मराठी साहित्य – कवितेचा उत्सव ☆ तू बांध ना रे झुला … ☆ प्रा. सौ. सुमती पवार

By Hemant Bawankar1 Comment

प्रा.सौ. सुमती पवार

☆ कवितेचा उत्सव ☆ तू बांध ना रे झुला … ☆ प्रा. सौ. सुमती पवार ☆

 

प्राजक्ताच्या फुलांनी तू न्हाऊ घाल मला

कदंबाच्या झाडाखाली झुलव तू मला झुला ….

 

झुल्यावर झुलव तू प्रेमाने पाहिन

माझ्या डोळ्यामध्ये मीच तुला झुलविन

डोळ्यातच घर तुझ्या बांधीन रे मला …

कदंबाच्या ….झुला….

 

जाईजुई चाफ्याचे रे बांधू या तोरण

हातामध्ये हात घेऊ गाऊ चल गाणं

प्रेम आपले साजरे सजव तू मला

कदंबाच्या ….झुला….

 

कृष्ण सखा माझा तू रे मी तुझी राधा

झाली पहा तुझी मला पहा प्रेम बाधा

चंद्र सूर्य ते साक्षिला घेऊ चला चला

कदंबाच्या ….झुला…..

 

स्वप्न पाहू सुंदर ते आभाळाचे निळे

जन सारे म्हणतील आपल्याला खुळे

स्वर्ग माझ्या बोटावर सांगू कसे तुला

कदंबाच्या ……झुला….

 

प्रेम रसात डुंबता स्वर्ग हाती येई

केशराच्या शेतात ते घर बांधू नवलाई

वास्तवाच्या जगातून नेई दूर मला

कदंबाच्या झाडाखाली……

झुलव तू मला झुला…..

 

© प्रा.सौ.सुमती पवार ,नाशिक

दि: १५/०८/२०२०, वेळ:रात्री: १०/२५

(९७६३६०५६४२)

[email protected]

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares

मराठी साहित्य – कविता ☆ विजय साहित्य – फुलपाखरू ☆ कविराज विजय यशवंत सातपुते

By Hemant BawankarNo Comments

कविराज विजय यशवंत सातपुते

(समाज , संस्कृति, साहित्य में  ही नहीं अपितु सोशल मीडिया में गहरी पैठ रखने वाले  कविराज विजय यशवंत सातपुते जी  की  सोशल मीडिया  की  टेगलाइन “माणूस वाचतो मी……!!!!” ही काफी है उनके बारे में जानने के लिए। जो साहित्यकार मनुष्य को पढ़ सकता है वह कुछ भी और किसी को भी पढ़ सकने की क्षमता रखता है।आप कई साहित्यिक, सांस्कृतिक एवं सामाजिक संस्थाओं से जुड़े हुए हैं। कुछ रचनाये सदैव समसामयिक होती हैं। आज प्रस्तुत है एक भावप्रवण कविता  “फुलपाखरू” )

☆ विजय साहित्य – फुलपाखरू ☆

फुल पाखरू

रंग हवेचे

इवले डोळे

चित्र मजेचे….!

 

फुल पाखरू

नाजुक काया

मकरंदाची

जमवी माया….!

 

फुल पाखरू

थवे फुलांचे

भिरभिरणारे

पंख मुलांचे….!

 

फुल पाखरु

पंख रेशमी

हाती बसता

आनंद मनी…..!

 

फुल पाखरू

मना मोहवी

रंग सावली

कुणा बोलवी…!

 

फुल पाखरू

माझे मीपण

आठवणींचे

दैवी रिंगण…!

 

© विजय यशवंत सातपुते

यशश्री, 100 ब दीपलक्ष्मी सोसायटी,  सहकार नगर नंबर दोन, पुणे 411 009.

मोबाईल  9371319798

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares

मराठी साहित्य – कवितेचा उत्सव ☆ सावित्री ☆ सौ.वंदना अशोक हुळबत्ते

By Hemant BawankarNo Comments

☆ कवितेचा उत्सव ☆ सावित्री ☆ सौ.वंदना अशोक हुळबत्ते ☆ 

 

सत्यवानाला घेऊन

वडाखाली बसायला

वेळच नाही सावित्रीला

 

लाईट पाण्याच्या बीला बरोबर

किराणा आणायचा असतो तिला

घर ऑफिस सांभाळत

सांभाळते ती मूलांना

 

कर्तव्य बजावताना

विचार नसतो मनाचा

ढाली सारखी उभी असते

संसार ती करताना

 

किती दिवसात

नाही पाहिला आरसा

शृंगार तर दूर राहिला

 

तो कसा ही वागला

तो कसा ही असला

तरी

वड पुजावा लागतो तिला

त्याच्या आयुष्याचे दान

पदरी पाडावे लागते तिला

तिला नसतो चाॅईस

 

सावित्री बनता बनता

ती….सत्यवान तर..बनली नाही…. ना…?

 

© सौ.वंदना अशोक हुळबत्ते

मो.९६५७४९०८९२

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares

मराठी साहित्य – साप्ताहिक स्तम्भ ☆ श्री अशोक भांबुरे जी यांची कविता अभिव्यक्ती # 65 ☆ मनाचा ठाव☆ श्री अशोक श्रीपाद भांबुरे

By Hemant Bawankar1 Comment

श्री अशोक श्रीपाद भांबुरे

(वरिष्ठ मराठी साहित्यकार श्री अशोक श्रीपाद भांबुरे जी का अपना  एक काव्य  संसार है । आप  मराठी एवं  हिन्दी दोनों भाषाओं की विभिन्न साहित्यिक विधाओं के सशक्त हस्ताक्षर हैं। आज साप्ताहिक स्तम्भ  –अशोक भांबुरे जी यांची कविता अभिव्यक्ती  शृंखला  की अगली  कड़ी में प्रस्तुत है एक समसामयिक एवं भावप्रवण कविता  “मनाचा ठाव”।)

☆ साप्ताहिक स्तम्भ – अशोक भांबुरे जी यांची कविता अभिव्यक्ती # 65 ☆

☆ मनाचा ठाव ☆

 

तुझ्यासारखाच छोटा, माझ्या डोळ्यांत सागर

माझे विश्व जर लोटा, तुझे विश्व हे घागर

तुझ्या घटातले पाणी, नाही कधीच अटत

डोळ्यांतील अश्रु सुद्धा, माझ्या नाही रे घटत

तुझ्या पोटातील मोती, त्यांना मोठीच किमंत

थोरा मोठ्यांच्या गळ्यात, त्यांना वाटते गंमत

मोती शिंपल्यात माझ्या, गळा आईच्या पडती

दुःख सांगती आईला, ढसाढसा ते रडती

तुझे नीर, माझे अश्रु, दोन्हीमध्ये खारे पाणी

किनारा नि ह्या पापण्या, होती ओल्या पून्हा दोन्ही

तुझ्या लाटांचे भूषण, तन भिजण्याची आशा

माझ्या डोळ्यांची आसवे, तेथे काळजाची भाषा

अश्रु आनंदाचे कधी, जाती आनंद देऊन

वाटते या मनाला की, आलो सागर पोहून

काल सागराच्या तळी, होती रत्नांचीच खाण

कर्म माणसांचे आहे, तेथे सापडते घाण

सहजच उतरून सागरातला, शोधलास तू गाव

कसा माणसा लागत नाही, तुझ्या मनाचा ठाव

 

© अशोक श्रीपाद भांबुरे

धनकवडी, पुणे ४११ ०४३.

[email protected]

मो. ८१८००४२५०६, ९८२२८८२०२८

≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈

Please share your Post !

Shares

मराठी साहित्य – कवितेचा उत्सव ☆ पाखरू ☆ श्रीशैल चौगुले

By Hemant BawankarNo Comments

☆ कवितेचा उत्सव ☆ पाखरू ☆ श्रीशैल चौगुले☆

 

पाखरांचा जीव भिरभिरतो

अजून रानोमाळी

कलमी फळा पिकात शोधीत

जुनीच माती काळी.

 

दगड नाही, कुसळ नाही

तरीही कोंडतो श्वास

रसायनात गुदमरलेली

गगनभरारी पंखा आस.

 

फुलात नसले मध तरीही

काळीज भृंगराचे भ्रमरे

कालवे-धरणे दुथडी भरुन

पाखरांच्या मनात, जुनीच

ओहोळ-झरे.

 

कसे-कोण जाणे, ऊंच-ऊंच

टोकावरती पाखरु बसले

वार्यावरती पंख हलेनात

हे तर टॉवर, पर्वत कसले.

 

आता पाखरु पावसाशिवाय रोजच भिजते, चिवचिवते

घरट्यासाठी वेड्यासारखी घिरट्या घालीत, बोन्सायभोवती

जुने मंदिर-वाडे, वड, पिंपळाच्या

पाऊलखुणा शोधीते.

 

© श्रीशैल चौगुले

९६७३०१२०९०

 ≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares

मराठी साहित्य – कवितेचा उत्सव ☆ साप्ताहिक स्तम्भ – हे शब्द अंतरीचे # 16 ☆ बावरे मन ☆ कवी राज शास्त्री

By Hemant BawankarNo Comments

कवी राज शास्त्री

(कवी राज शास्त्री जी (महंत कवी मुकुंदराज शास्त्री जी)  मराठी साहित्य की आलेख/निबंध एवं कविता विधा के सशक्त हस्ताक्षर हैं। मराठी साहित्य, संस्कृत शास्त्री एवं वास्तुशास्त्र में विधिवत शिक्षण प्राप्त करने के उपरांत आप महानुभाव पंथ से विधिवत सन्यास ग्रहण कर आध्यात्मिक एवं समाज सेवा में समर्पित हैं। विगत दिनों आपका मराठी काव्य संग्रह “हे शब्द अंतरीचे” प्रकाशित हुआ है। ई-अभिव्यक्ति इसी शीर्षक से आपकी रचनाओं का साप्ताहिक स्तम्भ आज से प्रारम्भ कर रहा है। आज प्रस्तुत है आपकी एक भावप्रवण अभंग  “बावरे मन”)

☆ साप्ताहिक स्तम्भ – हे शब्द अंतरीचे # 16 ☆ 

☆ अभंग… बावरे मन ☆

 

बावरे मन हो

भक्तीत गुंतेना

तेढा हा सुटेना, काहि केल्या…०१

 

अवखळ भारी

मनाची तयारी

घेतो हा भरारी, अकल्पित…०२

 

चांगले करेना

सत्य ही बोलेना

गाठ उकलेना, मनाची हो…०३

 

भजन करता

चिंतन करावे

स्मरण साधावे, सदोदित…०४

 

याच्या विपरीत

मनाचा विचार

झाला भूमीभार, सहजची…०५

 

कवी राज म्हणे

मन शुद्ध व्हावे

योग्य तेच द्यावे, इतरांना…०६

 

© कवी म.मुकुंदराज शास्त्री उपाख्य कवी राज शास्त्री.

श्री पंचकृष्ण आश्रम चिंचभुवन, वर्धा रोड नागपूर – 440005

मोबाईल ~9405403117, ~8390345500

≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈

Please share your Post !

Shares

मराठी साहित्य – कवितेचा उत्सव ☆ ध्यास गझलेचा ☆ सौ.मनिषा रायजादे पाटील

By Hemant Bawankar1 Comment

☆ कवितेचा उत्सव ☆ ध्यास गझलेचा ☆ सौ.मनिषा रायजादे पाटील ☆

 

लागला हृदयास माझ्या ध्यास गझलेचा

छंद हा शब्दांस आता खास गझलेचा

 

हाय मज बेचैन केले या खयालांनी

रातदिन होतोय नुसता भास गझलेचा

 

स्वप्न तू की सत्य आता ना कळे मजला

सारखा होतोय मज आभास गझलेचा

 

पाकळ्या गंधाळल्या गंधाळली पाने

अंतरी मग बहरला मधु मास गझलेचा

 

साहवेना हा दुरावा आपल्या मधला

वाटतो आता हवा  सहवास गझलेचा

 

धावुनी येशील  नक्की तू साद ऐकूनी

पाहिजे आधार या हातास गझलेचा

 

रंगुनी रंगात गेले मी तुझ्या आता

तूच झाला सर्वथा मम श्वास गझलेचा

 

© सौ. मनीषा रायजादे-पाटील

सांगली

9503334279

 ≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares

मराठी साहित्य – कवितेचा उत्सव ☆ भय संपावे इथले ☆ श्री शरद कुलकर्णी

By Hemant Bawankar2 Comments

☆ कवितेचा उत्सव ☆ भय संपावे इथले ☆ श्री शरद कुलकर्णी ☆ 

 

युद्ध म्हणावे का

हा शुद्ध गनिमी कावा.

थैमान भयावह होता,

संहार कसा थांबावा?

अद्भुत कसा हा वैरी,

अदृश्य नी मायावी.

आगळीच शस्त्रे ज्याची ,

लक्षवेधी आणि प्रभावी.

फाटता आकाश अवघे,

ठिगळ कसे लावावे.

काळीज विदीर्ण होता,

कसे किती सावरावे.

एवढीच प्रार्थना माझी,

अवघा भोग सरावा.

भय संपावे इथले आणिक,

थोडा संयमही वाढावा.

 

©  श्री शरद कुलकर्णी

२० .४ .२०२०

 ≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares

मराठी साहित्य – कवितेचा उत्सव ☆ वंचना ☆ सुश्री प्रज्ञा मिरासदार

By Hemant BawankarNo Comments

☆ कवितेचा उत्सव ☆ वंचना  ? ☆ सुश्री प्रज्ञा मिरासदार ☆ 

 

राही एकनिष्ठ तू नको करू प्रतारणा |

नको करूस वंचना ||धृ||

 

निसर्ग हा सभोवती देतो तुज भरभरूनी |

तूच घेसी दुष्टासम त्यास ओरबाडुनी |

मीच श्रेष्ठ निसर्गाहुन नको करूस वल्गना ||

करू नकोस वंचना ||१||

 

कोण तू कोण मी एक बिंदू या जगी |

अफाट या ब्रह्मांडी श्रेष्ठता ही वाऊगी |

मातीतील कण मी एक ठेव मनी भावना ||

करू नकोस वंचना ||२||

 

जलसंयोजन हा उभा प्रश्न मानवापुढे |

गांभीर्या समजुनिया लक्ष देई त्याकडे |

आगामी पिढ्यांपुढे ठेव स्पष्ट योजना ||

करू नकोस वंचना ||३||

 

कोपला जर निसर्ग टेकशील हात तू |

रक्षिण्या ही संपदा दे इतरा साथ तू |

दृढ करूनी संकल्पा पूर्ण करी साधना ||

करू नकोस वंचना ||४||

 

© सुश्री प्रज्ञा मिरासदार

 ≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈

Please share your Post !

Shares

मराठी साहित्य – साप्ताहिक स्तम्भ ☆ सुजित साहित्य # 55 – आड पडदा… ☆ सुजित शिवाजी कदम

By Hemant BawankarNo Comments

सुजित शिवाजी कदम

☆ साप्ताहिक स्तंभ – सुजित साहित्य #55 ☆ 

☆ आड पडदा… ☆ 

 

त्या दिवशी तुला पावसात

भिजताना पाहीलं.. अन्

वाटलं…

माझ जसं

पावसाशी नातं आहे

तसंच तुझ आणि पावसाच

आहे की काय….

पण आज तुला

पावसात छत्री घेऊन

येताना पाहीलं

तेव्हा खात्री झाली…

माझ्यासारख तुझ पावसाशी

काहीच नातं नाही

कारण….

त्याच्यात आणि माझ्यात

कधी

कोणता आड पडदाच

येत नाही…!

 

© सुजित शिवाजी कदम

पुणे, महाराष्ट्र

मो.७२७६२८२६२६

Please share your Post !

Shares
image_print