श्रीमती अनुराधा फाटक
कवितेचा उत्सव
☆ मंदिर … ☆ श्रीमती अनुराधा फाटक ☆
गणरायाच्या आगमनाने
घर बनले एक मंदिर
अंगणी रांगोळ्या रेखून
स्वागता उत्सुक आतुर !
बालचमूंच्या हाती टाळ
घंटांचे नाद किणकिणती
नातीसवेआजोबा बसती
बांधत दुर्वांकुंरांच्या जुडी !
स्वयंपाकघरात आजीची
गडबड पंचखाद्य करण्याची
आईची सुरु असते तयारी
तयारी उकडीच्या मोदकाची !
लहानथोर अवघेच असती
आपल्या आपल्या कामात
प्रत्येकाच्या मुखावर दिसतो
गणरायाच्या येण्याचा आनंद !
© श्रीमती अनुराधा फाटक
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
