मराठी साहित्य – कवितेचा उत्सव ☆ हे शब्द अंतरीचे # 130 ☆ महाराष्ट्राची यशोगाथा- भव्य राष्ट्र माझा…☆ महंत कवी राज शास्त्री ☆

By Hemant BawankarNo Comments

महंत कवी राज शास्त्री

?  हे शब्द अंतरीचे # 130 ? 

☆ महाराष्ट्राची यशोगाथा- भव्य राष्ट्र माझा… ☆

महाराष्ट्राची यशोगाथा

शब्दांत कैसी मांडावी

शूर विरांच्या, विरगाथा

लेखणीतून व्यक्त करावी.!!

 

महाराष्ट्राची यशोगाथा

शब्द हे, अपुरे पडती

संत महंतांच्या भूमीत

देव ही, इथे अवतरती.!!

 

महाराष्ट्राची यशोगाथा

संत परंपरा,  थोर लाभली

वीर शिवबा, इथेच जन्मले

मराठ्यांची, सरशी झाली.!!

 

महाराष्ट्राची यशोगाथा

सत्पुरुषांची, मांदियाळी

महात्मा फुले, आंबेडकर-शाहू

अनेक थोर, भव्य मंडळी.!!

 

महाराष्ट्राची यशोगाथा

कणखर ह्या, पर्वत-रांगा

राज-भाषा, मराठी बोली

जैसी पवित्र, गोदा- गंगा

© कवी म.मुकुंदराज शास्त्री उपाख्य कवी राज शास्त्री

श्री पंचकृष्ण आश्रम चिंचभुवन, वर्धा रोड नागपूर – 440005

मोबाईल ~9405403117, ~8390345500

≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ.गौरी गाडेकर≈

Please share your Post !

Shares

मराठी साहित्य – इंद्रधनुष्य ☆ चांगदेव पासष्ठी – भाग-6… ☆भावानुवाद- सुश्री शोभना आगाशे ☆

By Hemant BawankarNo Comments

सुश्री शोभना आगाशे

? इंद्रधनुष्य ?

☆ चांगदेव पासष्ठी – भाग-6…  ☆भावानुवाद-  सुश्री शोभना आगाशे ☆

दर्पण असो वा नसो जगी

मुख असते मुखा जागी

जैसे असते तैसे दिसते

ते का कधी वेगळे भासते॥२६॥

 

आपले मुख आपणची पाही

म्हणून का त्यांसि द्रष्टत्व येई

दर्पणी असे अविद्येने भासे

ते खरे मानता विज्ञान फसे॥२७॥

 

म्हणोनि दृश्य पाहता धरी ध्यानी

फसवे हे, परमात्म वस्तु हो मनी॥२८॥

 

वाद्यध्वनी वाचूनही ध्वनी असे

काष्ठाग्नी वाचूनही अग्नी असे

तैसे दृश्यादि भाव जरी नष्टत

मूलभूत ब्रम्हवस्तु असे सदोदित॥२९॥

 

जी न ये शब्दात वर्णता

असतेच परि, जरी न जाणता

तैशी वर्णातीत ब्रम्हवस्तु असे

शब्द, जाणिवांच्या परे असे॥३०॥

 

© सुश्री शोभना आगाशे

सांगली 

दूरभाष क्र. ९८५०२२८६५८

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – वाचताना वेचलेले ☆ ”सा रं  का ही  स्व तः सा ठी…” – कवी :  मंगेश पाडगावकर ☆ प्रस्तुती – सुश्री सुप्रिया केळकर ☆

By Hemant BawankarNo Comments

? वाचताना वेचलेले ?

🍃 ”सा रं  का ही  स्व तः सा ठी…” – कवी :  मंगेश पाडगावकर ☆ प्रस्तुती – सुश्री सुप्रिया केळकर ☆ 

।। देवधर्म पूजाअर्चा

।। सारं असतं स्वतःसाठी

।। देवाला यातलं काही

।। नको असतं स्वतःसाठी

 

।। फुलं अर्पण करतो देवाला

।। ती काय त्याच्याकडे नाहीत म्हणून ?

।। सारी पृथ्वीच ज्याचा बगिचा

।। त्याला काय करायचंय फुलं घेऊन ?

 

।। नैवेद्य जो आपण दाखवतो

।। तो काय देव खातो ?

।। तो तर स्वतःच प्राणीमात्रांचं

।। भरणपोषण करीत असतो !

 

।। निरांजनाच्या इवल्या ज्योतीने

।। ओवाळतो आपण प्रभूला

।। चंद्रसूर्य जातीने

।। हजर ज्याच्या दिमतीला

 

।। स्तोत्रं त्याची गातो ती काय

।। हपापलाय म्हणून स्तुतीला ?

।। निर्गुण निराकार जो

।। त्याला अवडंबर हवंय कशाला ?

 

।। सारं काही जे करायचं

।। ते स्वतःसाठीच असतं करायचं,

।। प्रार्थनेनं देव बदलत नसतो

।। स्वतःच स्वतःला असतं सुधारायचं !

 

|। आवडलेल्या आमटीचा

।। आवाज करीत मारता भुरका

।। विश्वास ठेवा यात काही पाप नाही,

।। आनंदाने जगायचं नाकरणं

।। याच्यासारखा दुसरा शाप नाही !

 

।। जबरदस्त डुलकी येते

।। धर्मग्रंथ वाचता वाचता !

।। लहान बाळासारखे तुम्ही

।। खुर्चीतच पेंगू लागता !

।। विश्वास ठेवा यात काही पाप नाही,

।। आनंदाने जगायचं नाकारणं

।। याच्यासारखा दुसरा शाप नाही !

 

।। देवळापुढील रांग टाळून

।। तुम्ही वेगळी वाट धरता !

।। गरम कांदाभजी खाऊन

।। पोटोबाची पूजा करता !

।। विश्वास ठेवा यात काही पाप नाही,

।। आनंदाने जगायचं नाकारणं

।। याच्यासारखा दुसरा शाप नाही !

 

।। प्रेमाची हाक येते

।। तुम्ही धुंद साद देता !

।। कवितेच्या ओळी ऐकून

।। मनापासून दाद देता !

।। विश्वास ठेवा यात काही पाप नाही,

।। आनंदाने जगायचं नाकारणं

।। याच्यासारखा दुसरा शाप नाही !

कवी :  मंगेश पाडगावकर 

संग्राहिका – सुश्री सुप्रिया केळकर

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ गुलमोहोर… ☆ श्री सुहास रघुनाथ पंडित ☆

By Hemant BawankarNo Comments

श्री सुहास रघुनाथ पंडित

? कवितेचा उत्सव ?

☆ गुलमोहोर… ☆ श्री सुहास रघुनाथ पंडित ☆

वैशाखातली एक शुष्क कोरडी दुपार 

तरीही त्याला होती चैतन्याची किनार 

वस्तीत असूनही निर्जन झालेले रस्ते 

मजुरांच्या छातीचे हलणारे भाते 

होरपळणारी मने आणि घामाच्या धारा 

वरून आग ओकणाऱ्या सूर्याचा मारा 

अशा या वणव्यात तरीही कुठेतरी …. 

गुलमोहोराच्या झाडावर सूर्य सांडलेला 

जमिनीचा देह पाकळ्यांनी झाकलेला 

पानापानावर खुले रसरसलेले फूल 

नकळत मनाला पडत होती भूल 

भडकलेल्या ग्रीष्मात सजलेला देह 

उदासवाण्या मनाला तेजाचा मोह …. 

वणव्यातही फुलणं जमायला हवं 

गुलमोहोराचं सांगणं समजायला हवं ……      

☆

© सुहास रघुनाथ पंडित 

सांगली (महाराष्ट्र)

मो – 9421225491

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ तू… ☆ सुश्री शोभना आगाशे ☆

By Hemant BawankarNo Comments

सुश्री शोभना आगाशे

? कवितेचा उत्सव ?

☆ तू… ☆ सुश्री शोभना आगाशे ☆

तुज देखता, न देखती नेत्र।

तुज ऐकता, न ऐकती श्रोत्र।

तुज स्पर्शता, न स्पर्शती गात्र।

संभ्रमित करिसी भक्तांसी॥१॥

 

तुज चिंतता, नुरे चित्तवृत्ती।

तुज आठविता, सरे विषयवृत्ती।

तुज आकळिता, विसरे देहवृत्ती।

कुंठित करिसी कर्माकर्मही॥२॥

 

तव नामा स्मरता, स्मरण विस्मरले।

तव नामरसा चाखता, अमृत फिके झाले।

तव नामोच्चारे, शब्द  निःशब्द केले।

नेसी मम वैखरी, मध्यमेतुनि पश्यन्ती॥३॥

 

© सुश्री शोभना आगाशे

सांगली 

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – चित्रकाव्य ☆ नुपूर कुठे…कुठे बेडी… ☆ श्री प्रमोद जोशी ☆

By Hemant BawankarNo Comments

?️?  चित्रकाव्य  ?️?

 ?  नुपूर कुठे…कुठे बेडी… ?  श्री प्रमोद जोशी ☆

(जे जे स्कूल ऑफ आर्टचा स्कल्प्चर गोल्डमेडॅलिस्ट श्री.सुहास जोशी, देवगड याने पाठवलेलं चित्र.)

☆

वरवर मुद्रा कथ्थकची पण,

नुपूर कोठे,कोठे बेडी !

गुंतू पाहे कुणी आणखी,

कुणा मुक्तीची आशा वेडी !

☆

मेंदी रंगली एका पायी,

दुसऱ्या पायी ठिबके रक्त !

एक शारदा भक्त असावा,

दुसरा स्वातंत्र्याचा भक्त !

☆

छुमछुम कोठे,कोठे खणखण,

सुख कुठे तर कोठे वणवण !

अलौकिक दोघांची श्रद्धा 

समर्पणास्तव उत्सुक कणकण !

☆

कुणी तुरुंगी,कुणि मंचावर,

प्रत्येकाचे विभिन्न हेतू !

दोघांच्याही स्पष्ट जाणिवा,

मनात नाही किंतु-परंतू !

☆

नृत्यासाठी अशी कल्पना,

सुचली तो तर केवळ ईश्वर !

चिरंजीविता लाभे त्याला,

कधिही होणे नाही नश्वर !

☆

ता थै थैय्या सूर अचानक,

वेदीवरती जाई मुक्तीच्या !

लिहिल्या जातील कथा चिरंजीव,

रसीक आणि देशभक्तीच्या !

☆

कृष्णधवल कुणी,कोणी रंगीत,

ज्याचे त्याचे कर्म वेगळे !

काय करावे,काय स्फुरावे,

ज्याचे त्याचे मर्म वेगळे !

☆

एका जागी भिन्न येऊनी,

सादर होईल अपूर्व चिंतन !

इतिहासावर लिहिले जाईल,

दोघांचेही नाव चिरंतन ! 

☆

© श्री प्रमोद जोशी

देवगड.

9423513604

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

 

Please share your Post !

Shares

मराठी साहित्य – कवितेचा उत्सव ☆ मराठी कौतुकै…. ☆ श्रीशैल चौगुले ☆

By Hemant BawankarNo Comments

श्रीशैल चौगुले

? कवितेचा उत्सव ?

☆ मराठी कौतुकै… ☆ श्रीशैल चौगुले ☆

आवडते मज आवडते

मराठीचे हे गौरव गाणे

चिमण्या टिपती दाणे-दाणे

तसे शब्द जणू शुध्दत्वाने

आवडते मज आवडते.

 

पंख वाणीला सरस्वतीचे

माया-ममता या भाषीयेचे

अवीट गोडीत ज्ञानेशाचे

आवडते मज आवडते.

 

लुकलुक चांदणे गगनी

चंद्र शीतल मराठी मनी

तेज तिमीरा भेद अज्ञानी

आवडते मज आवडते.

 

आरती मंदिरी आत्मभक्ती

मराठीचीये तेवती ज्योती

संतांशी ग्रंथ  जोडिती नाती

आवडते मज आवडते.

 

भारतभुमी भिन्न भाषीका

तया मराठी श्रेष्ठ रसिका

मधुर बोल रचे कवणिका

आवडते मज आवडते.

© श्रीशैल चौगुले

मो. ९६७३०१२०९०.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ रंजना जी यांचे साहित्य # 151 – देहरक्षा ☆ श्रीमती रंजना मधुकरराव लसणे ☆

By Hemant BawankarNo Comments

श्रीमती रंजना मधुकरराव लसणे 

? कवितेचा उत्सव ?

☆ रंजना जी यांचे साहित्य # 151 – देहरक्षा ☆ श्रीमती रंजना मधुकरराव लसणे ☆

☆

देहरक्षेचे महत्त्व वेश्येला नसते ।

शब्दांनी मन क्रूरतेने चिरते।

वेश्याही माणूस असते।

तिलाही मन आसते।

पोट हीच अडचण नसते।

परतीची वाट बंदच असते।

आयुचे गणित विचित्र असते।

इथे रिटेक तरी कुठे असते।

एक पायारी चुकली की

उत्तर चुकलेलेच असते।

दोष कुणाचाही असो

नेहमी तिच चुकीची असते।

कोवळ्या कळ्या क्रूरपणे

कुस्करतात ते शरीफ ।

कधी प्रेमाच्या जाळ्यात

पकडतात तेही शरीफ।

लग्नाचा बाजार

मांडतात तेही शरीफ ।

बदनाम फक्त तिच असते

मुली पळवणारे सज्जन ।

त्याची दलालही सज्जन

तिथे जाणारेही सज्जन

पूनर्वसनाला काळीमा

फासणारेही सज्जन

बळी पडणारीच !!! दुर्जन

नुसतीच का ठोकायची।

वेश्यांच्या देहरक्षणाची

आहेका हिंमत स्विकारण्याची

ना काम तरी देण्याची

ना नजरा बदलण्याची ।

ढोंगी जगात जगणे नसते।

प्रेम बंधन कुठेच नसते।

जीवन संपवायची हिंमत सार्‍यांना कुठे असते ।

रोजचीच ती मरत असते बदनामी जगत असते ।

☆

©  रंजना मधुकर लसणे

आखाडा बाळापूर, जिल्हा हिंगोली

9960128105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ मायमराठी… ☆ सुश्री त्रिशला शहा ☆

By Hemant BawankarNo Comments

सुश्री त्रिशला शहा

? कवितेचा उत्सव ?

☆ मायमराठी… ☆ सुश्री त्रिशला शहा ☆

☆

सखे शेजारीण बाई

काय सांगू महती तिची

अम्रुताचे घट भरले गं

माझ्या मराठी भाषेत

 

जात्यावरच्या ओव्या गाई

दळण दळता दळता

एक एक शब्द गुंफियेला

घाली नात्यांची सांगड त्याला

 

ज्ञानेश्वर, तुकोबांनी रचल्या

अभंग आणि पोथ्या

किती संतांनीही त्यात

लिहील्या आरत्या आणि ओव्या

 

गणगौळण,पोवाडा,भारुड आणि फटका

कवीलोकांनी रचल्या किती

लोकसाहित्यातून जपला त्यांनी

मायमराठीचा बाणा

 

मिरविते गळा साज

काना, मात्रा, वेलांटीचे

तिच्या लल्लाटी शोभती

जसे सुरेख दागिने

 

कुसूमाग्रजांची, विंदांची

खांडेकर,गडकरींची

नाट्यप्रयोगात रंगली

माझी माय मराठी ही

 

अशी सुसंस्कृत आणि शालीन

राज्यभाषा गं मराठी

जयघोष तिचा चाले साऱ्या आसमंती गाजे

☆

© सुश्री त्रिशला शहा

मिरज

 ≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

 

Please share your Post !

Shares

मराठी साहित्य – कविता ☆ विजय साहित्य #173 ☆ संत तुकडोजी ☆ कविराज विजय यशवंत सातपुते ☆

By Hemant BawankarNo Comments

कविराज विजय यशवंत सातपुते

? कवितेचा उत्सव # 173 – विजय साहित्य ?

☆ संत तुकडोजी ☆ कविराज विजय यशवंत सातपुते ☆

☆

इंगळे कुलात | संत तुकडोजी |

माणिक बंडोजी | महाराज ||. १

 

माऊली मंजुळा | वडील बंडोजी |

गुरू आडकोजी | यावलीत || २

 

ग्राम विकासाचा| घेऊनीया ध्यास |

विवेकाची कास | पदोपदी || ३

 

स्वयंपूर्ण खेडे | सुशिक्षित ग्राम |

ग्रामोद्योग धाम | आरंभीलें || ४

 

सार्थ समन्वय | ऐहिक तत्त्वांचा |

पारलौकीकाचा | उपदेश || ५

 

खंजिरी भजन | राष्ट्रसंत मान |

संस्कारांचे वाण | तुकडोजी || ६

 

व्यसना धीनता | काढलीं मोडून |

घेतली जोडून | तरुणाई || ७

 

शाखोपशाखांचे | गुरू कुंज धाम |

सुशिक्षित ग्राम | सेवाव्रत || ८

 

नको रे दास्यात | नको अज्ञानात |

नारी प्रपंचात | पायाभूत || ९

 

कुटुंब व्यवस्था | समाज व्यवस्था  |

राष्ट्रीय व्यवस्था | शब्दांकित || १०

 

नको अंधश्रद्धा | सर्व धर्म एक |

विचार हा नेक | रूजविला || ११

 

कालबाह्य प्रथा | केलासे प्रहार |

विवेकी विचार | अभंगात || १२

 

एकात्मता ध्यास | केले प्रबोधन |

दिलें तन मन | अनुभवी || १३

 

लेखन विपुल | कार्य केले थोर |

राष्ट्र भक्ती दोर | तुकडोजी || १४

 

कार्य अध्यात्मिक | आणि सामाजिक |

साहित्य वैश्विक | ग्रामगीता || १५

 

कविराज लीन | टेकविला माथा |

तुकडोजी गाथा | वर्णियेली || १६

 

☆

© कविराज विजय यशवंत सातपुते

सहकारनगर नंबर दोन, दशभुजा गणपती रोड, पुणे.  411 009.

मोबाईल  8530234892/ 9371319798.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares