सौ. ज्योती कुळकर्णी
कवितेचा उत्सव
☆ मंजुघोषाचे सांगणे… ☆ सौ. ज्योती कुळकर्णी ☆
☆
धर्म अमुचा गर्व आहे भारताला
भूषणावह तोच आहे या जगाला
*
तू जगावे अन जगू द्यावे दुजांना
मारणे का रे हिताचे का कुणाला
*
ज्या दुधावर पोसलेला मायच्या या
अस्तनी मधला निखारा तू निघाला
*
दाखवी तू प्रेम खोटे भूल पडली
लागलो माशा प्रमाणे मी गळाला
*
पारधी आडून जाळे टाकणारा
हा शिकारी हा कधीही ना कळाला
☆
© सौ. ज्योती कुळकर्णी
अकोला
मोबा. नं. ९८२२१०९६२४
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
