मराठी साहित्य – चित्रकाव्य ☆ फुल किती सुंदर… ☆ सुश्री नीलांबरी शिर्के ☆

By Hemant BawankarNo Comments

सुश्री नीलांबरी शिर्के

?️?  चित्रकाव्य  ?️?

☆ ? फुल किती सुंदर… ?  ☆ सुश्री नीलांबरी शिर्के ☆ 

☆

जेवढ आयुष्य आहे तेवढ

फुल किती सुंदर जगत

नितळ सौंदर्य दरवळ आपला

मुक्तपणे उधळत रहात

☆

झाडावरच्या कळ्यांना

कस जगाव शिकवण देत

अस आखिव रेखीव जगा

आपणालाही संदेश देत

☆

जगण्याची ही श्रीमंती

किती काळ नको विचार

आनंद द्या समाधान घ्या

तसाच असो वर्तन, आचार

☆

चित्र साभार – सुश्री नीलांबरी शिर्के 

©  सुश्री नीलांबरी शिर्के

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ गुलाबी सण ! ☆ श्री प्रमोद वामन वर्तक ☆

By Hemant BawankarNo Comments

श्री प्रमोद वामन वर्तक

? कवितेचा उत्सव ? 

⭐ गुलाबी सण…⭐ श्री प्रमोद वामन वर्तक ⭐ 

रंग सगळे अंगावरले

झाले असतील ते धुवूनी,

रंग करांचा नसेल गेला

कालची धुळवड खेळूनी !

 

ठेवा शिल्लक त्यावर थोडा

सुंदर गुलाबी रंग प्रेमाचा,

मनांत पक्के ठरवा तुम्ही

त्यास जन्मभरी जपायचा !

 

करावी सदा सर्वदा तुम्ही

प्रेम रंगाची ती उधळण,

मग होईल आयुष्य तुमचे

न संपणारा गुलाबी सण !

 

© श्री प्रमोद वामन वर्तक

ठाणे.

मो – 9892561086

ई-मेल – [email protected]

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ रंजना जी यांचे साहित्य # 99 – प्रारब्ध माणसाचे ☆ श्रीमती रंजना मधुकरराव लसणे ☆

By Hemant BawankarNo Comments

श्रीमती रंजना मधुकरराव लसणे 

? कवितेचा उत्सव ?

☆ रंजना जी यांचे साहित्य # 99 – प्रारब्ध माणसाचे ☆

प्रारब्ध माणसाचे कोणास ना कळे।

हे भोग संचितांचे चुकवून का टळे।

 

हा देह राबवूनी जगतास पोसणारा ।

राहूनिया उपाशी गळफास आवळे।

 

खोटीच स्वप्न सारी दुनियेस दाविशी ।

जगतास ठकविणारे हे भास आगळे।

 

देऊन तेज बुद्धी छळवाद का असा।

पैशाविना न शाळा तिळमात्र ही पळे।

 

संतान सौख्य शोधा प्रासाद गुतं ले।

तान्हास काय देऊ रंकास ना कळे।

 

©  रंजना मधुकर लसणे

आखाडा बाळापूर, जिल्हा हिंगोली

9960128105

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ तांडव… ☆ श्री हरिश्चंद्र कोठावदे ☆

By Hemant BawankarNo Comments

श्री हरिश्चंद्र कोठावदे

? कवितेचा उत्सव ?

☆ तांडव… ☆ श्री हरिश्चंद्र कोठावदे ☆ 

(वृत्त: बालानंद)

मात्रा: ८+६

कोसळली कडकड वीज

दूभंग मंदिरी देव

कळवळला दैवी टाहो

मर्मावर झाला घाव !

 

चांदणे क्षमेचे अंधुक

सूडाची पेटत ज्वाला

हे घाव घातले ज्यांनी

त्यांच्यास्तव हाती भाला !

 

सूडाचा पेटत वणवा

बेचिराख हिरवळ सारी

क्षणभरात झाली वाफ

ह्रदयीची झुळझुळ सारी !

 

नटराज सुडाचा उघडी

प्रलयंकर तिसरा डोळा

निखळले दिशांचे खांब

अढळातुन ढळला तारा !

 

सृजनाचे रचिले सरण

तिमिरात बुडविले तारे

रूपरंग रसगंधांची

कुलुपबंद केली दारे !

 

शमल्यावर तांडव सारे

सांबाचे काळिज हलले

अपराधी होते कोण

उद्ध्वस्त कुणाला केले !

 

© श्री हरिश्चंद्र कोठावदे

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ खंत… ☆ सुश्री अरूणा मुल्हेरकर☆

By Hemant BawankarNo Comments

सुश्री अरूणा मुल्हेरकर

? कवितेचा उत्सव ?

☆ खंत… ☆ सुश्री अरूणा मुल्हेरकर ☆ 

(अष्टाक्षरी)

(राधिकाताईंची वाळा कथा वाचल्यानंतर माझी काव्यमय प्रतिक्रिया. – धन्यवाद!)

उघडला दरवाजा

एके दिवशी मनाचा

एक कोपरा दिसला

होता भरला खंतीचा…..

 

नाही ऐकले बाबांचे

काळ सरला वेगाने

आयुष्याच्या संध्याकाळी

शिकू लागले मी गाणे…..

 

शिकायला वय नाही

जरी हे असेल खरे

पण काळ जातो पुढे

मग हाती काय उरे?…..

 

लहानपणापासून

केला असता रियाज

मीही असते गायिका

कोणी नामवंत आज…..

 

थोडे फार शिकले मी

मान्य आहे मला जरी

सागरात या सुरांच्या

गंटागळ्या खाते तरी…..

 

देवा एक मागते मी

पुनर्जन्म दे मजला

जन्मा येऊन नव्याने

नष्ट करीन खंतीला…..

©  सुश्री अरूणा मुल्हेरकर

डेट्राॅईट (मिशिगन) यू.एस्.ए.

 

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कविता ☆ साप्ताहिक स्तम्भ #121 – विजय साहित्य – महाबली हनुमान! ☆ कविराज विजय यशवंत सातपुते ☆

By Hemant BawankarNo Comments

कविराज विजय यशवंत सातपुते

? कवितेचा उत्सव # 121 – विजय साहित्य ?

☆ महाबली हनुमान! ☆ कविराज विजय यशवंत सातपुते ☆

बलभीम वीर। आंजनेय सूत॥

केसरीचा पूत। हनुमान॥१॥

 

नाशिक हा जिल्हा । अंजिनेरी ग्राम॥

देवभूमी धाम। चिरंतन॥२॥

 

शक्ती सिद्धी युक्त। घेतलीसे धाव ॥

इंद्रवज्र घाव। हनुवटी॥३॥

 

शेंदूर नी तेल। रूई फुले पाने ॥

मंदिर घोषाने। निनादले॥४॥

 

शाप मिळालेला। विसर शक्तीचा॥

व्यासंग भक्तीचा। रामनामी ॥५॥

 

घडे रामभेट। शब्द चिरंजीव॥

दासभक्ती नीव । हनुमंत ॥६॥

 

जांबुवंत कृपे। परतली शक्ती॥

रामनामी भक्ती। स्थिरावली॥७॥

 

सीता शोध कार्य। झाला अग्रेसर ॥

रावणाचे घर। पेटविले॥८॥

 

जानकीचा शोध। वायुपुत्र घेई॥

संदेश तो देई। राघवासी॥९॥

 

जिथे जिथे राम। तिथे हनुमान॥

भक्ती शक्ती वाण। अलौकिक॥१०॥

 

चातुर्य नी शौर्य। पराक्रम गाथा॥

लीन होई माथा। बजरंगी॥११॥

 

मारुतीचे स्तोत्र। भीमरुपी पाठ॥

महारूद्र वाट। फलदायी॥१२॥

 

संकट मोचन। बल उपासना॥

समर्थ प्रेरणा। रामदासी॥१३॥

 

बजरंग बली। उपासना मंत्र॥

यशदायी तंत्र। हनुमंत॥१४॥

 

चिरंजीवी दास। देव पंचमुखी॥

रामनाम मुखी। अव्याहत॥१५॥

 

कविराज शब्दी। वर्णाया मारुती॥

द्यावी अनुभूती। रामराया॥१६॥

© कविराज विजय यशवंत सातपुते

सहकारनगर नंबर दोन, दशभुजा गणपती रोड, पुणे.  411 009.

मोबाईल  8530234892/ 9371319798.

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ स्वप्नरंजन ☆ श्री रवींद्र सोनावणी ☆

By Hemant BawankarNo Comments

श्री रवींद्र सोनावणी

? कवितेचा उत्सव ?

☆ स्वप्नरंजन ☆ श्री रवींद्र सोनावणी ☆ 

 जागेपणी प्रिये तू, डोळ्यापुढे असावी

मिटताच लोचने मी, स्वप्नातही दिसावी.                           || धृ ||

 

 झुकवून नेत्र खाली, रोखून ते पहाणे,

जणू पाहिलेच नाही, असले तुझे बहाणे,

 पदरास  पीळ भरता, नेहमीच तु दिसावी      ||१||

 

 तू रेखीता कपोली, ती चंद्रकोर लाल,

मुखचंद्र लाजुनी ग, होईल लाली लाल,

जास्वंदी सम लाली, गाली सदा दिसावी  ||२||

 

आषाढ मोकळा तू, झटकू नकोस वेडे,

हरवून भान जाते, वेल्हाळ प्रेम वेढे

गजऱ्यांस माळताना, खिडकीत तू दिसावी ||३||

 

जा तू खूशाल आता, झुकवून नेत्र खाली,

काळीज फेकले मी, वाटेत भोवताली,

 तुडवीत काळजाला, जाता सदा दिसावी ||४||

 

ते दक्ष लक्ष जेव्हा, डोळ्यात रंगते ना!

पाहू नको, कि पाहू? माझे मला कळेना,

 प्रीती तुझी न माझी, अद्वैत आज व्हावी ||५||

 

© श्री रवींद्र सोनावणी

निवास :  G03, भूमिक दर्शन, गणेश मंदिर रोड, उमिया काॅम्पलेक्स, टिटवाळा पूर्व – ४२१६०५

मो. क्र.८८५०४६२९९३

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ सुजित साहित्य #109 – एकटं एकटं वाटतं हल्ली…! ☆ श्री सुजित कदम ☆

By Hemant BawankarNo Comments

श्री सुजित कदम

? कवितेचा उत्सव ?

☆ सुजित साहित्य # 109 – एकटं एकटं वाटतं हल्ली…! ☆

एकटं एकटं वाटतं हल्ली कातरवेळी.

ओठावरती त्याच ओळी त्याच वेळी…!

 

तिची सोबत तिची आठवण बरेच काही

मांडून बसतो सारा पसारा अशाच वेळी…!

 

उडून जातो सूर्य नभीचा डोळ्यादेखत

तेव्हाच येते रात्र नभावर चंद्राळलेली…!

 

दाटून येतो अंधार थोडा चहू दिशानी.

अताशा मग फाटत जाते स्वप्नांची झोळी…!

 

डोळ्यांमधूनी वाहून जाते मग टिपूर चांदणे

बघता बघता मग रात्र ही सरते एकांत वेळी…!

 

एकटं एकटं वाटतं हल्ली कातरवेळी

ओठावरती त्याच ओळी त्याच वेळी…!

 

© सुजित कदम

संपर्क – 117, विठ्ठलवाडी जकात नाका, सिंहगढ़   रोड,पुणे 30

मो. 7276282626

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – मराठी कविता ☆ कवितेच्या प्रदेशात # 128 ☆ गझल… ☆ सुश्री प्रभा सोनवणे ☆

By Hemant BawankarNo Comments

सुश्री प्रभा सोनवणे

? कवितेच्या प्रदेशात # 128 ?

☆ गझल… ☆

अशा वेळेस पूर्वीचे बहाणे शक्य नाही

 तरीही मी मला विसरून जाणे शक्य नाही

 

म्हणे अनयास राधा वागले धुंदीत एका

गळ्याशी दाटलेले गीत गाणे शक्य नाही

 

तरूणाईत मी दर्यात त्या पोहून आले

नदीनाल्यामधे आता नहाणे शक्य नाही

 

अशा वेळेस एकाकी करावे काय आता

विषारी वल्लरीचे मूळ खाणे शक्य नाही

 

जरी केला गुन्हा प्रीतीस साक्षात्कार म्हटले

झिजावे चंदनासह मी? सहाणे, शक्य नाही

 

दिशा अंधारल्या दाही दिसेना आज काही

उजेडाचे नवे घेणे उखाणे शक्य नाही

 

अरे कृष्णा कशाला नाद हा केला खुळा रे

प्रवाही कोणत्याही मी वहाणे शक्य नाही

 

© प्रभा सोनवणे

१५ /१६ एप्रिल २०२२ – सिंगापूर

संपर्क – “सोनवणे हाऊस”, ३४८ सोमवार पेठ, पंधरा ऑगस्ट चौक, विश्वेश्वर बँकेसमोर, पुणे 411011

मोबाईल-९२७०७२९५०३,  email- [email protected]

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ निरपेक्ष… ☆ श्री शरद कुलकर्णी ☆

By Hemant BawankarNo Comments

? कवितेचा उत्सव ?

☆ निरपेक्ष… ☆ श्री शरद कुलकर्णी ☆ 

साफल्य वैफल्य ,

दोन्हीही सापेक्ष .

निरपेक्ष मन,

असो द्यावे.

              असो द्यावे मन,

               सावचित्त थोडे.

               अबलख घोडे,

               एरवीचे .

एरवीचे जिणे ,

जुनेच पुराणे.

ओठावर गाणे,

यावे पुन्हा .

               यावे पुन्हा सारे,

               परतून वारे.

               शैशवाचे तारे,

               आकाशी या.

© श्री शरद  कुलकर्णी

मिरज

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares