Marathi Kavita
श्री सुजित कदम
☆ साप्ताहिक स्तंभ – सुजित साहित्य #67 ☆
☆ काही थेंब…! ☆
© सुजित कदम
पुणे, महाराष्ट्र
मो.७२७६२८२६२६
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
☆ कवितेचा उत्सव ☆ सांज ☆ श्री आनंदहरी ☆
तुला सांज वाटे आता नकोशी
उगवतीचा लागे लळा आगळा
त्यागू कसा शिणल्या पावलाना
आणू कुठूनी जन्म नवा वेगळा ।।
जन्मांस लाभे सावली अंताची ही
तरी जन्मता जीवनी पाश आहे
उगवण्या भास्करा लागते मावळाया
जिथे निर्मिती तेथ विनाश आहे ।।
उमलणे तिथे कोमेजणे आणिक
पालवीस सुकूनी गळूनी जाणे
निसर्गाचे देणे असे आगळे हे
अंकुरास वाढणे, वाळून जाणे ।।
जरी जाणती खेळ हा निसर्गाचा
बालपणा माया लाभते आगळी
तिरस्कार छळे नित वृद्धत्वासी
अशी जगाची या रीत ही वेगळी ।।
लागेल तुलाही कधी मावळाया
जाणीव तुजला तयाची ना आहे
पेरले आज जे,उगवते उद्याला
अंतरी विचार हा रुजवूनी राहे ।।
© श्री आनंदहरी
इस्लामपूर, जि. सांगली
भ्रमणध्वनी:- 8275178099
≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
सुश्री प्रभा सोनवणे
(आप प्रत्येक बुधवार को सुश्री प्रभा सोनवणे जी के उत्कृष्ट साहित्य को साप्ताहिक स्तम्भ – “कवितेच्या प्रदेशात” पढ़ सकते हैं।)
☆ साप्ताहिक स्तम्भ – कवितेच्या प्रदेशात # 87 ☆
☆ माझी मराठी ☆
नाजूक कोवळी
शुद्ध अन सोवळी
मौक्तिक,पोवळी
सदाशिव पेठीय
माझी मराठी….
पी.वाय.सी. बाण्याची
क्रिकेट च्या गाण्याची
खणखणीत नाण्याची
डेक्कन वासीय
माझी मराठी…..
काहीशी रांगडी
उद्धट,वाकडी
कसब्याच्या पलिकडची
जराशी अलिकडची
‘अरे’ ला ‘कारे’ ची
माझी मराठी….
वाढत्या पुण्याची
काँक्रीट च्या जंगलाची
सर्वसमावेशी,जाते दूरदेशी
इंटरनेट वरची माझी मराठी…..
© प्रभा सोनवणे
१४ फेब्रुवारी २०११
“सोनवणे हाऊस”, ३४८ सोमवार पेठ, पंधरा ऑगस्ट चौक, विश्वेश्वर बँकेसमोर, पुणे 411011
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
श्रीशैल चौगुले
☆ कवितेचा उत्सव ☆ कृष्ण-लिला… ☆ श्रीशैल चौगुले ☆
मज भान न राहिले
आज जे डोळे पाहिले
भाव मनाने वाहिले
भक्तीत श्रीकृष्ण झाले.
प्रहरी सरीत तिरी
मुकुट शोभीत शिरी
शेला सावरीत जरी
श्रीरंग दर्शनी आले.
देहास लाजरे पंख
सुखाचे मारीत डंख
हृदय घायाळ निःशंक
मोरपीस सुंदर डोले.
काय सांगू फुलले घाट
वृंदावनीचा थाटमाट
उलगडीत धुके दाट
प्रत्यक्ष मजशी बोले.
बासरी मधूर धुंद
म्हणे, मज तो मुकूंद
‘मज आवडशी छंद
तुजसवे रासलीले.’
मज भगवंती भया
मी न राधा देवा गया
सखी गोकुळची दया
जन्मास पुण्य लाभले.
दशदिशा फाके ऊषा
कृष्ण सावळा अमिषा
गौळणीत निंदा हशा
राधीकेशी सख्य जुळले.
म्हणती प्रीय ती राधा
भव आहे देह बाधा
मनमोहन तो साधा
संकट तुझे टळले.
मज छेडीत सदैव क्षण
ठेवी प्रेमाचे अंतरी ऋण
भाव निर्मळ तृप्त रक्षण
साद कसे न कळले.
दिनेश पुर्वेस आला
सये,तोची नंदलाला
तुज भासले जे रुप
सृष्टीत सुक्ष्म-स्थूले.
गोपीका आनंदे नाचे
स्वरुप आगळे साचे
मज वेड हे कशाचे
‘राधा- कृष्ण’युग ल्याले.
© श्रीशैल चौगुले
९६७३०१२०९०
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
श्री अशोक श्रीपाद भांबुरे
☆ साप्ताहिक स्तम्भ – अशोक भांबुरे जी यांची कविता अभिव्यक्ती # 86 ☆
☆ सुत्तरफेणी ☆
डोक्यावरची सुत्तरफेणी नात चिवडते
हातामधला गंध गोडवा मस्त पसरते
कधी न कुणाच्या समोर झुकला माझा ताठा
समोर ती मग अहमपणा हा होतो थोठा
हातात घेऊन चाबूक माझा घोडा करते
दडून बसते हळूच घेते चष्मा काढून
शोधा म्हणते बोलत असते सोफ्या आडून
चष्मा नसता डोळ्यांना या चुळबूळ दिसते
घरात माझ्या स्वर्गच आहे अवतललेला
ओठांमधुनी अमृत झरते ना मधूशाला
नातिन माझी परी कथेतील परी वाटते
कधी भासते गुलाब ती, कधी वाटते चाफा
गंध फसरते कधीच नाही डागत तोफा
अंश ईश्वरी तिच्यात दिसतो जेव्हा हसते
© अशोक श्रीपाद भांबुरे
धनकवडी, पुणे ४११ ०४३.
मो. ८१८००४२५०६, ९८२२८८२०२८
≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
☆ कवितेचा उत्सव ☆ दोन कविता ☆ सुश्री सुषमा गोखले ☆
[ 1 ]
अळवावरचे पाणी
गाई शाश्वताची गाणी
दंवबिंदूंचे मोती
स्थिरावले अस्थिरावरी
चिरंतन मैत्र जिवाचे
तारून नेई भवताप सारे !
– सुषम
[ 2 ]
सुवर्णशर विंधितसे प्राण
मृग विस्मयभारित
तेजोमय भास्कर लखलखीत
केशर अबोली सुवर्णी किंचित
रंगपखरण चराचरावर
विशाल तरू भेदूनी येई
तेजोनिधी सहस्त्ररश्मी
प्रकाशाचे दान दैवी
धरेवर प्रभातरंगी
अलौकिक या तेजमहाली
ब्रम्हक्षणांची अनुभूती !
–सुषम
© सुश्री सुषमा गोखले
शिवाजी पार्क – दादर
मो. 9619459896
≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
श्री शामसुंदर महादेवराव धोपटे
☆ कवितेचा उत्सव ☆ खंत एका मातेची… ☆ श्री शामसुंदर महादेवराव धोपटे ☆
माहित आहे मला तु येणार नाही
माझी घालमेल तुला कळणार नाही
अंतरीचा काहूर कुणाला मी सांगू
किती रात्री आठवणींनी मी जागू
हट्ट माझाच होता तू परदेशी जावे
आलेख तुझा वर चढता बघावे.
पण तुला न कळली आईची भाषा
भेटण्याची तुला माझी वेडी आशा
मला खंत नाही तुझ्या निर्णयाची
जननी जन्मभूमि ला न भेटण्याची
पण कसे समजावू मी मनाला
तू जागला न दुधाच्या गोडीला
जीवन तुझे समर्पित पैश्या च्या ओढीला.
पटेल गांधी सावरकर ही गेले
पण देशा ते कधी ना विसरले
ओढ तिथली कधी ना लागली
काया तयांची मातीला जागली
मने तुमची ही कशी रे घडली
माया आमुची कुठेरे नडली
तुम्हा कशी ओढ आईची वाटेना
आठवणीने तिच्या कंठ दाटे ना
विचार कर तू भावनिक काही
पालटून अपुला भूतकाळ पाही
अपेक्षा मला अशी फार नाही
नजरेत ये, नको घेऊ कष्ट काही
फक्त तिर्डी चा माझ्या भार वाही
दे अग्नी, नी हो दुधाला उतराई.
तेव्हढीच घे तसदी झाली रे घाई
मग जा बाळा परतुनी …
परतुनी मी पाहणार नाही…
© श्री शामसुंदर महादेवराव धोपटे
चंद्रपूर, मो. 9822363911
≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
कवी राज शास्त्री
☆ साप्ताहिक स्तम्भ – हे शब्द अंतरीचे # 36 ☆
☆ वृद्धापकाळातील वेदना… ☆
वृद्धापकाळातील यातना
बोलक्या, तरी अबोल होती
स्व-अस्तित्व मिटतांना
डोळ्यांत अश्रू तरळती…०१
वृद्धापकाळातील यातना
थकवा प्रचंड जाणवतो
आधार हवा, प्रत्येक क्षणाला
जवळचाच तेव्हा, मागे सरकतो… ०२
वृद्धापकाळातील यातना
विधिलिखित असतात
परिवर्तन, नियम सृष्टीचा
विषद, लिलया करून देतात…०३
वृद्धापकाळातील यातना
भोगल्याशिवाय, गत्यंतर नाही
प्रभू स्मरण करत रहावे
तोच आपला, भार वाही…०४
वृद्धापकाळातील यातना
न, संपणारा विषय हा
“राज” हे कैसे, प्रस्तुत करू
अनुभव, प्रत्येकाला येणार पहा…०५
© कवी म.मुकुंदराज शास्त्री उपाख्य कवी राज शास्त्री.
श्री पंचकृष्ण आश्रम चिंचभुवन, वर्धा रोड नागपूर – 440005
मोबाईल ~9405403117, ~8390345500
≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
श्री सुहास रघुनाथ पंडित
☆ कवितेचा उत्सव ☆ स्वप्नवेल ☆ श्री सुहास रघुनाथ पंडित ☆
शुक्राचे चांदणे पडले पहा क्षितिजावर
रातराणी उमलूदे तुझ्या मुखमंडलावर
स्वप्नरंगी चांदण्यांना घेऊनिया संगती
एकमेकांच्या सवे ग धुंदल्या त्या सर्व राती
सांग,सांग काय झाले आज तुजला प्रिये
व्यर्थ जाते चांदणे तू अशी जवळीच ये
सोडूनिया राग लटका हास पाहू एकदा
वा नववधूसारखी तू लाज पाहू एकदा
प्रार्थितो मी आज तुजला ऐक ग माझे जरा
चांदणे आहे तोवरी स्वप्न रंगवूया जरा
वा,सखी वा, मानिली तू प्रार्थना माझी खरी
रातराणी बहरली आपुल्या स्वप्नवेलीवरी.
© श्री सुहास रघुनाथ पंडित
सांगली (महाराष्ट्र)
मो – 9421225491
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
☆ कवितेचा उत्सव ☆ अंतरीचा ईश्वर ☆ सौ.अश्विनी कुलकर्णी ☆
किती गोडवा तो तुझ्या अंतरी
तुझ्या अंतरीच शोध भाव ईश्वरी
अर्पिण्यास का तू शोधतोस फूल पत्री
अंतरीच्या ईशाशी करावीस मैत्री
किती घालावे ते हार अन किती अलंकार
अंतरीच्या ईशालाच करावा श्रृंगार
अवडम्बराची नसावी फूकी आरास
अंतरीच्या ईशाचा घ्यावाच ध्यास
भुकेल्या जीवाना देऊनी घास
अंतरीच्या ईशाची बघ तू मिठास
पावती अन्नदान नको तो दिखवा
अंतरीच्या ईशाचा शांततेचा विसावा
वाचाळता ही जणू मिथ्याच सारी
अंतरीचा ईश तो कृतीवीना निर्विकारी
पाठपूजा निरंतर परी अंतरी क्लेश भारी
अंतरीचा ईश काढे मनुजामधिल दरी
नंदादीप तूज घरी हजेरीही मंदिरी
ईशत्व रोमात तुझ्या बघ एकदा अंतरी
© सौ अश्विनी कुलकर्णी
सांगली (महाराष्ट्र)
मो – 9421225491
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
