मराठी साहित्य – कवितेचा उत्सव ☆ देह आणि मन…! ☆ श्री प्रमोद वामन वर्तक ☆

By Hemant BawankarNo Comments

श्री प्रमोद वामन वर्तक

? कवितेचा उत्सव ? 

⭐ देह आणि मन…! 🖊️ श्री प्रमोद वामन वर्तक ⭐ 

देह आपला

     असतो कह्यात,

मन असते

     बरेच वाह्यात !

 

देह असला

     जरी धरेवरी,

मन नाठाळ

     मारी भरारी !

 

देह रंगात

     रंगवी स्वतःला,

मन शोधी

     आपला कुंचला !

 

देह धरी ताल

      गोड अभंगावर, 

मन मोहीत

      होई लावणीवर !

 

देह मन जयाचे

        झाले एकरूप,

लोकां दिसे तो

        संत स्वरूप !

© प्रमोद वामन वर्तक

स्थळ – बेडॉक रिझरवायर, सिंगापूर.

मो – 9892561086, (सिंगापूर)+6594708959

ई-मेल – [email protected]

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – चित्रकाव्य ☆ – फांदीवरती बसला पक्षी – ☆ सुश्री नीलांबरी शिर्के ☆

By Hemant BawankarNo Comments

सुश्री नीलांबरी शिर्के

?️?  चित्रकाव्य  ?️?

?– फांदीवरती बसला पक्षी – ? ☆ सुश्री नीलांबरी शिर्के ☆

1

फांदीवरती येऊन  बसला

इवला  वेडाराघू  पक्षी

कोवळ्या पानाने रेखली

नाजूक  सुंदर  नक्षी

☆

अंगावरची नक्षी पाहून

राघू मनात  सुखावला

मिरवत  नक्षी इवला पक्षी

काही वेळ तिथे स्थिरावला

2

पिवळ्या पिसांचा

ताज शिरावर

हिरवाई  लेऊन

इवल्या अंगावर

☆

क्षणभर विसावे

राघू फांदीवर

आपसूक उमटे

नक्षी अंगभर

☆

चित्र साभार –सुश्री नीलांबरी शिर्के

© सुश्री नीलांबरी शिर्के

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

हिन्दी साहित्य – मनन चिंतन ☆ संजय दृष्टि – चयन ☆ श्री संजय भारद्वाज ☆

By Hemant Bawankar1 Comment

श्री संजय भारद्वाज

(श्री संजय भारद्वाज जी – एक गंभीर व्यक्तित्व । जितना गहन अध्ययन उतना ही  गंभीर लेखन।  शब्दशिल्प इतना अद्भुत कि उनका पठन ही शब्दों – वाक्यों का आत्मसात हो जाना है।साहित्य उतना ही गंभीर है जितना उनका चिंतन और उतना ही उनका स्वभाव। संभवतः ये सभी शब्द आपस में संयोग रखते हैं  और जीवन के अनुभव हमारे व्यक्तित्व पर अमिट छाप छोड़ जाते हैं।  हम आपको प्रति रविवार उनके साप्ताहिक स्तम्भ – संजय उवाच शीर्षक  के अंतर्गत उनकी चुनिन्दा रचनाएँ आप तक  पहुँचा रहे हैं। सप्ताह के अन्य दिवसों पर आप उनके मनन चिंतन को  संजय दृष्टि के अंतर्गत पढ़ सकते हैं। )

☆ आपदां अपहर्तारं ☆

💥अगली साधना – आज शनिवार 24 दिसम्बर से श्री भास्कर साधना आरम्भ हो गई है। 💥

इसमें जाग्रत देवता सूर्यनारायण के मंत्र का पाठ होगा। मंत्र इस प्रकार है-

।। ॐ भास्कराय नमः।।

अनुरोध है कि आप स्वयं तो यह प्रयास करें ही साथ ही, इच्छुक मित्रों /परिवार के सदस्यों  को भी प्रेरित करने का प्रयास कर सकते हैं। समय समय पर निर्देशित मंत्र की इच्छानुसार आप जितनी भी माला जप  करना चाहें अपनी सुविधानुसार कर सकते हैं ।यह जप /साधना अपने अपने घरों में अपनी सुविधानुसार की जा सकती है।ऐसा कर हम निश्चित ही सम्पूर्ण मानवता के साथ भूमंडल में सकारात्मक ऊर्जा के संचरण में सहभागी होंगे। इस सन्दर्भ में विस्तृत जानकारी के लिए आप श्री संजय भारद्वाज जी से संपर्क कर सकते हैं। 

? संजय दृष्टि – चयन  ??

समुद्र में अमृत पलता,

समुद्र ही हलाहल उगलता,

शब्दों से गूँजता ऋचापाठ,

शब्द ही कहलाते अवाच्य,

चिंतन अपना-अपना,

चयन भी अपना-अपना!

© संजय भारद्वाज 

रात्रि 11.31, 14.9.20

अध्यक्ष– हिंदी आंदोलन परिवार ☆सदस्य– हिंदी अध्ययन मंडल, पुणे विश्वविद्यालय ☆संपादक– हम लोग ☆पूर्व सदस्य– महाराष्ट्र राज्य हिंदी साहित्य अकादमी ☆   ट्रस्टी- जाणीव, ए होम फॉर सीनियर सिटिजन्स ☆

मोबाइल– 9890122603

संजयउवाच@डाटामेल.भारत

[email protected]

≈ संपादक – श्री हेमन्त बावनकर/सम्पादक मंडल (हिन्दी) – श्री विवेक रंजन श्रीवास्तव ‘विनम्र’/श्री जय प्रकाश पाण्डेय ≈

Please share your Post !

Shares

मराठी साहित्य – कवितेचा उत्सव ☆ वंशवेल… ☆ सौ. उज्वला सुहास सहस्रबुद्धे ☆

By Hemant BawankarNo Comments

सौ. उज्वला सुहास सहस्रबुद्धे

? कवितेचा उत्सव ?

☆ वंशवेल… ☆ सौ. उज्वला सुहास सहस्रबुद्धे ☆

  ज्या क्षणाची आस होती,

  उगवला तो क्षण सखी!

  चाहूल लागली जीवा,

  येणार पाहुणा जगी !

 

 किती अपूर्वाईचे ते,

 सौभाग्य कुशीत आले!

वंशवेल बहरता ,

 मनोमनी मोहरले !

 

चिमणा खेळवताना

 दुग्धे वक्ष भरलेले !

चोचीत अमृत देता,

जीवन सार्थक झाले!

 

किती अजब   करणी

ईश्वर करून जातो !

तो अंशरूपे त्याचेच,

चैतन्य भरून येतो !

 

उजळली भाग्य रेखा

  वंशा दिवा आला पोटी!

  त्याच्या सुखात माझा,

  आनंद उमटे ओठी !

 

© सौ. उज्वला सुहास सहस्रबुद्धे

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ रंजना जी यांचे साहित्य # 132 – बाळ गीत – रोजच जाईन शाळेला ☆ श्रीमती रंजना मधुकरराव लसणे ☆

By Hemant BawankarNo Comments

श्रीमती रंजना मधुकरराव लसणे 

? कवितेचा उत्सव ?

☆ रंजना जी यांचे साहित्य # 132 – बाळ गीत – रोजच जाईन शाळेला ☆

पाटी-पुस्तक नवीन दप्तर घेऊन रोजच वेळेला ।

मित्रासंगे हासत खेळत जाईन रोजच शाळेला।।धृ।।

 

शाळा माझी भासे मजला जणू जादूची ही नगरी ।

तशीच ताई प्रेमळ भारी अवतरली जणू सोनपरी ।

लहान होवून तेही खेळे धमाल येते शिकण्याला ।।१।।

 

चित्र जुळुन गोष्टी बनती अक्षरांच्या गाड्या पळती ।

समान आकार समान चित्रे हसत खेळत येथे जुळती

अक्षर-अक्षर जुळवून आम्ही स्वतःच शिकलो वाचायला ।।२।।

 

गणिताची ही मुळी न भीती काड्या आणि बियाही जमती

नोटा नाणी काड्या मोजता गणिताची ही कोडी सुटती।

वजन मापे घड्याळ काटे आम्हीच घेतो फिरवायला।।३।।

 

झाडे वेली फुले नि पाने बागही लागली फुलायला।

फुलपाखरे अणिक पक्षी येतील आम्हा भेटायला।

त्यांच्यासंगे खेळ खेळूनी रंगत आली शिकण्याला ।।४।

©  रंजना मधुकर लसणे

आखाडा बाळापूर, जिल्हा हिंगोली

9960128105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ फुरसत… ☆ सुश्री वृंदा (चित्रा) करमरकर ☆

By Hemant BawankarNo Comments

सुश्री वृंदा (चित्रा) करमरकर

? कवितेचा उत्सव ?

☆ फुरसत🌊 ☆ सुश्री वृंदा (चित्रा) करमरकर ☆

आभासी या जगात साऱ्या

 गुंता  नकली नात्यांचा

कोण ते कसे कळावे

बाजारची हा मुखवट्यांचा

 

भासमान या दुनियेमध्ये

लाईक कमेंट अवती भवती

ज्याला त्याला विसर पडतो

आपली माती कुठली नाती

 

विश्व आले आज अवघे

ज्याच्या त्याच्या मुठीमधूनी

क्षितीज कवेत घेण्यासाठी

दूर चाललो काय सोडूनी?

 

मोबाईलशी जुळले नाते

विश्वाचे अंगण होई खुले

दोन प्रेमळ शब्दांसाठी

वृध्द जीव हे आसुसले

 

विस्तारू दे तरु कीर्तीचा

आम्हाही अभिमान तयाचा

फुरसत काढून वळून पहा

हालहवाल पुसा मुळांचा

© वृंदा (चित्रा) करमरकर

सांगली

मो. 9405555728

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कविता ☆ विजय साहित्य #154 ☆ त्रिगुणात्मक अवतार… ☆ कविराज विजय यशवंत सातपुते ☆

By Hemant BawankarNo Comments

कविराज विजय यशवंत सातपुते

? कवितेचा उत्सव # 154 – विजय साहित्य ?

☆ त्रिगुणात्मक अवतार… ☆ कविराज विजय यशवंत सातपुते ☆

ब्रम्हा विष्णू आणि शिवाचा, त्रिगुणात्मक अवतार

दिगंबरा दिगंबरा हा, मंत्रघोष तारणहार.. ..||धृ.||

 

गळ्यात रुद्राक्षाच्या माळा, अंगावर भस्माच्या रेषा

गोमाता नी श्वान सभोती, दत्त हा दिगंबर वेषा

शंक,चक्र त्रिशूळ हाती,स्वामी चराचरी साकार….||१.||

 

नवनाथांचा कर्ता धर्ता, गिरनार पर्वत वासी

महान योगी दत्तात्रेया, येशी संकट तारायासी

औदुंबर वृक्ष निवासी, कर अवधूता संचार…..||२.||

 

आद्य ग्रंथी लीळाचरित्री,उपास्य दैवत ज्ञाता तू

अत्री आणि अनुसूयेचा, जगत् पालक त्राता तू

चार वेद नी भैरवाचा,होई सदैव साक्षात्कार…||३.||

 

औदुंबर नी माहुर क्षेत्री, किंवा त्या नरसोबा वाडी

पिठापूर, गाणगापूरी, संकीर्तनी भरे चावडी

जात पात ना ठावें काही,धावे करण्याला उद्धार…||४.||

© कविराज विजय यशवंत सातपुते

सहकारनगर नंबर दोन, दशभुजा गणपती रोड, पुणे.  411 009.

मोबाईल  8530234892/ 9371319798.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेचा उत्सव ☆ सुजित साहित्य #140 ☆ भक्त शिरोमणी… संत नामदेव ☆ श्री सुजित कदम ☆

By Hemant BawankarNo Comments

श्री सुजित कदम

? कवितेचा उत्सव ?

☆ सुजित साहित्य # 140 ☆ भक्त शिरोमणी… संत नामदेव ☆ श्री सुजित कदम ☆

भक्त शिरोमणी संत

रेळेकर आडनाव

नामवेद नामविस्तार

सांप्रदायी‌ सेवाभाव…! १

 

वारकरी संप्रदायी

जन्मा आले नामदेव

दामाशेठ गोणाईला

प्राप्त झाली पुत्र ठेव….! २

 

गाव नरसी बामणी

जन्मा आले नामदेव

दामाशेठ गोणाईला

प्राप्त झाली पुत्र ठेव….! ३

 

सदाचारी हरिभक्त

शिंपी कुल  नामांकित

हरि भजनाचे वेड

नामदेव मानांकित…! ४

 

जिल्हा हिंगोली आजचा

नामदेव जन्म भुमी

कार्तिकाची एकादशी

सांप्रदायी कर्म भुमी…! ५

 

भागवत धर्मातील

आद्य प्रचारक संत

भाषा भेद करी दूर

नामदेव नामवंत…! ६

 

बालपण पंढरीत

लागे विठ्ठलाचा लळा

जेवी घातला विठ्ठल

फुलवला भक्ती मळा…! ७

 

घास घेरे पाडुंरंगा

निरागस भक्ती भाव

अडिचशे अभंगात

दंग झाले रंक राव….! ८

 

दैवी कीर्तन कलेने

डोलतसे पांडुरंग

भावनिक एकात्मता

सारे विश्व झाले दंग…! ९

 

दैवी कवित्व संतत्व

चिरंतन ज्ञानदीप

रंगे कीर्तनाचे रंगी

नामदेव ध्येय दीप…! १०

 

औंढा नागनाथ क्षेत्री

नागराजा आळवणी

भक्ती सामर्थ्य अद्भुत

फिरे देवालय झणी…! ११

 

महाराष्ट्र पंजाबात

बाबा नामदेव वारी

गुरूमुखी लिपीतून

नामदेव साक्षात्कारी…!१२

 

नामदेवाचे कीर्तन

वेड लावी पांडुरंगा

भक्ती शक्तीचा गोडवा

भाव  अभंगाच्या संगा . . . ! १३

 

विठ्ठलाची सेवा भक्ती

हेची जाहले संस्कार

निरूपण अध्यात्माचे

मनी जाहले साकार. .  . ! १४

 

ज्ञाना, निवृत्ती ,सोपान

समकालीन विभूती

गुरू विसोबा खेचर

नामयाची ज्ञानस्फूर्ती . .  ! १५

 

गौळण नी भारूडाचा

आहे अजूनही ठसा

जनाबाई ने घेतला

एकनाथी वाणवसा.. .  ! १६

 

देशप्रेम  आणि भक्ती

रूजविली नामयाने

भागवती धर्म शिखा

उंचावली संकीर्तने. . . ! १७

 

ग्रंथ साहिब ग्रंथात

नामदेव साकारला

हरियाणा, पंजाबात

प्रबोधनी आकारला. .  ! १८

 

संत कार्य भारतात

नामदेव सेवाव्रती

हिंदी मराठी पंजाबी

शौरसेनी भाषेप्रती…! १९

 

संत नामदेव गाथा

बहुश्रुत अभ्यासक

शीखांसाठी मुखबानी

भक्ती भाव संग्राहक…! २०

 

जेऊ घातला विठ्ठल

पायरीची विट झाला

भक्ती मार्ग  उपासक

भजनात दंग झाला . . . ! २१

 

पायरीच्या दगडाचा

महाद्वारी मिळे मान

आषाढाची त्रयोदशी

नामदेव त्यागी प्राण…! २२

©  सुजित कदम

संपर्क – 117, विठ्ठलवाडी जकात नाका, सिंहगढ़   रोड,पुणे 30

मो. 7276282626

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – कवितेच्या उत्सव ☆ प्रार्थना धरणी आईची… ☆ सौ. जयश्री पाटील ☆

By Hemant BawankarNo Comments

सौ. जयश्री पाटील

? कवितेच्या उत्सव ?

☆ प्रार्थना धरणी आईची… ☆ सौ. जयश्री पाटील ☆

ऋणी ..धरणी आईचा

काळया सुंदर मातीचा

तूच ……जगत जननी

मुखी घास भाकरीचा. १.

 

तुझ्या कुशीत जन्मलो

ताठ जगलो ..वाढलो

तूच ..श्वास जीवनाचा

तुझ्या ..वरती पोसलो. २.

 

घाव …निमूट सोसते

भले बुरे ते ….झेलते

माया .‌‌..तरीही करते

सर्वांसाठी ….बहरते. ३.

 

देते भरभरु ….सारे

ठायी नसे  भेदभाव

किती गुण तुझे गावे

उपकारा नसे ..ठाव. ४.

 

टिळा लावतो मस्तकी

नित …चरण स्पर्शितो

अशी फुलावी फळावी

हीच ..प्रार्थना अर्पितो. ५.

 

नाते हे …..युगायुगांचे

तुझ्या कुशीत विश्रांती

तुझ्या सोबत …अखेर

आयुष्याची चीर शांती. ६.

 

© सौ. जयश्री पाटील

विजयनगर.सांगली.

मो.नं.:-8275592044

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares

मराठी साहित्य – चित्रकाव्य ☆ – विचारात अशा, का गुंतली – ☆ डॉ. स्वाती पाटील ☆

By Hemant BawankarNo Comments

?️?  चित्रकाव्य  ?️?

 ? – विचारात अशा, का गुंतली – ? ☆ डॉ. स्वाती पाटील ☆

हिरवाई अंगी ।नेसून षोडशा।

विचारात अशा। का गुंतली ।।

 

असतील काही । प्रश्नांचे काहूर।

विचार करीते। सोडवाया॥।

 

दिसे शिकलेली। नार ही गोमटी।

कोणाकडे दीठी। लागलीसे ।।

 

स्वप्न रंजनात। असेल झुलत ।

प्रीत झोपाळ्यात। मनातल्या ॥।

 

की साजन गेला। पर मुलखाला ।

आठवून त्याला । वाट पाहे।।

 

डोळ्यात उदासी । झाली असे कृश।

भेटण्या जीवासी ।आतुरली ।।

 

© डॉ.स्वाती पाटील

सांगली

मो.  9503628150

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Please share your Post !

Shares