मराठी साहित्य – कवितेचा उत्सव ☆ काही कविता… ☆ श्री राजकुमार कवठेकर ☆

By Hemant BawankarNo Comments

श्री राजकुमार दत्तात्रय कवठेकर

? कवितेचा उत्सव ?

☆ काही कविता… ☆ श्री राजकुमार कवठेकर ☆

गरगरणारा पतंग

विसावला झाडाच्या फांदीत..

दुखावलेल बाळ जणू आईच्या कुशीत…

           ***

 

उगमापाशी पाणी

हसत पळतय खळखळून…

त्याला काय माहित पुढे काय ठेवलंय वाढून..

          ***

 

उजाड माळरानावर

पाहिलं एका गवतफुलाला….

तेवढाच विसावा रखरखत्या डोळ्याला..

         ***

 

डेरेदार वृक्ष

दिवसा किती वाटतो सुंदर…

तोच तीन्हीसांजेनंतर वाटतो भयंकर…

         ***

 

घर उघडत नाही खिडकी

सहन करुनही वाऱ्या.. पावसाचे वार…

जणू माझ्या बंद मनाचे दार…

          ***

 

दमलेलं पाखरू

क्षणभर फांदीवर विसावलं….

उडून जाताना त्यानं वळुन नाही पाहिलं ….

          ***

 

तळ्यातलं आकाश अन् डोक्यावरचं

यातला फरक पक्ष्याला कळतो….

तो हवेतच झेपावतो….

          ***

 

वेलीला मांडव काय

अन् झाड काय…

काटेरी कुंपणावरही कसा तरारून चढलाय…

         ***

 

बाळाला झोपवून

ओसरीवर आले…

तर ‘मनी’चे पिल्लू पायाशी घोटाळले…

          ***

 

कुहुकते कोकीळा

म्हणून खिडकी उघडली…

गच्च मोहरलेली बाग दिसली…..

      ***

© श्री राजकुमार दत्तात्रय कवठेकर

संपर्क : ओंकार अपार्टमेंट, डी बिल्डिंग, शनिवार पेठ, आशा  टाकिज जवळ, मिरज

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – बालपण चित्रकाव्य ☆ – निरागस बालपण – ☆ सौ. जयश्री पाटील ☆

By Hemant BawankarNo Comments

सौ. जयश्री पाटील

?️?  बालपण चित्रकाव्य  ?️?

 ? – निरागस बालपण –  ? ☆ सौ. जयश्री पाटील ☆

☆

डाव रंगतो खेळाचा

अशा मोकळ्या मैदानी

आनंदाला नसते सीमा

सोबत मित्र-मैत्रिणी….१

☆

गर्द सावलीत झाडांच्या

दंग होती सारे खेळत

सुदृढ आरोग्य बनते

अशा मोकळ्या हवेत….२

☆

अटीतटीचा सामना

उत्कंठा आणि चुरस

सरावातूनच होते

कामगिरी मग सरस….३

☆

निरागस बालपण

अल्लड आणि खेळकर

हार-जीत शिकविते

जगी जगण्याची रीत….४

☆

चित्र साभार – सौ. जयश्री पाटील

© सौ. जयश्री पाटील

विजयनगर.सांगली.

मो.नं.:-8275592044

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – जीवनरंग ☆ द्रौपदी, कालची व आजची ☆ श्री रवींद्र पां. कानिटकर ☆

By Hemant BawankarNo Comments

? कवितेचा उत्सव ?

☆  द्रौपदी, कालची व आजची… ☆ श्री रवींद्र पां. कानिटकर ☆

पूर्वी एक द्रौपदी अपमानित होती

आज एक द्रौपदी सन्मानित आहे

 

पूर्वी एक द्रौपदी अगतिक होती

आज एक द्रौपदी जागतिक आहे

 

पूर्वी एक द्रौपदी अबला होती

आज एक द्रौपदी सबला आहे

   

पूर्वी एक द्रौपदी द्युतात हरली

आज एक द्रौपदी मानाने जिंकली

© श्री रवींद्र पां. कानिटकर

२२/७/२०२२

सांगली

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ जिव्हाळा… ☆ श्री शामसुंदर महादेवराव धोपटे ☆

By Hemant BawankarNo Comments

श्री शामसुंदर महादेवराव धोपटे

? कवितेचा उत्सव ?

☆ जिव्हाळा… ☆ श्री शामसुंदर महादेवराव धोपटे ☆

विवाहा नंतर

प्रथमच आली ती माहेरी

आली तशी वळली तिच्या खोलीकडे

मी पाहिली तिची अवस्था

न्याहळते ती आपले जुने विश्व

तिचे कपाट, टेबल, पुस्तके आणि पलंग

आहे तिथेच पहिल्याप्रमाणे

पण काहीतरी हरविल्याची भावना

जाणवतेय तिच्यात

वस्तू रूपाने सर्व आहे तसेच

पण तो अधिकाराचा ओलावा

सुकला का परंपरांच्या तापाने

की दुरावल्याची सूचना करताहेत

त्या तिला

की असून नसल्याचा संदेश देताहेत तिला

ती पुढे सरकली,

फिरवते हात प्रत्येक वस्तुवरून

नी मानतेय आभार दिलेल्या प्रेमाचे,

समर्पनाचे, निरागस कृतज्ञतेने

मी तटस्थ येणे पाहात होतो

एकाच रोपट्याच दुसऱ्यांदा रुजन नी सोसन.

©  श्री शामसुंदर महादेवराव धोपटे

चंद्रपूर,  मो. 9822363911

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ विनवणी ! ☆ श्री प्रमोद वामन वर्तक ☆

By Hemant BawankarNo Comments

श्री प्रमोद वामन वर्तक

? कवितेचा उत्सव ? 

🙏 विनवणी ! 🙏 श्री प्रमोद वामन वर्तक ⭐ 

खळ नाही आभाळाला

अविरत धरली धार

ओल्या दुष्काळाचे सावट

करू लागे मनी घर

 

घे उसंत आता जराशी

नदी नाल्या आले पूर

वावरात शिरे पाणी

तोडूनिया त्याची मेर

 

धीर सुटे बळीराजाचा

पाणी डोळ्याचे खळेना

उघड्या डोळ्यांनी पाहे

पेरणीच्या शेताची दैना

 

कर उपकार आम्हावर

पुन्हा एकदा विनवितो

भाकर तुकडा लेकरांचा

सांग कशास पळवतो ?

© श्री प्रमोद वामन वर्तक

दोस्ती इम्पिरिया, ग्रेशिया A 702, मानपाडा, ठाणे (प.)

मो – 9892561086

ई-मेल – [email protected]

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ रंजना जी यांचे साहित्य # 112 – स्वार्थ वळंबा ☆ श्रीमती रंजना मधुकरराव लसणे ☆

By Hemant BawankarNo Comments

श्रीमती रंजना मधुकरराव लसणे 

? कवितेचा उत्सव ?

☆ रंजना जी यांचे साहित्य # 112 – स्वार्थ वळंबा ☆

आज मानवी मनाला स्वार्थ वळंबा लागला।

कसा नात्या नात्यातील तिढा वाढत चालला।।धृ।।

 

एका उदरी जन्मूनी घास घासातला खाई।

ठेच एकास लागता दुजा घायाळकी होई।

हक्कासाठी दावा आज कोर्टात चालला ।।१।।

 

मित्र-मैत्रिणी समान, नाते दुजे न जगती ।

वासुदेव सुदाम्याची जणू येतसे प्रचिती

विष कानाने हो पिता वार पाठीवरी केला ।।२।।

 

माय पित्याने हो यांचे कोड कौतुक पुरविले।

सारे विसरूनी जाती बालपणाचे चोचले।

बाप वृद्धाश्रमी जाई बाळ मोहात गुंतला ।।३।।

 

फळ सत्तेचे चाखले मोल पैशाला हो आले ।

कसे सद्गुणी हे बाळआज मद्य धुंद झाले ।

हाती सत्ता पैसा येता जीव विधाता बनला।।४।।

 

सोडी सोडी रे तू मना चार दिवसाची ही धुंदी।

येशील भूईवर जेव्हा हुके जगण्याची संधी।

तोडी मोहपाश सारे जागवूनी विवेकाला।।५।

©  रंजना मधुकर लसणे

आखाडा बाळापूर, जिल्हा हिंगोली

9960128105

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ ओल्या चिंब तुझ्या हाका… ☆ सौ.मंजुषा आफळे

By Hemant BawankarNo Comments

सौ.मंजुषा आफळे

? कवितेचा उत्सव ?

☆ ओल्या चिंब तुझ्या हाका… ☆ सौ. मंजुषा आफळे ☆

ओल्या चिंब तुझ्या हाका

धावत वारीला आलो

विठू तुझ्या दर्शनाने

जन्म भरून पावलो

 

ओल्या चिंब तुझ्या हाका

दुःख विसरून गेलो

तहान भूक तूच रे

आज समजून गेलो

 

ओल्या चिंब तुझ्या हाका

ऊन पाऊस भेटीला

भजनात दंग झालो

आनंद होई जीवाला

 

ओल्या चिंब तुझ्या हाका

सर्वांभूती तू ईश्वर

विसर ना पडो कधी

हा देह आहे नश्वर

 

ओल्या चिंब तुझ्या हाका

प्रेमळ तो आशीर्वाद

भावाचा रे तू भुकेला

आम्हा कृपेचा प्रसाद

 

ओल्या चिंब तुझ्या हाका

पुनीत होई पंढरी

नाम तुझे घेता देवा

धन्य होई वारकरी.

© सौ.मंजुषा सुधीर आफळे

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कविता ☆ विजय साहित्य #134 ☆ पंढरी माहेर…! ☆ कविराज विजय यशवंत सातपुते ☆

By Hemant BawankarNo Comments

कविराज विजय यशवंत सातपुते

? कवितेचा उत्सव # 134 – विजय साहित्य ?

☆ पंढरी माहेर… ! ☆ कविराज विजय यशवंत सातपुते ☆

मुराळी होऊन

घेतसे विसावा

माये तुझ्या नेत्री

विठ्ठल दिसावा. . . . !

 

पंढरीची वारी

ऊन्हात पोळते

गालावरी माये

आसू ओघळते.. . . !

 

विठ्ठलाची वीट

उंबरा घराचा

ओलांडून येई

पाहुणा दारचा.

 

पंढरीची वारी

भेटते विठूला

आठवांची सर

आलीया भेटीला. . . . !

 

विठू दर्शनाची

घरा दारा आस

परी सोडवेना

प्रपंचाची कास.

 

पंढरीची वारी

हरीनाम घेई

माय लेकराला

दोन घास देई. . . . !

 

पंढरीची वारी

रिंगण घालते

माय शेतामधी

माया कालवते.. . . !

 

पंढरीची वारी

माऊलींच्या दारा

माय पदराचा

लेकराला वारा. . . . !

 

म्हणोनीया देवा

पंढरी माहेर

आसवांचे मोती

करती आहेर.

© कविराज विजय यशवंत सातपुते

सहकारनगर नंबर दोन, दशभुजा गणपती रोड, पुणे.  411 009.

मोबाईल  8530234892/ 9371319798.

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ स्मृतीदिना निमित्त -पाहुणचार… ☆ ग. ल. ठोकळ ☆

By Hemant BawankarNo Comments

? कवितेचा उत्सव ?

☆ स्मृतीदिना निमित्त -पाहुणचार… ☆ ग. ल. ठोकळ ☆

या बसा पाव्हनं असं, रामराम घ्या !

कोनच्या तुम्ही गांवाचं ? गाठुडं तिठं राहुं द्या !

 

घोंगडी टाकली इठं, बसा तीवर

अनमान करुं नका आतां, हें समजा अपुलं घर

 

वाढूळ चालतां जनूं, लई भागलां

हें पगा, काढलंय पाणी, आंघूळ कराया चला

 

आटपा बिगीनं जरा, ताट वाढलं

पाव्हनं, चला या आतां, हें पगा पिढं टाकलं

 

वाढली पगा ज्वारिची जाड भाकरी

निचितीनं जेवा आतां, जायचं न शेतावरी

 

लइ सुगरण मपली बरं कारभारिण

किती अपरुक झालं हाए, हें कांद्याचं बेसन !

 

लसणीची चटणी उजुन पगा वाढली

ती मधून तोंडी लावा, लागती तिखट चांगली !

 

चापून अतां होउं द्या, करुं नका कमी

मीठभाकरी गरीबाची, घ्या गोड करोनी तुम्ही

 

इकत्यांत कसं उरकलं? हें नव्हं खरं

आनकी येक चतकोर, घ्यायला पाहिजे बरं !

 

कां राव हात राखुनी असं जेवतां ?

ए अगS वाढ कीं त्यांना, हां ब्येस जाहलं अतां !

 

हो, झालंच आतां, उठा, चला भाइर

घ्या हातावरतीं पाणि, नी बसा पथारीवर

 

पाव्हनं, नीट भिंतिला बसा टेंकुनी

हें खांड घ्या सुपारीचं, घ्या तोंडामदिं टाकुनी

 

ही भरली चिलमीमदीं तमाखू अहा !

पेटली कशी पण नामी, झुरका तर घेउन पहा

 

जायचं काय म्हंगतां ? झोंप घ्या जरा

जाताल उद्यां, कां घाई ? छे, बेत नव्हं हा बरा

 

भारीच तुम्ही हे बुवा, जायचंच का ?

तारीख चालली वायां, गरिबाचं ऎकु नका

 

शेवटीं निघालांत ना ? जपूनीच जा

गरिबाची ओळख ठेवा, या बरं, रामराम घ्या !

 

– ग. ल. ठोकळ

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ मुखवटा… ☆ श्रीमती अनुराधा फाटक ☆

By Hemant BawankarNo Comments

श्रीमती अनुराधा फाटक

? कवितेचा उत्सव ?

☆ मुखवटा… ☆ श्रीमती अनुराधा फाटक ☆ 

       मुखवट्याचे जग

       वाचता वाचता

        झाले मुखवटा

         केव्हा नकळे !

        आता नाही भय

      कोण्या मुखवट्याचे

        जो तो मुखवटा

    अंतरी माझ्या !

      कधी तो हसवतो

       रडवतो कधी

   कधी गोंजारतो

   प्रेम भावे !

   नाही दुजाभाव

   अंतरीचा ठाव

  माझी समरसता

  मुखवटा !

   कुणीही आता

 बोलवावे मज

 अंतरी माझ्या

 शिरावे सहज !

 मन माझे झाले

 मुखवट्यांचा गाव

ज्याचा त्याचा स्वभाव

मुखवट्यामागे !

© श्रीमती अनुराधा फाटक

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares