श्रीमती उज्ज्वला केळकर
वाचताना वेचलेले
☆ अप्रूप पाखरे – 21 – रवींद्रनाथ टैगोर ☆ प्रस्तुति – श्रीमती उज्ज्वला केळकर ☆
[१०१]
कभिन्न ढगांमधून
साकळलेल्या
विक्राळ अंधकाराचे
प्रकाशाच्या ओठांनी
चुंबन घेतले
आणि
ढगांची फुलं झाली
स्वर्गीय रंगांनी
ओसंडणारी
[१०२]
अमर्याद सत्तेच्या मातीत
असत्याचं रोप वाढवलं
म्हणून काही त्याला
सत्याचं फळ नाही येत …..
[१०३]
तलवारीच्या पात्यानं
आपल्याचा मुठीला
बोथट म्हणून चिडवावं?
[१०४]
जीवनाच्या
या प्रकाशमय बेटाभोवती
चारी बाजूंनी
उसळत आहे अहोरात्र
मृत्यूचे दर्यागीत
अखंड…. अनंत ….
मूळ रचना – स्व. रविंद्रनाथ टैगोर
मराठी अनुवाद – रेणू देशपांडे (माधुरी द्रवीड)
प्रस्तुति – श्रीमती उज्ज्वला केळकर
176/2 ‘गायत्री’, प्लॉट नं 12, वसंत साखर कामगार भवन जवळ, सांगली 416416 मो.- 9403310170
≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
