मराठी साहित्य – कवितेचा उत्सव ☆ “तू चालत रहा…” ☆ श्री आशिष मुळे ☆

☆ “तू चालत रहा…” ☆ श्री आशिष मुळे ☆

☆

काट्यांवरून चालत रहा

थांबलास जरी तू तरी

ते टोचायचे थोडेच थांबणार आहेत

*

दमलास तरी पुढेच जात रहा

गेलास जरी मागे तरी

मैलाचे दगड दिसणारच आहेत

*

डोळ्यासमोर फुले ठेव

काटे जसे आहेत इथे तशी

कुठेतरी फुले असणारच आहेत

*

….. आणि चालण्यावाचून दुसरा मार्ग आहे का

कारण जेव्हा थांबतोस तेव्हाही,

एका थंड.. निर्जीव अवस्थेकडे

तू जातच असतोस …

*

त्यापेक्षा पुढेच जात राहून

एकदाच वळून बघायचे आहेस

अंतर दिसेल तुला सहस्रकांचे

बघ कुठून कुठे आला आहेस….

*

कळेल मग तुला आपोआप

काय तुझे कर्तव्य आहे

रस्ताच दाखवेल तुला की

कुठे तुला पोहोचायचे आहे….

☆

© श्री आशिष मुळे