सुश्री प्रभा सोनवणे
साप्ताहिक स्तम्भ – कवितेच्या प्रदेशात # 117
☆ गज़ल☆
वज्र वा पाषाण आहे तो
अर्जुनाचा बाण आहे तो
जाणले होते कधी काळी
झेप वा उड्डाण आहे तो
झेलले आरोप मी येथे
का बरे हैराण आहे तो
मोह माया लोभ ही नाही
रे गुणाची खाण आहे तो
मी कशाला ठेवले हृदयी ?
या कुडीचा प्राण आहे तो
हा लढा आहे कशासाठी?
मांडलेले ठाण आहे तो
ताटवे फुललेत दाराशी
का असा वैराण आहे तो
© प्रभा सोनवणे
(१७ जानेवारी २०२२)
“सोनवणे हाऊस”, ३४८ सोमवार पेठ, पंधरा ऑगस्ट चौक, विश्वेश्वर बँकेसमोर, पुणे 411011
मोबाईल-९२७०७२९५०३, email- [email protected]
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈