Category: कवितेचा उत्सव 2

 कवितेचा उत्सव 

☆ पंचमी ☆  आनंदराव (नंदकुमार) रघुनाथ जाधव ☆

सख्या सयांनो चला ग

सख्या सयांनो चला ग

पंचमीच्या सणाला

झीम्मा फुगडी खेळायला

हातात बिलवर पाटल्या ग

लेकी सुना नटल्या ग

कपाळी कुंकू सजल ग

पायात पैंजण वाजलं ग

झन झन टाळ्या वाजल्या ग

सख्या सया जमल्या ग

जरतारी शालू नेसुया

ऊंच झोका चढवूया

दण दण फुगडी फिरवुया

घम घम घागर घुमवूया

फेर धरून गावुया

गर गर गिरक्या घेऊया

तालात सुरात गावुया

देवाच दर्शन घेऊया

सख्या सयांनो चला ग

सख्या सयांनो चला ग

आई बापाची माया आठवूया

माहेरची थोरवी गाऊया

बहीण भावाची सय आली ग

जिवाची घालमेल झाली ग

माहेरचा सांगावा आला ग

आनंदी आनंद झाला ग

नाकत नथ बाई सोन्याचा

पती देव माझा गुणाचा

पतीच गुणगान गावुया

संसारी सुखान नांदुया

गळ्यात गंठण सजवुया

देव्हारा फुलान भरवुया

अंगणी रांगोळी रंगवूया

दारी तोरणं लावूया

श्रावण महिना मोठा ग

सनाला नाही तोटा ग

सख्या सयांनो चला ग

सख्या सयांनो चला ग

© श्री आनंदराव (नंदकुमार) रघुनाथ जाधव

सांगली ८८३०२००३८९

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री हरिश्चंद्र कोठावदे

 कवितेचा उत्सव 

☆ सखये, तुझ्या जलाने… ☆ श्री हरिश्चंद्र कोठावदे ☆ 

(वृत्त : अनलज्वाला) – (मात्रा :८+८+८)

सखये तुझ्या जलाने माझी तृषा शमेना

विस्तारल्या रणाला छाया तुझी पुरेना !

वाटेत यात्रिकाच्या किति मंदिरे नी देव

भक्तीस एकनिष्ठा जपणे इथे जमेना !..

रणरण रणास भिडती हिमगार मोहवारे

प्राणातला निखारा प्राणास सोसवेना !..

एक पाश मोकळा नि आलिंगनी दुजाच्या

ती मुक्तीची पहाट उगवे कधी कळेना !….

का व्यथा बोलती या भलतीच आज बोली

दिग्घोष हुंदक्यांचा का मौन ते कळेना !….

उत्स्फूर्त जाण सखये अज्ञातवास माझा

सिंहासनास आले वैराग्य का कळेना !..

पतनास साक्ष माझ्या उत्थान खुद्द माझे

मरणावरी स्वतःच्या कैसे रडू कळेना !..

© श्री हरिश्चंद्र कोठावदे

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

 कवितेचा उत्सव 

☆ 💦 पावसाचे स्वरविश्व ☆ सौ. शुभदा भा. कुलकर्णी (विभावरी) ☆

 कडाडले मेघ नभी..

 आला काळोख दाटून…

 बिजली ही नृत्य करी..

आसमंत झळाळून…।

थेंब थेंब पर्जन्याचा..

हळूच उलगडला…

पावसाच्या लडीतून..

धुवाधार कोसळला…|

मेघ आळवी मल्हार..

वारा वाजवी पिपाणी…

पर्जन्य स्वर कानात..

अन् पावसाची गाणी…|

 एक चिंब स्वरविश्व ..

उभं केलं पावसानं…

 छान लागलासे सूर..

 हरपले सारे भान…|

 मैफिलीला चढे रंग..

डोले भवताल सारा…

 मनमोर अंतरीचा..

 फुलवी सुखे पिसारा…|

💦🌨️.

©  शुभदा भा.कुलकर्णी (विभावरी)

कोथरूड-पुणे.३८.

   मो.९५९५५५७९०८ 

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

सौ .कल्पना कुंभार

 कवितेचा उत्सव 

☆ आयुष्य सुटत चाललय… ☆ सौ .कल्पना कुंभार ☆

आयुष्य हातातून सुटत चाललय

काहीतरी निसटतय

पण काय ??

तेच समजत नाही..

दुरावत चाललेत नाती

अन् पुसट  होतायेत

संस्काराच्या रीतिभाती..

टू बी एच के च्या जंगलात

अंगण हरवत चाललय

आजीआजोबा कधीच गेलेत वृद्धाश्रमात

आता मूल ही अकॅडमी ला जुंपलय..

आईपण हरवलय किटी पार्टीत

अन् बाबा अडकलेत ऑफिसमध्ये

आईबाबा असूनही पोरक पोर मात्र

शोधतोय जिव्हाळा मोबाईल मध्ये..

आयुष्य हातातून सुटत चाललय

खूप काही निसटत चाललय..

सांजवेळी  दिव्यापुढची

शुभं करोति विरून गेलीय

दिवाळीच्या अभ्यगस्नानाची

वेळ आता टळून गेलीय..

लाखो रुपयांच्या घरात आता

प्राण्यांसाठी स्पेशल रूम आहे

शो पीस ची सुंदर थीम आहे

घरातले असतात दिवसभर बाहेर

घरसुध्दा  आता बैचेन आहे..

आयुष्य हातातून सुटत चाललय

काहीतरी निसटत चाललय..

फसव्या फ्रेंडशिप साठी

खरं मैत्र दुरावत चाललय ..

हसणे हरवण्याआधी

माणसे दुरावण्याआधी

श्वास थांबण्या आधी

बघा पकडता आली तर

आपूलकीची नाती..

अश्रू पुसण्यासाठी

तुमच्याजवळ असणारे हात..

वेळ निघून गेल्यावर

आलाप करण्याला

 काय अर्थ??..

 मनकल्प 

© सौ .कल्पना कुंभार

इचलकरंजी

मोबाईल : 9822038378

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

श्री रवींद्र सोनावणी

 कवितेचा उत्सव 

☆ रुसले ऋतू… ☆ श्री रवींद्र सोनावणी ☆ 

उठ मानवा उठ तुझ्यावर रुसून बसला ऋतू

पहा आठवून अशी कोणती केलीस आगळीक तू

कळ्या फुलांची मधुर फळांची केली तुजवर वर्षा

दंडित मंडित केलीस सृष्टी काय तुझी ही तृषा

इर्षा होती तुझ्या मनासी

सृष्टीला या करू गुलाम

गगनाला ही लगाम घालू

करतील तारे तुला सलाम

का नियतीला दावितोस तू विज्ञानाचा ताठा

तव गर्वाने विराण झाल्या हिरव्या पाऊल वाटा

गर्जतील ना मेघ नभातून

नृत्य ना करतील मोर वनातून

शेतमळे ना पिकतील आता

उतरलास तू सृष्टीच्या मनातून

झटपट श्रीमंती सुखसोयी म्हणजे नोहे खरा विकास

हव्यासाच्या पाईच तुझिया वसुंधरा जाहली भकास

जे देवाने दिले भरभरून त्याचा नीट करी सांभाळ

विनम्र हो तू नियती पुढती सौख्याचा होईल सुकाळ

सगळे काही मानवनिर्मित

दे सोडून ही दर्पोक्ती

या गगनातून आनंदाचे मेघ बरसतील तुज वरती

© श्री रवींद्र सोनावणी

निवास :  G03, भूमिक दर्शन, गणेश मंदिर रोड, उमिया काॅम्पलेक्स, टिटवाळा पूर्व – ४२१६०५

मो. क्र.८८५०४६२९९३

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈