मराठी साहित्य – कवितेचा उत्सव ☆ मन राऊळी…..☆ सौ. उज्वला सुहास सहस्रबुद्धे

By Hemant BawankarNo Comments

सौ. उज्वला सुहास सहस्रबुद्धे

? कवितेचा उत्सव ?

☆ मन राऊळी ☆ सौ. उज्वला सुहास सहस्रबुद्धे ☆

मनाच्या राऊळी, विठ्ठल झाला हो जागा !

नाही पंढरी, मंदिरी, आहे तुझ्याच अंतरंगा!

 

मनाच्या राऊळी, घंटानाद होई पहाट प्रहरी!

मनातील विठ्ठला संगे, करू पंढरीची वारी !

 

वाळवंटी चंद्रभागेच्या, वारकरी गर्दी ना करे!

विठ्ठलाच्या डोळ्यातून, विरहाचे अश्रू झरे!

 

भक्तगण झाला, माझ्या संगतीला पारखा!

अश्रुंनी भिजला, भक्त पांडुरंगाचा सखा!

 

रोगराईने केली भक्त गणात दूरी दूरी!

 अंतरीच्या ओढीने, भक्त विठ्ठला साठी झुरी!

 

विठ्ठल म्हणे भक्ता, नाही तुझ्या माझ्यात अंतर!

तुझ्या मनाच्या राऊळी, असे मी निरंतर!

 

© सौ. उज्वला सहस्रबुद्धे

वारजे, पुणे (महाराष्ट्र)

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – कवितेचा उत्सव ☆ संविधान ☆ श्रीमती अनुराधा फाटक

By Hemant BawankarNo Comments

श्रीमती अनुराधा फाटक

? कवितेचा उत्सव ?

☆ संविधान ☆ श्रीमती अनुराधा फाटक ☆ 

जमिनीवरच्या वृक्षाला असलेले

खोलवर रुजण्याचे स्वातंत्र्य

वृक्ष पालनपोषण कर्तव्य

दोन्ही बाजू एका नाण्याच्या !

स्वातंत्र्याच्या हक्काच्या वृक्षाने

सार्थ उंची गाठण्यासाठी

पसरावीत कर्तव्याची मुळे

संधी मिळवून खोलवर !

संधीचे शुद्ध सोन्याचे पाणी

फुलवेल हक्कांचा फुलमळा

सहज येतील त्याला गोड

टवटवीत समृध्दीफळे !

जी जगाच्या बाजारात

मिळवतील प्रतिष्ठेची प्रत

असा वृक्ष उंच फोफावेल

त्याची कीर्ती दिगंत पसरेल !

स्वातंत्र्याचा वृक्ष लावणाऱ्या

असंख्य हुतात्म्यांचे बलिदान

सार्थकी लागण्याचे समाधान

देशाला मिळवून देते संविधान !

© श्रीमती अनुराधा फाटक

≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – कविता ☆ साप्ताहिक स्तम्भ # 102 – घरकुल ☆ कविराज विजय यशवंत सातपुते

By Hemant BawankarNo Comments

कविराज विजय यशवंत सातपुते

? साप्ताहिक स्तम्भ # 102 – विजय साहित्य ?

☆ घरकुल ☆ कविराज विजय यशवंत सातपुते ☆

रंगत संगत पायाभरणी,सजले घरकुल छान 

अंतरात या तुला शारदे ,देऊ पहिला मान

 

अनुभव आणि अनुभूतीचा , सडा शिंपला परसात

व्यासंगाची सडा रांगोळी, हळव्या काळीज दारात

भाव फुलांची पखरण आणि, देऊ अक्षर वाण …!

 

किलबिल डोळे नवकवितेचे, कथा छानशी स्वागता

ललित लेख हा दिवाण खाणी, आवड सारी नेणता

पाहुणचारा चारोळ्या, किस्से, शायरी अक्षरांचे दान   ..!

 

पै पाहुणा आला गेला,बघ रंग रंगोटी जोरात

घर शब्दांचे,नांदत आहे, आयुष्याच्या सदनात

कलागुणांना काव्यकलेला सृजनाचे वरदान…!

 

घरकुल माझे साहित्याचे, अवीट नाते जडलेले

राग लोभ नी क्षमायाचना, आनंदाने भरलेले

कादंबरी चे रूप देखणे, या सदनाची शान …!

 

© कविराज विजय यशवंत सातपुते 

सहकारनगर नंबर दोन, दशभुजा गणपती रोड, पुणे.  411 009.

मोबाईल  9371319798.

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – साप्ताहिक स्तम्भ ☆ सुजित साहित्य # 88 – एक कविता तिची माझी..! ☆ श्री सुजित कदम

By Hemant BawankarNo Comments

श्री सुजित कदम

☆ साप्ताहिक स्तंभ – सुजित साहित्य #88 ☆ 

☆ एक कविता तिची माझी..! ☆

एक कविता तिची माझी ..

रोज भेटते फेसबुक वरती .

भिजलेल्या पानांची ..

कोसळत्या सरींची ..

निथळत्या थेंबाची ..

तर कधी.. हळूवार पावसाची…!

 

एक कविता तिची माझी ..

रोज भेटते फेसबुक वरती.

गुलाबांच्या फुलांची ..

पाकळ्यांवरच्या दवांची ..

गार गार वा-याची ..

तर कधी.. गुणगुणां-या गाण्यांची…!

 

एक कविता तिची माझी ..

रोज भेटते फेसबुक वरती .

वाहणा-या पाण्याची..

सुंदर सुंदर शिंपल्याची ..

अनोळखी वाटेवरची ..

तर कधी ..फुलपाखरांच्या पंखावरची…!

 

एक कविता तिची माझी ..

रोज भेटते फेसबुक वरती.

उगवत्या सुर्याची ..

धावणा-या ढगांची..

कोवळ्या ऊन्हाची ..

तर कधी पुर्ण.. अपूर्ण सायंकाळची…!

 

एक कविता तिची माझी ..

रोज भेटते फेसबुक वरती .

काळ्या कुट्ट काळोखाची..

चंद्र आणि चांदण्यांची ..

जपलेल्या आठवणींची ..

तर कधी.. ओलावलेल्या पापण्यांची…!

 

एक कविता तिची माझी ..

रोज भेटते फेसबुक वरती .

पहील्या वहील्या भेटीची ..

गोड गुलाबी प्रेमाची ..

त्याच्या तिच्या विरहाची ..

तर कधी.. शांत निवांत क्षणांची ..!

 

एक कविता तिची माझी ..

रोज भेटते फेसबुक वरती .

कधी तिच्या मनातली ..

कधी माझ्या मनातली..

एक कविता तिची माझी ..

रोज भेटते फेसबुक वरती..!

 

© सुजित कदम

पुणे, महाराष्ट्र

मो.७२७६२८२६२६

≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – साप्ताहिक स्तम्भ ☆ कवितेच्या प्रदेशात # 110 ☆ अभंग ☆ सुश्री प्रभा सोनवणे

By Hemant Bawankar1 Comment

सुश्री प्रभा सोनवणे

? साप्ताहिक स्तम्भ – कवितेच्या प्रदेशात # 110 ?

☆ अभंग ☆

 कितीक चेहरे ।आणि मुखवटे ॥

पहातो आपण।सदोदित ॥

 

 असे का पहाता ।त्रासून नेहमी ।

हसू की जरासे ।कधीतरी ॥

 

 जग हे कृत्रिम ।परकेच वाटे ।

झाले अचंबित ।येथे देवा ॥

 

 कितीतरी भाव । मनात दाटती।

कधी प्रकटती । मुखावर ॥

 

लपविला मी ही । चेहराच माझा ।

नवा मुखवटा ।चढविला ॥

 

नका करू प्रेम ।माझ्यावर कुणी ।

तृप्त या जीवनी । तुम्ही असा ॥

 

 मला टाळणारे । सख्खे सोबतीच।

करू तकरार ।कोणाकडे ॥

 

सारे भाव माझे । दाविले तुम्हास ।

आता मात्र झाले । निर्विकार ॥

                     *

पंढरीच्या राया ॥ नाही आता वारी॥

तूच ये सत्वरी॥ घरी माझ्या!

          *

केली ज्यांनी वारी॥सदोदित पायी

घेई हृदयाशी ॥देवा त्यांना

           *

 एकदाच गेले ॥वारी मध्ये तुझ्या

 केली मनोमन ॥नित्य  पूजा

           *

थकले पाऊल॥अवेळीच माझे

नाही आले पुन्हा ॥तुझ्या भेटी

           *

 आली महामारी॥जगतात सा-या

पंढरीच्या फे-या ॥बंद आता

       *

तूच माझी भक्ती ॥तूच माझी शक्ती

फक्त बळ देई ॥ जगण्याचे

       *

 सांग आता भक्ता॥येऊ नको दूर

रे पंढरपूर ॥बंद आता

       *

 पांडुरंग ध्यानी ॥पांडुरंग मनी

झाले मी हो जनी ॥अंतर्बाह्य

         *

देह त्यागताना ॥डोळाभर दिसो

आत्म्यामधे वसो॥विठ्ठलचि 

 

© प्रभा सोनवणे

“सोनवणे हाऊस”, ३४८ सोमवार पेठ, पंधरा ऑगस्ट चौक, विश्वेश्वर बँकेसमोर, पुणे 411011

मोबाईल-९२७०७२९५०३,  email- [email protected]
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – कवितेचा उत्सव ☆ जिगिषा… ☆ सुश्री सुरेखा आपटे

By Hemant BawankarNo Comments

? कवितेचा उत्सव ?

☆ जिगिषा… ☆ सुश्री सुरेखा आपटे ☆

हातोडा होऊन घाव  घातले आहेत

खिळा होऊन घाव सोसले आहेत

वास्तवाच्या भिंती तशाच राहिल्या

भगदाडं मनाला पडली आहेत.

 

कुणी शब्दांनं मारतं तर

कुणी शस्त्रानं

कोणी उपेक्षेने मारतं तर

कुणी गृहीत धरून.

एकाच उखळात सतरा घाव    चुकवत

आयुष्य पडतं खर्ची.

कोणताच ठाव नसलेल्या त्यानं कसं जगावं स्वतः साठी?

सगळं संपलं तरी;

मातीत गाडलेलं बीज सुद्धा

अंकुरतं ,फुलारतं ,तरारून उठतं

त्यामागे काय असतं ?

फक्त जिगीषा

जगण्याची जिद्द अन् आशा

आणि “त्याची ‘इच्छा!

 

©  सुश्री सुरेखा आपटे

पुणे  

मो 9372494220

≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – कवितेचा उत्सव ☆ मी शबरी ☆ सौ. सुचित्रा पवार

By Hemant BawankarNo Comments

सौ. सुचित्रा पवार

? कवितेचा उत्सव ?

☆ मी शबरी ☆ सौ. सुचित्रा पवार ☆

धन्य मी शबरी भिल्लाची

चरण क्षाळीते श्रीरामाची

 

झाडलोट करुनी कुटीची

वाट सुशोभित आगमनाची

नाजूक चरणे प्रभूंची

चरण क्षाळीते श्रीरामाची

 

वनमाळांची घेऊनिया परडी

कंदमुळांची चाखून गोडी

भेट साधीच अर्पायाची

चरण  क्षाळीते श्रीरामाची

 

चव उष्टावल्या बोरांची

माला सुगंधी पुष्पांची

मज न ठावे आवड देवाची

चरण क्षाळीते श्रीरामाची

 

युगेनयुगे वाट पाहून प्रभूची

थकली कुडी शबरीची

आस एकच प्रभुभेटीची

क्षाळीते चरण श्रीरामाची

 

नको मज देवा काही आता

पावन कर झोपडी जाता जाता

विनंती भोळ्या शबरीची

क्षाळीते चरण श्रीरामाची

धन्य मी शबरी भिल्लाची

 

© सौ.सुचित्रा पवार 

तासगाव, सांगली

8055690240

≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – साप्ताहिक स्तम्भ ☆ श्री अशोक भांबुरे जी यांची कविता अभिव्यक्ती # 113 ☆ वळ ☆ श्री अशोक श्रीपाद भांबुरे

By Hemant BawankarNo Comments

श्री अशोक श्रीपाद भांबुरे

? साप्ताहिक स्तम्भ – अशोक भांबुरे जी यांची कविता अभिव्यक्ती # 113 ?

☆ वळ ☆

अजूनी माळरानातच, तुझा दरवळ कसा आहे

असे ही वाट काट्यांची, तनाचा छळ कसा आहे

 

जरी पाषाण हृदयी तो, तरी पाझर मनी त्याच्या

झऱ्याला अमृताच्या या, म्हणू कातळ कसा आहे

 

गळाचा पाहुनी गांडुळ, गळा तो फाडतो मासा

फणा काढून बसलेला, कळेना गळ कसा आहे

 

मला सोडून तू गेला, तुला विसरून मी गेले

तरीही काळजावरती, ठळकसा वळ कसा आहे

 

अजूनी यौवनातच मी, असा तो वागतो वेडा

वयाची उलटली साठी, तरीही चळ कसा आहे

 

छडीचा मार पाठीवर, तरी हा बोलतो सुंदर

विचारा गोंधळ्याला त्या, तुझा संबळ कसा आहे

 

विवाहाचे गणित साधे, विचारा प्रेम वेड्यांना

कधी ना पाहिला त्यांनी, तिचा मंगळ कसा आहे

 

© अशोक श्रीपाद भांबुरे

धनकवडी, पुणे ४११ ०४३.

[email protected]

मो. ८१८००४२५०६, ९८२२८८२०२८

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – कवितेचा उत्सव ☆ त्यागाची दुसरी बाजू ….. ☆ श्री तुकाराम दादा पाटील

By Hemant BawankarNo Comments

श्री तुकाराम दादा पाटील

? कवितेचा उत्सव ?

☆ त्यागाची दुसरी बाजू ….. ☆ श्री तुकाराम दादा पाटील ☆ 

प्रेमावर जगते जगणे

ओठावर फुलते हसणे

 

मी माझे माझे म्हणता

म्हणताना होते फसणे

 

डोळ्याच्या धारा ठरती

दु:खाला पाझर फुटणे

 

मन कातर कातर होता

वाट्याला येते हरणे

 

अपमानी वर्तन ठरते

क्रोधाला जागे करणे

 

सगळ्यांना दिसते कळते

मोलाचे नकली रडणे

 

हरल्यावर नक्की असते

वै-याच्या हाती पडणे

 

त्यागाची दुसरी बाजू

विरहाने नुसते झुरणे

 

चुकल्यावर खंत करावी

जगण्यावर कसले रुसणे?

 

© श्री तुकाराम दादा पाटील

मुळचा पत्ता  –  मु.पो. भोसे  ता.मिरज  जि.सांगली

सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३

दुरध्वनी – ९०७५६३४८२४, ९८२२०१८५२६

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares

मराठी साहित्य – कवितेचा उत्सव ☆ साप्ताहिक स्तम्भ – हे शब्द अंतरीचे # 57 ☆ प्रेम… ☆ महंत कवी राज शास्त्री

By Hemant BawankarNo Comments

महंत कवी राज शास्त्री

?  साप्ताहिक स्तम्भ – हे शब्द अंतरीचे # 57 ? 

☆ प्रेम… ☆

प्रेम आंधळं असतं

म्हणायला सोप्प जातं

झाल्यावर मात्र

गोड सुद्धा कडू लागतं…०१

 

प्रेम आंधळं असतं

ते कुठे ही होतं

काळी गोरी बोबडी

प्रेम मानत नसतं…०२

 

प्रेम आंधळं असतं

हे कसं पटवायचं

घरच्यांसमोर सांगा

सामोरं कसं जायचं…०३

 

प्रेम आंधळं असतं

पुरावे आहेत बारा

तरी सुद्धा पहा हो

नाही होत कमी तोरा…०४

 

प्रेम आंधळं असतं

नाही कधी करायचं

पण प्रेम होऊनच जातं

अलिप्त कसं रहायचं…०५

 

प्रेम आंधळं असतं

गणित खूप कठीण प्रेमाचं

भले भले इथे शूर थकले

न उलगडे कोडं प्रेमाचं…०६

 

माझे चित्त तुला अर्पण

मीरा वदली कान्हाला

विष पिऊन दिला दाखला

प्रेमाचा असा बोलबाला…

 

© कवी म.मुकुंदराज शास्त्री उपाख्य कवी राज शास्त्री.

श्री पंचकृष्ण आश्रम चिंचभुवन, वर्धा रोड नागपूर – 440005

मोबाईल ~9405403117, ~8390345500

≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈

Please share your Post !

Shares