☆ आला श्रावण श्रावण / वेध माहेराचे… ☆ श्री प्रमोद वामन वर्तक ☆
☆
☆ आला श्रावण श्रा व ण ! ☆
☆
आला श्रावण श्रावण
सर पडे पावसाची
वस्त्र ल्याली अंगभर
मही हिरव्या रंगाची
*
आला श्रावण श्रावण
ऊन पावसाचा खेळ
पडे गळ्यात नभाच्या
कधी इंद्रधनूची माळ
*
आला श्रावण श्रावण
नद्या नाले ओसंडले
उंच उंच डोंगर दरीत
मग प्रपात गाते झाले
*
आला श्रावण श्रावण
सारे चराचर आनंदले
कंबर कसून कासकर
शेती कामाला लागले
*
आला श्रावण श्रावण
डोळे सयीत पाणावले
नव्या नवरीच्या मनी
वेध माहेराचे लागले
वेध माहेराचे लागले ….
☆
वरील “श्रावण !” कवितेतल्या शेवटच्या कडव्यात म्हटल्याप्रमाणे, नव्या नवरीला श्रावणात माहेरी जाण्याचे लागलेले वेध कसे असतील, ते सांगायचा प्रयत्न पुढील कवितेत !
अशोक भांबुरे जी यांची कविता अभिव्यक्ती # 253 
सुदाम्या भाग्यवान आपण… ☆ श्री आशिष बिवलकर ☆
