सुश्री नीलांबरी शिर्के
चित्रकाव्य
अगतिकता… सुश्री नीलांबरी शिर्के ☆
☆
सवारीच्या डोई सावली
याच्या डोई तळपे ऊन
रस्त्यावर रिक्षा चालवे
लेकराला उरी धरून
*
एका हाती निरागसता
दुजा हात कर्तव्य लढे
पायांनी रेटत ही रिक्षा
एकटा पिलासह झगडे
*
काय असेल अगतिकता
असेल कोठे पोराची माय!
आजारी असेल घरामधे
की वाईट घडले असेल काय?
*
चित्र पाहता येई व्याकुळता
डोळा भरूनी येई पाणी
रिक्षा चालवणाऱ्या बापाची त्या
अन् काय असेल कहाणी?
☆
© सुश्री नीलांबरी शिर्के
मो 8149144177
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
सुरेख शब्द गुंफण