श्री प्रमोद वामन वर्तक
कवितेचा उत्सव
☆ 😞 भेटेल कां… 🕺💃 ☆ श्री प्रमोद वामन वर्तक ☆
☆
शर जाता तिच्या नयनांचे
मम हृदयास भेदून
आज वाटे झाले सार्थक
माझे या जन्मा येऊन
*
उगाच सावरी पदर
जरी तो नसे ढळला
चित्त विचलित करण्याचा
लागला जणू तिज चाळा
*
भासते सहजच करी
दो हातांचे ते हातवारे
मज सम प्रेमवीर समजती
त्या मागचे सूचक इशारे
*
बोलणे तरी किती लाघवी
कानी वाजे जणू जलतरंग
गोडी अशी तिच्या वाणीची
होईल सन्याशाचा तपोभंग
*
भेटेल कां खरोखरी मज
अशी स्वप्ननगरीची अप्सरा
कां येऊन फक्त स्वप्नात
मिरवेल आपलाच तोरा
मिरवेल आपलाच तोरा
☆
© प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.)
मो – 9892561086 ई-मेल – [email protected]
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
