सुश्री मंजिरी येडूरकर
कवितेचा उत्सव
☆ वर्षा की शरद, काय हवं अंबरा ? ☆ सौ.मंजिरी येडूरकर ☆
कैवल्यदानीच्या दोन पोरट्या धरा, अंबरा
समंजस हि धरा,अंबरा परि खळखळणारी॥
म्हणे अंबरा, ” नेसू माझे कधी काळे तर कधी राखाडी
क्वचितच असते रेष त्यावरी लखलखणारी”॥
नच खळेना डोळ्यामधले पाणी हळवे
कधी करी आकांत तर कधी मुसमुसणारी॥
रंगबिरंगी फुलवेलींची नक्षी रेखली
धरेस मिळते हिरवी साडी झगमगणारी॥
अखेर थोडी हसली गाली आज अंबरा,
नेसून दावी पिवळी साडी सळसळणारी॥
चैतन्याने रात भारली प्रणयरंगी
काळी साडी, खडी त्यावरी चमचमणारी॥
मनोमनी तो आज लाजला, चकोर भोळा
लख्ख प्रकाशी, बघून अंबरा थरथरणारी॥
© सौ.मंजिरी येडूरकर
लेखिका व कवयित्री, मो – 9421096611
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
– गुरू… – 
