श्री तुकाराम दादा पाटील
कवितेचा उत्सव
☆ निशाणी… ☆ प्रा तुकाराम दादा पाटील ☆
☆
कुरवाळावी उगीकशाला जखम मनाची भळभळणारी
सोसायाची करू तयारी करून सारी दुनियादारी
*
नकली झाला लळा जिव्हाळा लबाड करतो फसवाफसवी
त्यांना थोडी इजा करूया टपून बसले सर्व मदारी
*
बदलायाला हवेच आता लढायचे तर अन्यायाशी
सांगायाला नकोच काही जमेल तेव्हा घ्या तलवारी
*
आली आहे समोर संधी दयाघनाला विनवायाची
या नवसाची करू तयारी जमाव जमला देवादारी
*
केला आम्ही ठराव आहे इथेच बांधा मंदिर साधे
जाणे येणे नको कुठेही जमेल तेव्हा करतो वारी
*
सत्ता आहे तयार झाली विरोध नाही कोठे काही
सारे काही लुटायला ही करावयाची खास तयारी
*
दारावरची पुसा निशाणी जुनी कशाला ठेवायाची
आता स्वप्ने नजाकतीची बघू जराशी पुढची भारी
☆
© प्रा. तुकाराम दादा पाटील
मुळचा पत्ता – मु.पो. भोसे ता.मिरज जि.सांगली
सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३
दुरध्वनी – ९०७५६३४८२४, ९८२२०१८५२६
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
