवा पांढरा कपडा।

उचलाया लोक दारी आले,

सुखावला गरीबाचा झोपडा।

*

स्वतः स्वतःचा भार ओढला,

आज मिळाले खांदेकरी चार।

निरोपाला जमलीत मंडळी,

निष्प्राण देहाचा उचलाया भार।

*

येड्यागत रित्या खिशाने राहिला,

नाही समजली जगाची जत्रा।

रंक म्हणून जगला आयुष्यभर,

राजावानी खांद्यावर ही अंत्ययात्रा।

*

चुलीत घालाया कधी नव्हती लाकडं,

आज त्याच्यासाठी रचले जगाने सरण।

हसत हसत स्वतःशी पुटपुटला,

हालाखीचे ते जगणे, सुखाचे हे मरण।

☆

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सुश्री नीलांबरी शिर्के

  चित्रकाव्य  

पण ओंजळ रितीच…    सुश्री नीलांबरी शिर्के ☆

☆

कवठी चाफ्याचा

गंधच भारी

तबकात सजुन

मोबाईलच्या दारी

*

दर्शनमात्रे मन

प्रसन्न होते

गंध हुंगण्या मन

व्याकूळ होते

*

भेटीचे सुख

पाहता मुख

रित्या ओंजळीचे

सलतेच दु:ख….

☆

© सुश्री नीलांबरी शिर्के

मो 8149144177

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सौ शालिनी जोशी

 

  चित्रकाव्य  

कर काही स्वानंदासाठी...  सौ शालिनी जोशी ☆

☆

अशी का सखे तू उदास 

 एकटीच पायरीवर बैसलीस

*

 घर दिसे शोभिवंत टूमदार 

 बाजूला झाडे वेलीही सुंदर 

*

 समोर हा झुला निवांत 

 चहू बाजूला सारा शुकशुकाट

*

 मुले बाळे नातेवाईक दूर 

 म्हणून का दिसे ही हुरहुर 

*

अगं कर्तव्य आपले करावे

 परी अपेक्षात गुंतू नये ग

*

 जग सारे आपलेच जाणतेस

 पुरव आता तुझा छंद हौस 

*

इतके दिवस गेले दुसऱ्यासाठी

आता कर काही स्वानंदासाठी

*

उठ सखे आता सत्वर ….

 घे झोका गा गाणे सुंदर ….

☆

©  सौ. शालिनी जोशी

संपर्क – फ्लेट न .3 .राधाप्रिया  टेरेसेस, समर्थपथ, प्रतिज्ञा मंगल कार्यालयाजवळ, कर्वेनगर, पुणे, 411052.

मोबाईल नं.—9850909383

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ.मंजुषा मुळे/सौ.गौरी गाडेकर≈

श्री आशिष  बिवलकर

  चित्रकाव्य  

दमदार साथ…  श्री आशिष  बिवलकर ☆

☆

दमदार अशीच साथ लागते,

सहजीवन सोबत काढतांना |

थकत नाही तिची पाऊलं,

संसाराचा गाडा ओढतांना |

संसाराच्या तव्यावर,

पहिले चटके, मग भाकर |

कष्ट उपासल्याशिवाय,

जीवन नसते ते सुकर |

देह जरी वाकला,

तरी सोसत असते कळ |

गात्र जरी थकली,

तरी तीच देत राहते बळ |

काडी काडी जमवत,

पक्षीण घरटे बांधते |

सूत ज्याच्याशी जुळले,

त्याच्या संगे सुखे नांदते |

ऊन वारा पाऊस सोसत,

संसाराची घडी बसवते |

लाज कशाची न बाळगता,

त्याच्या संगे कष्ट उपसते |

जन्माजन्माची गाठ बांधत,

भाळी कुंकू अभिमानाने मिरविते |

साधीभोळी जरी असली तरी,

संसाराचा गाडा त्याच्या संगे खेचते|

☆

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈