मराठी साहित्य – कवितेचा उत्सव ☆ पावसाचे स्वरविश्व ☆ सौ. शुभदा भा. कुलकर्णी (विभावरी) ☆

 कवितेचा उत्सव 

☆ 💦 पावसाचे स्वरविश्व ☆ सौ. शुभदा भा. कुलकर्णी (विभावरी) ☆

 कडाडले मेघ नभी..

 आला काळोख दाटून…

 बिजली ही नृत्य करी..

आसमंत झळाळून…।

थेंब थेंब पर्जन्याचा..

हळूच उलगडला…

पावसाच्या लडीतून..

धुवाधार कोसळला…|

मेघ आळवी मल्हार..

वारा वाजवी पिपाणी…

पर्जन्य स्वर कानात..

अन् पावसाची गाणी…|

 एक चिंब स्वरविश्व ..

उभं केलं पावसानं…

 छान लागलासे सूर..

 हरपले सारे भान…|

 मैफिलीला चढे रंग..

डोले भवताल सारा…

 मनमोर अंतरीचा..

 फुलवी सुखे पिसारा…|

💦🌨️.

©  शुभदा भा.कुलकर्णी (विभावरी)

कोथरूड-पुणे.३८.

   मो.९५९५५५७९०८ 

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈