सुश्री प्रेमा माधव कुलकर्णी
वाचताना वेचलेले
☆ गीतांजली भावार्थ …भाग 12 ☆ प्रस्तुति – सुश्री प्रेमा माधव कुलकर्णी ☆
[१९]
जर तू अबोला धरलास,
तर तूझे मूकपण मनात साठवून,
तेच मी सोसत राहीन, गप्प बसेन,
तारकांप्रमाणे सतत पहारा करेन
आणि सहनशीलपणे
नतमस्तक होणाऱ्या निशेप्रमाणे स्तब्ध राहीन
निश्चितच पुन्हा उजाडेल,
अंधार नाहीसा होईल,
आकाशातून वाहणाऱ्या सोनेरी किरणांतून
तुझी साद ऐकू येईल
तुझ्या गीतांचे शब्द
माझ्या घरट्यातील पक्ष्यांच्या पंखावर
झुलू लागतील
आणि माझ्या रानफुलाबरोबरच
तुझ्या गीतांची धून उमलत राहील.
मराठी अनुवाद – गीतांजली (भावार्थ) – माधव नारायण कुलकर्णी
मूळ रचना– महाकवी मा. रवींद्रनाथ टागोर
प्रस्तुती– प्रेमा माधव कुलकर्णी
कोल्हापूर
7387678883
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
