श्रीमती रंजना मधुकरराव लसणे
कवितेचा उत्सव
☆ रंजना जी यांचे साहित्य # 120 – बाळ गीत – अंगत पंगत ☆
अंगत पंगत छान छान
झाडाखाली वाढले पान ।। धृ।।
वारा आलाय गार गार ।
जेवणाची ती रंगत फार।
गप्पागोष्टी धमाल छान ।।१।।
पिठले भाकरी गरम-गरम ।
दशमी पोळी नरम-गरम ।
घट्ट दह्याची रंगत छान ।।२।।
आंबट वरण लज्जतदार ।
लोणचे चटणी चटकदार ।
पुलाव पाहून भरले मन।।३।।
पापड भजी कुरुम कुरुम
साजूक तुप साखर वरून।
कोशिंबीर ने सजले पान।।४।।
गप्पागोष्टी केल्या खूप ।
ताईने मधून आणले सूप।
वरून सोडली मलाई छान।।५।।
जेवणासोबत खेळले खेळ ।
कळेना कसा गेला वेळ ।
पोटा सोबत भरले मन ।६।।
© रंजना मधुकर लसणे
आखाडा बाळापूर, जिल्हा हिंगोली
9960128105
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
