श्री तुकाराम दादा पाटील
कवितेचा उत्सव
☆ बंध… ☆ प्रा तुकाराम दादा पाटील ☆
☆
खेकड्याचे ध्यान आहे माणसाचे
चालणारे पाय मागे ओढण्याचे
*
बांधलेला पायगुंता सोडला की
गाढवाला वेड गो-या फुंकण्याचे
*
कावळ्याला रंग आहे कोकिळाचा
ज्ञान नाही उंच ताना मारण्याचे
*
हासुनीया पाहणारा देव होता
कर्मठानी लाड केले सोवळ्याचे
*
ध्येय ठेवा युद्ध अंती जिंकण्याचे
माणसाला श्रेय मिळते साधनेचे
*
वाचनाने वाचवावे जिंदगीला
वर्तनाला बंध बांधा भावनांचे
*
राबण्याला फार मोठे सत्व आहे
शुद्ध सोने होत जाते जीवनाचे
*
व्हा भल्याना सावराया शूर योद्धे
पाय तोडा दहशतीच्या गारध्यांचे
☆
© प्रा. तुकाराम दादा पाटील
मुळचा पत्ता – मु.पो. भोसे ता.मिरज जि.सांगली
सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३
दुरध्वनी – ९०७५६३४८२४, ९८२२०१८५२६
≈ संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈
