सुश्री प्रभा सोनवणे
कवितेच्या प्रदेशात # 270
☆ वसंत… ☆ सुश्री प्रभा सोनवणे ☆
(वसंतोत्सव काव्याचा)
☆
ऋतूराज येता सजे सोहळा
उन्हाच्या जरी भोवती रे झळा
बहावा असा पीतवर्णी झुले
अहाहा किती सानुली ही फुले …
*
जरी लाल पांगार वाटे नवा
जुना तोच तेथे असे गारवा
कसा रोज कोकीळ गातो तिथे
दिसे आमराई सुहानी जिथे
*
वसंतात चौफेर रंगावली
फुलाच्यांच आहेत साऱ्या झुली
सुखासीन सारी मुलेमाणसे
जमीनीत आता सुखाचे ठसे
*
कशी साठवू आज डोळ्यात मी
निळ्या ,लाल रंगातली मौसमी
सुगंधात न्हाते ,फुले मोगरा
जणू जीव झाला बसंती-धरा !
☆
© प्रभा सोनवणे
संपर्क – “सोनवणे हाऊस”, ३४८ सोमवार
पेठ, पंधरा ऑगस्ट चौक, विश्वेश्वर बँकेसमोर, पुणे 411011
मोबाईल-९२७०७२९५०३, email- [email protected]
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
