मराठी साहित्य – वाचताना वेचलेले ☆ श्रावणमास… कवी : संदीप मणेरीकर ☆ प्रस्तुती सौ. शुभदा भा. कुलकर्णी (विभावरी) ☆

 वाचताना वेचलेले 

श्रावणमास… कवी : संदीप मणेरीकर ☆ प्रस्तुती सौ. शुभदा भा. कुलकर्णी (विभावरी)  ☆

जरा जरासा अवखळ अवखळ 

हवाहवासा मंगल सोज्वळ 

लाजरा बुजरा हिरवा साजण 

दारी आला श्रावण श्रावण //१//

जरा जरासा हिरवा हिरवा 

अंगावरती शालू  कोवळा 

ठुमकत मुरकत मंगल पावन 

दारी आला श्रावण श्रावण //2//

फुलाफुलांनी नटुनी सजुनी 

रेशीम धारा भिजुनी किरणी

इंद्रधनूचे बांधून तोरण 

दारी आला श्रावण श्रावण //3//

सणवारांचे  अवीट भोजन 

पावित्र्याचे  सुंदर योजन 

मांगल्याचे करी आवाहन 

दारी आला श्रावण श्रावण //४//

अवखळ नटखट हवाहवासा

चंचल तजेला नवानवासा 

अल्लड निरागस पांघरून 

दारी आला श्रावण श्रावण //५//

कवी : संदीप मणेरीकर 

प्रस्तुती :  शुभदा भा.कुलकर्णी (विभावरी)

कोथरूड-पुणे

मो.९५९५५५७९०८

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈