मराठी साहित्य – कवितेचा उत्सव ☆ सुजित साहित्य #118 – क्षणिका ☆ श्री सुजित कदम ☆

By Hemant BawankarNo Comments

श्री सुजित कदम

? कवितेचा उत्सव ?

☆ सुजित साहित्य # 118 – क्षणिका ☆

?

☆☆ विठ्ठल – पांडुरंग ☆☆

कुणी विठ्ठल म्हणा

कुणी म्हणा पांडुरंग ..

माझ्या सावळ्या हरीला

शोभे सावळाच रंग..!

?

☆☆ आई.. ☆☆

आई.., इतके लिहावे वाटते तुझ्यावर

की देवाचाही जीव व्हावा खालीवर…!

?

☆☆ पाखरांचे घर ☆☆

केवढे हे ऊन आहे तापलेले

साउली चे झाड आहे तोडलेले…!

पाडले हे घर कुणी रे पाखरांचे

केवढे हे पाप माथी लागलेले…!

☆☆☆☆

© सुजित कदम

संपर्क – 117, विठ्ठलवाडी जकात नाका, सिंहगढ़   रोड,पुणे 30

मो. 7276282626

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – चित्रकाव्य ☆ – मूक संवाद – ☆ सुश्री उषा जनार्दन ढगे ☆

By Hemant BawankarNo Comments

सुश्री उषा जनार्दन ढगे

?️?  चित्रकाव्य  ?️?

 ? – मूक संवाद –  ? ☆ सुश्री उषा जनार्दन ढगे ☆

☆

चालता चालता श्वास घेण्यासी

विनीत थांबले होते जराशी

उमजले माझीच मी मला

त्या धुंद मुग्ध वळणापाशी…

☆

सरसावता पुढे काळ थबकला

नकळत अलगद तो हात सुटला

कहर करूनी नभी घन गरजला

आठवणींनी ऊर भरूनी आला…

☆

चिंब आठवणींत बिंबही हलले

प्रतिरुप वलये भिजूनी गेले

अलवार स्पर्शस्मृतींत तन रोमांचले

मूक संवादे सीमित हितगुज केले..!

☆

चित्र साभार – सुश्री उषा जनार्दन ढगे 

© सुश्री उषा जनार्दन ढगे

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ ऐनवेळी… ☆ श्री तुकाराम दादा पाटील ☆

By Hemant BawankarNo Comments

श्री तुकाराम दादा पाटील

? कवितेचा उत्सव ?

☆ ऐनवेळी… ☆ श्री तुकाराम दादा पाटील … ☆ 

मज याद बोचणारी येतेच ऐनवेळी

होतो पुढे खुलासा भलताच ऐनवेळी

 

मंजूर सर्व केले रुसवा कशास आता

मारू नकोस बाई मुरकाच ऐनवेळी

 

मोठ्या दिलेर बाता मारून खूप झाल्या

झाला आवाज त्यांचा फुसकाच ऐनवेळी

 

देवा पुढे पुजारी करतोच ढोंग सारे

 भाळावरी टिळा का दिसतोच ऐनवेळी

 

या बोल घेवड्यांच्या शपथा हवेत गेल्या

आवाज गर्जनांचा नुसताच ऐनवेळी

 

विश्वास काय आहे ठाऊक ज्यास नाही

घ्यावी खुशाल त्याची फिरकीच ऐनवेळी

 

नाचून बैठकीला रंगेल खूप केले

गिरकी अचूक नाही जमलीच ऐनवेळी

 

अपमान झेलताना हसतो खुशाल ढोंगी

 सोडून लाज घेतो डुलकीच ऐनवेळी

 

या राजकारण्यांनी केली धमाल आहे

झालीय चाल त्यांची दुडकीच ऐनवेळी

 

झाल्यात पेरण्या पण आहे जरूर आता

पाऊस ठार वेडा रुसलाच  ऐनवेळी

© श्री तुकाराम दादा पाटील

मुळचा पत्ता  –  मु.पो. भोसे  ता.मिरज  जि.सांगली

सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३

दुरध्वनी – ९०७५६३४८२४, ९८२२०१८५२६

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – मराठी कविता ☆ कवितेच्या प्रदेशात # 142 ☆ प्रयाण ☆ सुश्री प्रभा सोनवणे ☆

By Hemant BawankarNo Comments

सुश्री प्रभा सोनवणे

? कवितेच्या प्रदेशात # 142 ?

☆ प्रयाण… ☆ सुश्री प्रभा सोनवणे ☆

(जुन्या डायरीतून…१ जानेवारी १९९७)

ती एकटीच निघाली आहे

दूरच्या प्रवासाला

रिक्त हाताने—

मुक्तपणे–फकिरीवृत्तीने

ती तोडू पहाते आहे–

तिच्या आयुष्याला जखडणारे

साखळदंड!

 

भीती एकच–

ती जिथे चालली आहे

तिथे असेल का माणसांचेच जंगल?

इथल्या सारखे तिथेही भेटतील का?

काही कनवाळू अन्

प्रेमळ पक्षी!

भव्य पिंपळवृक्ष आणि आधारवडही —

की अधून मधून इथे आढळणा-या लांडग्या,कोल्ह्यांचे आणि साप विंचवांचेच

असेल त्या जगात वास्तव्य??

 

निरीच्छपणे,एकाकी वाटेने जाताना

साखळदंडाच्या ओझ्यापेक्षाही

जंगलातल्या संभाव्य धोक्याचीच भीती—

गिळून टाकते अवसान,

समर्थपणे जगण्याचे!

© प्रभा सोनवणे

संपर्क – “सोनवणे हाऊस”, ३४८ सोमवार पेठ, पंधरा ऑगस्ट चौक, विश्वेश्वर बँकेसमोर, पुणे 411011

मोबाईल-९२७०७२९५०३,  email- [email protected]

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ संसार दोघांचा… ☆ डॉ.सोनिया कस्तुरे ☆

By Hemant Bawankar1 Comment

डॉ.सोनिया कस्तुरे

? कवितेचा उत्सव ?

☆ संसार दोघांचा… ☆ डॉ.सोनिया कस्तुरे ☆

तू म्हणतोस संसार दोघांचा,

मग दोघ मिळून करु या ना..!

 

तू चूल पेटवं , मी भाकरी  करते,

तू भाजी चीर, मी फोडणी देते,

मी कपडे धुते, तू वाळत टाक;

तू म्हणतोस संसार दोघांचा

मग दोघं मिळून करु या ना..!

 

भातुकलीत मी स्वयंपाक केला, 

आता ही मीच सगळं करते ;

झोपडीत तर मी खूप राबते,

महालात ही मीच..!

तू म्हणतोस घर दोघांचं,

घर काम ही मिळून करु या ना,

तू म्हणतोस संसार दोघांचा

मग दोघ मिळून करु या ना..!

 

मी आई हे “सत्य” ,

तू बाप हा “विश्वास” 

मी जन्म देणं निसर्ग नियम,

तू संगोपनाला हातभार लाव ना,

सत्य आणि विश्वासाने

मिळून मुलांना घडवूया ना..

तू म्हणतोस संसार दोघांचा

मग दोघ मिळून करु या ना..!

 

तुझ्या सुखदुःखाची मी सोबती

घराच घरपण मी, म्हणतोस,

मी थोडी “बाप” होते

तू थोडा “आई” हो…

मी तुझी आर्धांगिनी

तू माझं अर्धांग हो ना..

तू म्हणतोस संसार दोघांचा

मग दोघं मिळून करु या ना..!

© डॉ.सोनिया कस्तुरे

27/09/2019

विश्रामबाग, जि. सांगली

भ्रमणध्वनी:- 9326818354

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ श्री अशोक भांबुरे जी यांची कविता अभिव्यक्ती #147 ☆ स्वाद त्याचा… ☆ श्री अशोक श्रीपाद भांबुरे ☆

By Hemant BawankarNo Comments

श्री अशोक श्रीपाद भांबुरे

? अशोक भांबुरे जी यांची कविता अभिव्यक्ती # 147 ?

☆ स्वाद त्याचा… ☆

मी सुदाम्या गुंतलो पोह्यात आहे

स्वाद त्याचा आजही स्मरणात आहे

 

मार्ग मैत्रीचा बदलणे शक्य नाही

ती अजुनही वाहते धमन्यात आहे

 

मैत्रि म्हणजे जीवनाचा मंत्र मित्रा

फक्त इतके ठेवले ध्यानात आहे

 

संकटी धावून येतो मित्र माझ्या

म्हणुन त्याचे नाव ह्या ओठात आहे

 

भेद काही आजही आहेत कायम

अन् तरीही प्रेम हे दोघात आहे

 

कैक दशके लोटली आहे तरी ही

तीच मैत्री आजही बहरात आहे

 

तीच विट्टी तोच दांडू त्याच गोट्या

पाहतो सारे तुझ्या डोळ्यात आहे

© अशोक श्रीपाद भांबुरे

धनकवडी, पुणे ४११ ०४३.

[email protected]

मो. ८१८००४२५०६, ९८२२८८२०२८

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – वाचताना वेचलेले ☆ सदगुरु ही एकच व्यक्ती नसते, नसावी— बा. भ. बोरकर ☆ प्रस्तुती – सुश्री मंजुषा सुनीत मुळे ☆

By Hemant BawankarNo Comments

सुश्री मंजुषा सुनीत मुळे

?  वाचताना वेचलेले ? 

☆ सदगुरु ही एकच व्यक्ती नसते, नसावी— बा. भ. बोरकर ☆ प्रस्तुती – सुश्री मंजुषा सुनीत मुळे☆

सद्गुरू ही एकच  व्यक्ती नसते ; नसावी ! गुरु केवळ मानवस्वरुपातच असतो असेही नाही ! सारी सद्गुणी माणसे आपल्यासाठी गुरुवत् असतात . कधी एखादे पुस्तक , एखादे मूल्य , एखादे तत्व , एखादा अनुभव आपल्याला बरेच काही शिकवीत असतो . एखाद्याला गुरुपण दिले तरी ते डोळस असावे ! असा प्रवास करत जाता आपण पोहोचतो विवेकापर्यंत ! म्हणूनच बोरकर आठवतात ! 

देखणे ते चेहरे 

जे प्रांजळाचे आरसे

गोरटे वा सावळे 

या मोल नाही फारसे !

तेच डोळे देखणे 

जे कोंडिती सार्‍या नभा

वोळती दुःखे जगाच्या 

सांडिती चंद्रप्रभा !

देखणे ते ओठ जे 

की ओविती मुक्ताफळे

आणि ज्यांच्या लाघवाने 

सत्य होते कोवळे !

देखणे ते हात 

ज्यांना निर्मितीचे डोहळे

मंगलाने गंधलेले 

सुंदराचे सोहळे !

देखणी ती पाऊले 

जी ध्यासपंथे चालती

वाळवंटातून सुध्दा 

स्वस्तिपद्मे रेखिती !

देखणे ते स्कंध ज्या ये 

सूळ नेता स्वेच्छया

लाभला आदेश प्राणी 

निश्चये पाळावया !

देखणी ती जीवने 

जी तृप्तीची तीर्थोदके

चांदणे ज्यातून फाके 

शुभ्र पार्‍यासारखे !

देखणा देहान्त तो 

जो सागरी सूर्यास्तसा

अग्निचा पेरून जातो 

रात्रगर्भी वारसा !!!

~ बा. भ. बोरकर

संग्राहिका : मंजुषा सुनीत मुळे

९८२२८४६७६२

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ भास की आभास तुझा… ☆ सौ. कल्पना मंगेश कुंभार ☆

By Hemant BawankarNo Comments

सौ. कल्पना मंगेश कुंभार

? कवितेचा उत्सव ?

☆ भास की आभास तुझा… ☆ सौ. कल्पना मंगेश कुंभार ☆

गंधाळलेले श्वास

आसपास तुझेच भास

बेधुंद बरसणारा पाऊस

अन् दरवळणारा मातीचा वास..

 

पाऊस सुरू झाला

की दरवर्षी असं होत

तू नसतोस कुठेही

तरीही चराचर तुझंच होत ..

 

चिंब भिजलेल्या क्षणांना

मग पाझर फुटतो

डोळ्यात थोपवलेला पाऊस मात्र

पापण्यातच गोठतो ..

 

ओठावर झरू लागते

आर्त विराणी

पाऊसही गाऊ लागतो

गजल पुराणी..

 

पुन्हा भारावते मन

शोधू लागते तुला

शब्दांच्या ही पलीकडे जाऊन

कवितेत गुंफते तुला..

 

अव्यक्त भाषा थेंबांनी

मग पाऊसच बोलू पहातो

तुझ्या माझ्या विरहाचे

आर्त स्वर छेडू पहातो..

 

तरीही श्वास चालूच रहातो

तुझ्याविना जगू पहातो

दूर दूर क्षितिजापल्याड

एक तारा हळूच निखळतो..

 

© सौ. कल्पना मंगेश कुंभार

शाळा : हुतात्मा बाबू गेनू विद्यामंदिर क्र 28, इचलकरंजी

मोबाईल : 9822038378

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ हे शब्द अंतरीचे # 89 ☆ प्रीत तुझी माझी… ☆ महंत कवी राज शास्त्री ☆

By Hemant BawankarNo Comments

महंत कवी राज शास्त्री

?  हे शब्द अंतरीचे # 89 ? 

☆ प्रीत तुझी माझी.… ☆

(सहा-अक्षरी रचना…)

प्रीत तुझी माझी

सहज खुलावी

आपल्या प्रीतीला

दृष्ट न लागावी…

 

प्रीत तुझी माझी

बोलकी असावी

मनाची भावना

मनाने जानावी…

 

प्रीत तुझी माझी

बंध घट्ट व्हावे

गुज मनातले

तुजला कळावे…

 

प्रीत तुझी माझी

केवडा सुगंधी

निर्मळ सोज्वळ

शुद्ध ही उपाधी…

 

प्रीत तुझी माझी

मोगरा फुलला

ये मिठीत सखे

संध्या समयाला…

 

प्रीत तुझी माझी

राज हे मनीचे

मागणे मागतो

दान दे प्रेमाचे…

© कवी म.मुकुंदराज शास्त्री उपाख्य कवी राज शास्त्री

श्री पंचकृष्ण आश्रम चिंचभुवन, वर्धा रोड नागपूर – 440005

मोबाईल ~9405403117, ~8390345500

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – वाचताना वेचलेले ☆ गीतांजली भावार्थ … भाग 20 ☆ प्रस्तुति – सुश्री प्रेमा माधव कुलकर्णी ☆

By Hemant BawankarNo Comments

सुश्री प्रेमा माधव कुलकर्णी

? वाचताना वेचलेले ?

☆ गीतांजली भावार्थ …भाग 20 ☆ प्रस्तुति – सुश्री प्रेमा माधव कुलकर्णी ☆

२७.

प्रकाश? अरे, कुठं आहे प्रकाश?

सतत चेतलेल्या इच्छेच्या अग्नीने तो फुल्ल!

 

दीप आहे, पण थरथरणारी ज्योत नाही,

हे ह्रदयस्था! हे माझे दैव आहे!

तुझा दुरावा मरणप्राय वाटतो!

 

दु:ख तुझ्या दाराशी क्वचित येतं

 

त्याचा संदेश आहे, तुझा स्वामी जागा आहे.

रात्रीच्या अंधारातून

तो तुला प्रेमसंकेत देतो आहे.

 

आभाळ भरून आलंय,

पाऊस संततधार कोसळतोय.

 

माझ्या अंत: करणात कसली कालवाकालव होते

त्याचा अर्थ उमगत नाही.

 

क्षणात चमकून जाणारी वीज

माझ्या नजरेला अंधारी आणते.

रात्र- संगीताकडे नेणारा मार्ग

माझं काळीज शोधू लागतं.

 

कुठाय प्रकाश?

ज्वलंत इच्छेच्या ज्योतीनं तो चेतव.

विजांचा लखलखाट होतोय.

आकाशाच्या पोकळीतून सुसाट वारा वाहतोय.

काळ्या दगडासारखी रात्र काळीकुट्ट आहे,

अंधारातच सारी रात्र जायला नको.

 

प्रेमाचा दीप आयुष्य उजळू दे.

 

मराठी अनुवाद – गीतांजली (भावार्थ) – माधव नारायण कुलकर्णी

मूळ रचना– महाकवी मा. रवींद्रनाथ टागोर

 

प्रस्तुती– प्रेमा माधव कुलकर्णी

कोल्हापूर

7387678883

[email protected]

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares